OROMA 12:1 - Nanduk Ngget Tul Pidnak Wene

¹ Iri bem-e, nowe nowosi wa-e. Mbal Pem Nagawan-nen nit nunpud kwarat kaso bem an-e kit kenmengen mbarusu-o. Wam wosa Mbal Pem Nagawan amanggim pugwi nggal, kit kenpe kunlug-et ebis-et kegera Mbal Pem Nagawan wok turag-o. Iri kwarogolar-e, kit kenpe-ge marak me, at alen tak ubugub-o. Mot mor-et Mbal Pem Nagawan erembel wanugwi-ge irir-o.

OROMA 12:1 ပူးပေါင်းရင်းမြစ်များ

NDAWI ENGGA 116:12

Nagawan Indo-nen an konak kwat nubusu ereba na onggo-ge an-nen-e Nagawan Indo-ge no nggal wok timin-o?

NDAWI ENGGA 19:14

An-nen yoso wene min an-nen yebet kaso min-e kat kalen tak purak mende kwat mag-o. Nagawan Indo wa-e. Kar-e an nggetlel nobosolat, nonggo boso-nen yusu-o!

YEREMIA 6:20

No manggim-nen ir-e an namanggim emben konak kemenan-e o Seba-nen waruk lobok yogolat, undu rak pugwi mende-ge o nin sa-nen waruk lobok yogolat kwatli-o? An-e it-nen an namanggim pili mende-ge an-e nisili kasu-o. Iri-nen it-nen namanggim wosa kan pili na nisili rak pusu-o.

OSEA 14:2

Isarael nap wa-e. Kir-e tuguruk Nagawan Indo Kenmbal Pem Nagawan eram lobok yer-o. Kir-e meya kwatli ereba-nen ndowaga mboroksa mbud yili-o.

LUKAS 7:47

Iri bem-e wene yak kereyeg-o. Kwe yu-nen-e an nabuwa nggulok kaidnak pem-e at meya yidnak kwarat iri na-ge namberam tak pigi-o. Nde, at meya yidnak marig-et nak namberam tak pidnak nap-nen-e nabuwa-ge marig-et nak kaso-o” luk yij-o.

OROMA 12:2

Nggweyak ma nap-nen kwarugwi mende kwarurak pug-o. Are, kenpage nin luk, kinndi ngget tak pogola-ge, Mbal Pem Nagawan indi-n pidnak mende-ge konak mende, at alen kudtak iminep mbarak mende irit kenaru yugub-o.

OROMA 15:16

Enlem nin nap ndegel unpuwakluk, Mbal Pem Nagawan-nen Kerisut Yesus ndegel oboso nap kwarak nibij-o. Nde, an-e tepan ombo nggal yosolar-e, enlem nin nab-e wam eyuruk Mbal Pem Nagawan amanggim pidnak nggal makluk, Mbal Pem Nagawan indingen kaso mende pidnak nggal Konak Indi-nen Mbal Pem Nagawan amanggim len inpidnak makluk, an-e Mbal Pem Nagawan-nen idnak aid wene ap yak indil nusu-o.

OROMA 15:30

Nowe nowosi wa-e. Nenagawan Indo Yesus Kerisut ebem na, Konak Indi-nen enabuwa kaso elem wok nindidnak pem na, an-e kit kenmengen mbarusu-o. An totno-t an namanggim Mbal Pem Nagawan eram tepan kwara yogolat wolmog-o.

OROMA 2:4

Mbal Pem Nagawan-nen ap unpud kaso min indi yanggonak woraso min indi luruk puruk woraso min nggok iri-ge kir-e te rak pili-a? Kit meya yidnak keya buruk, kondok yuwakluk, ar-e kit kunpud kasu iri-ge kir-e kenaru buk yili-a?

OROMA 6:13

Kit kenpe iri bem-nen meya kwarosolat wolmaklug-e, meya kwarugwi elem iri na kit kenpe iri kininggi kunuwok min kegera wok turak pug-o. Are, kir-e wat yidnag-et nde, kunluk yaga wok kindidnak pem-e, kenpe kegera Mbal Pem Nagawan nak wok ter-o. Lud tak nak kwarugwi mende kwat kenperenak wolmakluk, kenpe ebis-et kegera Mbal Pem Nagawan wok ter-o.

OROMA 6:16

Nde, at-nen yidnak yidnak kwaruwokluk kit na kit-net kenpe kegera ap mbi wok togola-ge, kir-e at iri ndegel ubugwi nap-net yili-o. Meya yugwi elem ndegel ubugup ala-ge, war-et yugub-o. Nde, Mbal Pem Nagawan-nen yidnak yidnak nak wanugup ala-ge, lud tak nak kunpuwa-o luk kenaru buk yili-a?

OROMA 6:19

Kit-nen kwara yebet kabokluk, an-e ndegel unpugwi wene bem wal kaga yak kundusu-o. Nanduk kir-e meya kwaruwokluk kopkap tobok tak kwarugwi mende min meya kwarugwi mende min ndegel ubuwokluk kenpe ebis-et kegera at eram pigep iri nggal kwarogolar-e, yawo-ge kir-e marak nap kwat yuwokluk, kit kenpe ebis-et kegera lud tak nak kwarugwi elem wok turag-o.

OROMA 9:23

Nde, Mbal Pem Nagawan-nen nunpud kaso nap, nunnu kek tak purak pem len inpidnak nap nit mirik nenpeyekluk yosola-ge, at nunpud kaso elem iri nggilara nenpem pil mbuwasola-ge, nit-nen yi lik ndi lik yurag-e meya-o.

1 KORINTUS 1:10

Nanggamirak wa-e. Nit Nenagawan Indo Yesus Kerisut unu bem nggomo kundusu-o. Kir-e kinndi misiget nak worabokluk kuri wat wat woragup naru, lambuksa woragolar-e, kinndi misiget nak woragolat, wene misiget nak yebet kagolat wolmer-o.

2 KORINTUS 10:1

Paulus an-net yanggonak pem-et nggomo kundusu-o. Kinmbiri bem-nen-e namawi min nggomo kondoso bug-o luk nobok pili-t nde, erepma woralat-nen-e kwiye lag-et yak kondoso an-e Kerisut yemnak indi luruk puruk woraso bem-net wene yu yak kundusu-o.

2 KORINTUS 4:1

Ap unpud kaso elem pem Mbal Pem Nagawan-nen-e yabu yu-ge nit nen-pem pamu me, nit ninndi nggwirik yusu bug-o.

2 KORINTUS 4:16

Iri bem-e nit ninndi lele yili bug-o. Nit nenaboro yu-ge piri yusu-t nde, nit ninndi yu-ge pelin na pelin na ngget tak nak pusu-o.

2 KORINTUS 5:20

Iri ala-ge, nir-e Kerisut-nen ninpil lobok yidnak nap-nen yili me, nit nenemende nggwe-nen Mbal Pem Nagawan-nen-e kenmengen mbarusu-o. Nde, Kerisut unu bem nit-nen kenmengen mbarogolar-e: kondomok-net Mbal Pem Nagawan imin lambuk tak kunpuwakluk eram lobok yer-o luk yak kindili-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

EPESUS 4:1

Iri ala-ge, Nagawan Indo ebem kamat nibidnak nap an-nen kit kenmengen mbarosolar-e: Mbal Pem Nagawan-nen wene mbo konposolar-e: ”Iri nggal kwarogolat wolmer-o” yak kindid iri-ge, iri nggal-et ndak ndak kwarogolat woragup na-e luk kenmengen mbarusu-o

EPESUS 5:10

Irit posola-ge, Mbal Pem Nagawan-nen indingen kaso mende irit mbenasa kenaru yogolat wolmer-o.

PILIPI 1:20

Nde, an-e neyabu wanidnak pem ninggiri lag-et teyeg-o luk, nindi kundugu nindi bem mbung mbung tak worasu-o. Alat nde, nanduk woragi kuri, yawo-nen na an nebe yu bem-nen Kerisut unu kek makluk, nuruk wolmomtak na, wat momtak na, an-e mondok kwiye lag-o.

PILIPI 2:17

Alat nde, Mbal Pem Nagawan amanggim wam wosa bidnak nggal, at amanggim pidnak nggal, kit kinndi angin tubu yidnak pem an neyabi nde wirik purak ala-ge, an nalen kasolat, kit pidsa kinmin na nalen kasolat yeleb-o.

PILIPI 4:18

Yawo-ge an-nen ukwe peraidnak oboksa-ge kit-nen namanggim pigepma wanigi iri-ge an-nen ukwe peraidnak ombol nggwe terak menna wanigi-o. Epaporotitus-nen wok nirigep mende wok niril lobok yamu-nen an-e mondok ndak worasu-o. Nde, silobulo wok nirigep iri-ge, emben konak mende nggal Mbal Pem Nagawan-nen kujwaklug-e, Mbal Pem Nagawan indingen tak posolat, alen tak posolar-e, Mbal Pem Nagawan amanggim wam wosa eyabi pugwi nggal-nen yusu-o.

1 TESALONIKA 4:1

Nanggamirak wa-e. Nir-e Nagawan Indo Yesus unu bem wene misik kwarobokluk kenmengen mbatli-o. Mbal Pem Nagawan indingen tak purak pem kwarogolat wolmomtak mende kwarobokluk mirik kinpige nar-o. Nde, kit iri nggal kwatli-t nde, mondok kwara kwarogolat worabog-o luk nggomo kindili-o.

1 TESALONIKA 4:10

Nde, kit-nen-e nabuwa kabuwa yugwi elem-e Makeronia woragwi nennggamirak oboksa inmin ndemeret kwatli-t nde, nennggamirak wa-e. Iri bem-e, it-nen kwatli iri-ge mondok kwara kwarogolat wolmer-o luk kenmengen mbatli-o.

1 TESALONIKA 5:12

Nennggamirak wa-e. Kit kennggendumu yabu wanili nap, Nagawan Indo-nen tu mirik konpogolat, nggomo kondogolat makluk len inpidnak nap iri-ge kit-nen-e kwara kek tak enper-o luk nir-e kiri keresa kenmengen mbatli-o.

1 TIMOTIUS 2:3

Iri nggal yogolar-e, konak-nen yusu me, nit Ninmiri Yoso Mbal Pem Nagawan indingen tak purak mende-ge irir-o.

1 TIMOTIUS 5:4

Alat nde, kwe togwe na-ge ilirak min it-nen ndaidnak oworak nde woragola-ge, it iri-nen-e nandug-er-e it lolo iri-ge mondok ndegel unpurak iri enaru mag-o. Ndegel onpogolar-e, ineid iniya min onoworak min-nen it ndegel inpidnak iri onggo ndegel unpurag-o. Nde, Mbal Pem Nagawan indingen peraso mende iri kwarugwi irir-o.

PILEMON 1:10

An o kubu me worasolar-e, Kerisut ebem at eid kwat yidnak me, an Paulus-nen-e an nambara Onesimus-e kat kebe nggi yak kurusu-o. (Onesimus yogolar-e, ebe worak mende yogolar-o.)

PILEMON 1:9

Iri yurag-e ob-et nde, Paulus an-e ap nindi worak Kerisut Yesus ebem ala, yawo o kubu me nibidnak na worasu-t nde, kat kabuwa-nen an-e kwat obonokluk wene nak yak kurusu-o.

IBERANI 13:22

Nanggamirak wa-e. An-e kit kinndi eyak worosolat mbarigi wene yu-ge kenalen min-et wanobokluk-nen yak kundusu-o. Nde, engga mbarigi yu-ge mor-e lak, we poro-t mbal kindigi-o.

1 PETERUS 2:20

Nde, kit-nen meya yidnak pem-net kondogola, andi bandi kagolat mamak puruk woragup iri-ge kentembel wanuwa? Alat nde, kit-nen konak nak kwarugup pem-net kondogola, andi bandi kagolat mamak puruk woragup pem-e Mbal Pem Nagawan-nen imbiringgat tak kunpuwa-o.

1 PETERUS 2:5

Kir-e kunlug-et woragwi kerep-nen yili me, kit wok kunpuruk Mbal Pem nagawan uwi indi amanggim o iri wat momtak kerep iri kinndi mer-o. Iri nggal kwarogolar-e, kir-e tepan ombo marak kwat luk, Yesus Kerisut ebem kir-e Mbal Pem Nagawan amanggim wam wosa kan pogola-ge, Mbal Pem Nagawan-nen-e kit-nen pidnak mende bem-e alen kujwa-o.