OROMA 12:11 - Nanduk Ngget Tul Pidnak Wene

¹¹ Yabu kwara wanogolar-e, perari yurak pug-o. Kinndi embem pem-net Nagawan Indo eyabu wanogolat wolmer-o.

OROMA 12:11 ပူးပေါင်းရင်းမြစ်များ

MBIRIGA WENE 5:17

Yak togola, nagawan na-nen yosolar-e: ”Kir-e yabu wanurag-e mondok perari yogolat kinsili yusu-o. Iri yogolar-e, kit-nen yidnak Nagawan Indo amanggim wam wosa kan pil mbururak pem nak an-nen lerak kunpuwakluk nemengen mbatli-o.

NGGOMO WENE 13:4

Perari worak nab-e at-nen wanurak kwarat ukwe yuwa-t nde, misiget ter-o luk mondok wanuwa bug-o.

NGGOMO WENE 22:29

Ab-e yabu-ge mondok enpam ndak wanogola, eneyaso, lak? Ap iri-ge we o ma yabu ereba wok turag-e lag-o. Are, yabu-ge nagawan woraso sa iri me wok turag-o.

NGGOMO WENE 31:15

Nde, o nda yekluk yosola, lumugumu menluk, ar-e un min ilirak min enmanggim nunggwi mende lid lud tak poso-o. Iri rak purug-e, at ndegel ubugwi kweyap ereba na-ge yabu tembesa enpem poso-o.

AID WENE YOSO NAP 9:10

Kat abog-e ap watluk ndok wurugwi sa mburugun-o. Nde, iri me-ge yebet kagwi min yabu min enaru yugwi mende min inndi tenggerak woragwi min-e watluk ndok wurugwi sa-ge lak me, kat-nen yabu oboksa wanosolar-e, kamawi min-et wanosolat nak wolmomtag-o.

MATIUS 24:12

Nde, wene kuruk tugwi na mondok wigak yil mborosolar-e, ap kwarat-nen ap enabuwa kagwi na inndi kol ma-o.

MATIUS 25:26

Yak tosoloma-ge, at eid iri-nen at yak tosolar-e: ’Ndegel noboso nap meya keberari worak yu-ge wa-e. An-e an-nen yakit lak sa-t nde, engen mbarosolat, an-nen uwi pil kagit lak sa-t nde, engen wanosolat yoso iri-ge kar-e karu bug-a?

YIDNAK YIDNAK WENE 18:25

Nde, at iri-ge Nagawan Indo urula mul tidnak nap me, indi embem min-et Yesus owene yosolat, kwara ap mul ondosolat woragaij-et nde, ar-e Yoanes-nen yi ma bidnak nak aru-o.

YIDNAK YIDNAK WENE 20:19

Yawuri nap-nen an nuruwokluk yogolat-nen anggun panggun tak nibiga-t nde, nindi teberak pem-et yip lengen min-et Nagawan Indo ndegel posolat woragi-o.

1 KORINTUS 7:22

Ta-nen nde onggo lak we irit ap ndegel onposo nap worasoma, Nagawan Indo-nen wene mbo ibidnak ala-ge, at iri-ge Nagawan Indo-nen idnak wisirik nap-nen yusu-o. Iri nggal-et at weserak woraso nap worasoma, Kerisut-nen wene mbo ibidnak ala-ge, at iri-ge Kerisut ndegel oboso nap-nen yusu-o.

EPESUS 4:28

Nde, yariya wanoso nab-e tuguruk yariya wanurak pug-o. Are, at ondomok inggi-nen yabu amawisa wanuruk, konak nak kwarosolar-e, insilobulo lak nap tembesa wok endeyekluk yabu wanosolat wolmag-o.

KOLOSE 4:1

Kit nagawan nagawan wa-e. Kit ndegel kunpugwi nap kwat onpogolar-e, ndemeret mot mor-et kwat onpogolat wolmer-o. Kit min-et Kenagawan Indo-ge aid arem worasu-o luk kenaru nar-o.

1 TIMOTIUS 5:13

Iri-nen-o, ir-e perari lembe yogolar-e, ap enma ya nggwilik nili-ge meya-t nde, meya nggulok kwarogolar-e, enmende amburu waruk nogolar-e, ap onpok pogolat, ap onowene-t nde, erep tenakolat, yurak puk wene-t nde yogolat yili-o.

IBERANI 12:28

Iri bem-e, nit nunuwi nggweyak iri-ge mondok tugup lak wolmomtak wi wok nindidnak me, Mbal Pem Nagawan wa yak togolat wolmog-o. Nde, Mbal Pem Nagawan-nen ”Iri nggal kwat nubuwag-o” luk yidnak pem at erembel wanogolar-e, ninndi kwiye min-et at kek tak pogolat wolmog-o.

YAKOBUS 5:16

Iri bem-e, kit ki rak kunpuwaklug-e, kit na kit-net meya yidnak pal kerak mbogolat, kit na kit-net tepan pegerak mbogolat wolmer-o. Lud tak nak kwaroso nap-nen indi angin tubu yosolat-nen tepan yusu iri-ge amawi kwarat-nen yusu-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 4:8

Nanduk tak purak wene owak ndum-e yur-o. Ndemeret kinndi-net nabuwa kabuwa yer-o. Nabuwa kabuwa yugwi iri-nen-e meya yidnak kwarat limirik pusu-o.

NAM PARA WENE 2:4

Worali-t nde, an kit kenpem nindi angin nggal worasu-ge yu-o: Kit-nen nanduk an nabuwa kaigep nggal kali buk iri perak kenpem nindi angin kasu-o.