OROMA 12:10 - Nanduk Ngget Tul Pidnak Wene

¹⁰ Enambik onowe onowot enabuwa kagwi nggal nabuwa kabuwa yogolar-e, kit na kit-net kek tak pegerak mbogolat wolmer-o.

OROMA 12:10 ပူးပေါင်းရင်းမြစ်များ

NDAK WIRIDNAK WENE 13:9

Iri nggal kwatli me, nab-o. Nir-e nenarik tak yuwog-o. Nde, nenarik tak yogolat-nen nde, kat ponok nggwe mborosola-ge, an-e ponok nggwe mbirimin-o. Iri ala karug-e, kat-nen nak o nggweyak yu-ge limbini-o” luk yak tij-o.

AYUP 1:4

Nde, Ayup ambararak tuju ereya na-nen pem kwarugwi-ge misik tarem-e at misik ama-nen nggok saguruk, iri nggal-et misik tarem-e at misik ama-nen nggok saguruk kwarugwi-o. Iri kwasa sakolar-e, intidtak kenan ereya na-ge ”Yi min nunggwi mende min lambuksa misik mu norag-o” luk yonggo unpugwi-o.

NDAWI ENGGA 133:1

Mbal Pem Nagawan ilirak kundik misiget woragolar-e, mondok enalen-e kwiye worak lombok-nen yusu-o.

YEREMIA 38:12

Nde, Ebet-melek-nen yak norosolar-e: ”Sum umbuk mberak pil ngguwaige ereba na-ge kere-nen kaboro turuk tak puwa naru, kere mak mak karing lapmu purag-o” luk yak nirij-o. Yosoloma, an-e Ebet-melek-nen yak nirid iri na-t kwarigi-o.

MATIUS 20:26

kit kennggendumu-nen-e iri nggal momtag-e mondok lag-o. Kit kennggendumu-nen ta-nen nde ap nggulok momtak indingen ala-ge, yongga kondoso nap mag-o.

LUKAS 14:10

Iri bem-e kit yonggo kunpuwama-ge, kir-e we nap-nen kore yugwi sa ereba-t kore yer-o. Kore yugupndik worakmu, yonggo kinpidnak nap na lobok yosolat-nen yak kondosolar-e: ’Nenggamirag-o. Konak ma yu me-t kore yer-o’ luk yak kondosola-ge, iri nggal yuwa iri bem-nen-e yonggo inpidnak nap pidsa inmbiri bem kek tak kunpuwa-o.

YOANES 15:17

An-nen kenpem pusu wene-ge yu-o: ’Nabuwa kabuwa nak kagolat wolmer-o’ luk yak kundusu-o.

YOANES 17:21

It oboksa lambuksa misiget mak-nen an-e it enmanggim tepan yusu-o. Neid wa-e. Kar-e an narem woralat, nde, an-e kat karem woralat yili nggal, iri nggal ir-e nit nenarem wolmakluk-nen yigi-o. Iri yuwama-ge, nggweyak ma nap-nen-e an-e kat-nen wirik nibil lobok yij-o luk inndi angin tubu yuwakluk-nen tepan yusu-o.

YIDNAK YIDNAK WENE 4:32

It inndi Yesus ebem angin tubu yidnak nap pidsa-ge inndi misiget luk lambuksa woragolar-e, insilobulo-ge enariktak-nen-e ”Yu-ge an narengge-o” luk yigir-e lak. Are, ”Nit nenarengge-o” luk insilobulo-ge lambuksa irit winde woraiga-o.

OROMA 13:7

Pemerinta onggo wok undurak iri-ge mondog-et wok undurag-o. O onggo wanurak nap iri-ge o onggo wok undurag-o. Terak mena pidnak iri-ge wanurak nap irit wok undurag-o. Nggok tak unpurak nap ala-ge, nggok tak unpurag-o. Nde, entembel wanurak nap ala-ge, entembel wanurag-o.

NGGALATIA 5:13

Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

PILIPI 2:3

Kit kondomok kunnu kek tak purak pem, kit kondomok kentembel wanurak pem-e yi kwatlik ndi kwatlik kwarurak pug-o. Are, kinndi tebe yogolar-e, kit kondomok tebe luk, nin nab-e kek tak irit yik iniyudtag-o.

KOLOSE 1:4

Iri yili iri-ge, Kerisut Yesus ebem kit kinndi angin tubu yigep wene min marak nap oboksa enabuwa kali wene min kuluruk-nen yili-o.

1 TESALONIKA 4:9

”Kennggamirak inmin nabuwa kabuwa wolmer-o” luk an-nen engga mbal kundurag-e lag-o. Mbal Pem Nagawan-nen ”Ap-nen nabuwa kabuwa yugwi-ge iri nggal-o” luk mirik kinpid naro-o.

2 TESALONIKA 1:3

Nenggamirak wa-e. Kit kenpem ala, nir-e mondok pempa Mbal Pem Nagawan wa yak tili-o. Nde, kir-e kwara kinndi angin tubu yili iri bem-nen na, kit na kit-net kwara nabuwa kabuwa yili iri bem-nen na, nir-e ob-et Mbal Pem Nagawan wa yak tili-o.

IBERANI 13:1

Kerisut ebem-nen nanggam kanggam woragolat nabuwa kabuwa yugwi iri-ge puksa tena wolmer-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 2:17

Ap oboksa kek tak onpogolat, Kerisut ebem inndi angin tubu yidnak kennggamirak na enabuwa kagolat, Mbal Pem Nagawan aye kagolat, nagawan Kaisat kek tak pogolat wolmer-o.

1 PETERUS 5:5

Nde, iri nggal-et kit ap sugwe-nen-e inndi worak-nen yidnak yidnak nak kwarurag-o. Nde, kit pidsa kinndi tebe luk yongga yongga yogolat wolmer-o. Nde, Mbal Pem Nagawan engga bem-nen yosolar-e: ”Mbal Pem Nagawan-nen-e inndi kek yugwi nap inmin-e sirid mbarak worasu-t nde, at-nen-e inndi teberak woragwi nab-e enabuwa kasu-o” luk yij-o.

2 PETERUS 1:7

Nde, Mbal Pem Nagawan-nen kwaroso nggal kwarugwi na lombok tak pogolar-e, konowe konowosi enabuwa kagwi na lambuksa waner-o. Nde, konowe konowosi enabuwa kagwi na min lombok tak pogolar-e, ap pidsa enabuwa kagwi elem lambuksa waner-o.

1 YOANES 4:11

Nanggamirak kenabuwa worak wa-e. Mbal Pem Nagawan-nen nit nenabuwa iri nggal kaidnak pem, nit na nit-net nabuwa kabuwa wolmomtag-o.

1 YOANES 4:20

Nde, ap misik-nen-e: ”An-e Mbal Pem Nagawan abuwa kaso-o” luk yosolar-et nde, at anggam mbi isili rak poso ala-ge, iri yoso nab-e enesiget wene yoso-nen yusu-o. At anggam na at erengen-nen nam kaso-net nde, abuwa kaso buk-nen-e at erengen-nen kaso buk Mbal Pem Nagawan na abuwa kujwa bug-er-o.