OROMA 12:12 - Nanduk Ngget Tul Pidnak Wene

¹² Kenalin kenalen pem-et kinndi-ge at ebem mbung mbung tak wolmer-o. Anggun panggun kenpem mbosola-t nde, kinndi luruk puruk, tepan nak kundugu yogolat wolmer-o.

OROMA 12:12 ပူးပေါင်းရင်းမြစ်များ

NDAWI ENGGA 37:7

Kir-e kinndi yamuk tak pem-et Nagawan Indo yik karok wolmer-o. Mamak puruk irit towarak worakmu, at-nen kwaruwag-o. It-nen kwarugwi bem ebe worak nak kwarogolat, enmberam lagolat kwarogola-ge, ”O” luk, kinndi kabak yurak pug-o.

NDAWI ENGGA 40:1

Nde, an-e mondok mamak puruk irit Nagawan Indo-nen yongga nururak yik karok worasola-ge, at-nen lombot nuburug-e, nene kulij-o.

MATIUS 5:12

Kit woragit lak ma-nen nanduk Mbal Pem Nagawan ene lomboksa yugwi nap na iri nggal-et lel mberel inpikma me, aid arem-nen kit wok kundurak onggo nggulok worasu me, kenalen pen-et woragolat, kijik kijak wolmer-o.”

LUKAS 10:20

Irit nde, kugi-nen kit-nen yidnak yidnak kwaruwa iri bem nak kenalen kudtak pug-o. Are, ’Nit nunnu aid arem mbarak worasu-o’ luk-nen kenalen kagolat wolmer-o” luk yak indij-o.

LUKAS 21:19

Kit-nen nde tugup lak mamak puruk woragup pem-e kinmiri yaga wanugub-o” luk yij-o.

LUKAS 8:15

Nde, uwi nggweyak konak pem mbid iri na nggal-e, ap-nen aid wene na kulurug-e, inndi konak mot mot iri na bem-et puksa enarem tak puruk, inndi mamak puruk woragolat-nen ebe rak pili iri nggal-nen yusu-o” luk yij-o.

YIDNAK YIDNAK WENE 1:14

It pidsa min kweyap erep min Yesus ija Maria min Yesus owottak min inndi misiget tak nak puruk, tepan-e lambuksa kundugu yogolat woraiga-o.

YIDNAK YIDNAK WENE 12:5

Iri kwasa Peterus na-ge o kubu me pil nggwidnak woragaij-et nde, lambuk tak inpidnak nap-nen-e at amanggim kundugu Mbal Pem Nagawan emengen mbarogolat woraiga-o.

YIDNAK YIDNAK WENE 2:42

Iri lug-e, ir-e pempa wirik inpidnak nap-nen mirik inpidnak wene puksa wanogolat, it inmin kundik woragolat, mburu ndeksa nonggolat, tepan yogolat irit kwarogolat woraiga-o.

YIDNAK YIDNAK WENE 6:4

Nde, nir-e tepan nak yilik, aid wene mul indilik kwarogolat wulmul-o” luk yak indiga-o.

OROMA 15:13

Ap inndi ebem mbung mbung tak wolmomtak elem-e Mbal Pem Nagawan-nen yusu-o. Kit kinndi-ge at ebem angin tubu yidnak me, at-nen-e enalin enalen kagwi elem min lambuksa woragwi elem min kobong tak kunpuwag-o. Iri ala, Konak Indi amawi bem-e kit kwara Mbal Pem Nagawan ebem kinndi mbung mbung tak worabokluk kobong tak kunpuwag-o.

OROMA 15:4

Mbal Pem Nagawan engga bem-nen-e ninndi luruk purak min ninndi tugup lak tak purak min mul nondosola, Mbal Pem Nagawan ebem ninndi mbung mbung tak wolmakluk mul nundusu me, Mbal Pem Nagawan engga bem mbaridnak wene pidsa nit mul nundurak pem mbariga-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

OROMA 8:25

Alat nde, nenlengen-nen kagit lak mende bem ninndi mbung mbung tak woragolar-e, ninndi luruk puruk, yik karok woragwi-o.

1 KORINTUS 13:13

Nde, yawo-nen-e kenan yu worasu-o: Inndi angin tubu yugwi min inndi mbung mbung tak woragwi min ap enabuwa kagwi min worasu-t nde, ija lombog-e ap enabuwa kagwi irir-o.

2 KORINTUS 12:8

Iri andi rak noboso iri bem an-nen kenan pem Nagawan Indo emengen mbarosolar-e: ”Yu kwat nubusu yu lak tak pi-o” luk emengen mbarigi-o.

PILIPI 4:4

Nagawan Indo ebem pempa pempa-t kenalin kenalen kagolat wolmer-o. Nde, tuguruk yak kendeyeg-o. Kenalin kenalen-et kagolat wolmer-o.

KOLOSE 1:11

Enpem mboso mende oboksa kenpem mbosola-ge, kinndi luruk puruk woragolat, kenalen min-et woraboklug-e, at amawi kwarat iri-nen kenmawi rak posola-ge, kit kenmawi yugub-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

KOLOSE 4:12

Kit kenma nap misik, Kerisut Yesus ndegel oboso nap Epaparas-nen-e wiwa yak kundusu-o. Nde, at iri-nen-e pempa pempa kit kenmanggim kiri keresa tepan yosolar-e: ”It inndi tugup lak woragolat, iminep mbarak woragolat, Mbal Pem Nagawan indi-n pidnak nak kwarogolat wolmag-o” luk Mbal Pem Nagawan emengen mbaroso-o.

KOLOSE 4:2

Tepan kundugu yogolar-e, kinndi na kwara kunluk woragolat-nen Mbal Pem Nagawan imin-e ”Wiwa-o” luk yak togolat wolmer-o.

1 TESALONIKA 1:3

Nineid Mbal Pem Nagawan imbiri bem nit-nen yebet keneyagolar-e, kit kinndi angin tubu yidnak pem-nen kwarogolat woragwi nde, ap enabuwa kagolat-nen yabu kenmawi min-et wanugwi nde, Nenagawan Indo Yesus Kerisut ebem kinndi mbung mbung tak pigeb-e mondok tugup lak worali nde, iri mende yebet yebet tak worali-o.

1 TESALONIKA 5:8

Alat nde, nir-e lengge imin kwin yidnak nap me, ninndi min-et wolmog-o. Nit-nen yorogolar-e, ninndi angin tubu yidnak min ap enabuwa kagwi elem min-e tagun nggal yorogolat, nenanggul ndimno nggal-e ninmiri yurak ninndi ebem mbung mbung tak woragwi iri na yuruwog-o.

2 TESALONIKA 1:4

Kit iri nggal kwarogola me, Mbal Pem Nagawan-nen idnak lambuk tak inpidnak nap oboksa ennggendumu-nen nir-e kentembel wanili-o. Angin worak mende nin tak nan tak kenpem mbosola na, andi bandi mende kagolat na, kir-e kinndi angin tubu luk, mamak puruk worali me, nir-e kentembel wanili-o.

2 TESALONIKA 3:5

Nagawan Indo-nen kit kinndi ndemel konposolar-e, Mbal Pem Nagawan abuwa kagolat, Kerisut-nen mamak poso nggal mamak pugwi nap tak kunpuwag-o.

1 TIMOTIUS 6:11

Alat nde, Mbal Pem Nagawan ndegel oboso nap wa-e. Kat perak nde iri mende pidsa keya bi-o. Are, lud tak nak kwarugwi min Mbal Pem Nagawan indi aye kagwi min inndi angin tubu yugwi min ap enabuwa kagwi min mamak puruk woragwi min yanggonak nak woragwi min iri nak langgal luk mbiri-o.

2 TIMOTIUS 3:10

Alat nde, kar-e an-nen mul ondoso min an-nen woraso nebage min an-nen yebet karuk kwaroso min an nindi angin tubu yidnak min an-nen mamak puruk woraso min an-nen ap enabuwa kaso min an-nen tugup lak woraso min

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

TITUS 3:7

Iri rak ninpid iri-ge, Yesus-nen we wok ondoso elem pem nir-e Mbal Pem Nagawan imin kwindik nonposolat, pem-et nunlug-et wulmul-o luk ninndi-ge iri bem mbung mbung tak worali iri na wok nondosolat yekluk, iri rak ninpij-o.

IBERANI 10:32

Nanduk woraigep iri na kinndi yebet ker-o. Iri tarem-e Mbal Pem Nagawan eyaya wanigep pem-e anggun panggun kwarat kenpem mbosola-t nde, kir-e mamak puruk woraigeb-o.

IBERANI 10:36

Mbal Pem Nagawan indi-n pidnak kwarobok-nen kir-e mondok mamak puruk wolmer-o. Nde, iri kwarugup pem-e Mbal Pem Nagawan-nen urul pidnak mende na-ge wanugub-o.

IBERANI 12:1

Iri bem-e yik neneyarok worali nab-e mondok kwarat kambuk kambuk tak nunpuruk worali me, angin tak nunpurak mende oboksa keya buruk, puk tak nunpurak meya yogolat woragwi mende na keya buruk, nir-e kondok yil mburugwi sa iri me pong kil mborogolar-e, pong tenak nak wolmog-o.

IBERANI 3:6

Alat nde, Mbal Pem Nagawan uwi na-ge at Ambara Kerisut inggem pidnak me, ar-e mot mot nak tena worasu-o. Nde, nir-e wog-et nunduwa-o luk ninndi embem min-et ninndi mbung mbung tak woragwi ala-ge, nir-e Mbal Pem Nagawan uwi-net yili-o.

IBERANI 5:7

Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.

IBERANI 6:12

Nde, kir-e kenperari yurak iri-ge ninsili-o. Are, it inndi angin tubu luk, Mbal Pem Nagawan-nen urul pidnak na wanul-er-o luk mamak puruk towarak worali nap iri nggal woragup iri-ge nindingen-o.

IBERANI 6:15

Nde, Abaram na-ge indi luruk puruk towarak woragaid pem-e Mbal Pem Nagawan-nen urul paga yak tidnak na-ge mondok wanid nar-o.

YAKOBUS 5:7

Iri bem-e nanggamirak wa-e. Kir-e mamak puruk irit worakmu, Nagawan Indo lobok yuwag-o. Yabu wanoso nab-e at-nen yabu wanidnak iri yik karok worasoma, ebe kwarat makluk mamak puruk woraso iri ker-o. Mamak puruk irit worasolar-e, isi poso talme min lera mboso talme min yik karok woraso-o.

1 PETERUS 4:13

Are, Kerisut andi bandi kagaid na nggal-et an-e at imin andi bandi kasu-o luk, kenalen ker-o. Iri kwarugup ala-ge, at kek tak woraso nam tak puwa tarem-e kit kenalin kenalen kwarat kagub-o.

1 PETERUS 4:7

Yi mende ndi mende pidsa lak momtak tarem panggo yusu-o. Iri bem-e, tepan yobok-nen kit kondomoktak kinndi tena woragolat, kwil kwalsa wolmer-o.

2 PETERUS 1:6

Nde, enaru yugwi mende min lombok tak pogolar-e, kondomok-nen kinndi tena woragwi na lambuksa waner-o. Nde, kondomok-nen kinndi tena woragwi na min lombok tak pogolar-e, kinndi tugup lak woragwi na lambuksa waner-o. Nde, kinndi tugup lak woragwi na min lombok tak pogolar-e, Mbal Pem Nagawan-nen kwaroso nggal kwarugwi irit lambuksa waner-o.

NAM PARA WENE 13:10

Ap-nen mondok yemen unpuwag-o yidnak nab-e yemen-et unpuwa-o. Nde, yalawi bem unduwag-o yidnak nab-e ndemeret yalawi bem unduwar-o. Iri bem-nen Mbal Pem Nagawan ilirag-e mondok inndi luruk puruk, inndi angin tubu luk wolmomtag-o.