OROMA 11:4 - Nanduk Ngget Tul Pidnak Wene

⁴ Nde, wene na erep nggarosolar-e, Mbal Pem Nagawan-nen-e ngge yak tij-o? ”Kugi Mbal iri erembel wanuwokluk endaru yunggusa kore yugwi buk nab-e an namanggim lenak inpigi-ge tujuribu irit worali-o” luk yak tij-o.

OROMA 11:4 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 16:31

Ar-e Nagawan Yerobeam-nen meya kwat tenak woragid iri na nggal meya kwarosolar-et nde, ereba na-ge ebem lobuk ala, Siron nagawan Etmbaal ara Isebel iri na wanosolug-e, kugwi Mbaal erembel wanosolat woragij-o.

1 NAGAWAN NAGAWAN-NEN KWARIDNAK WENE 19:10

Yosoloma, Elia-nen onggo yosolar-e: ”Nagawan Indo kamawi worak Mbal Pem Nagawan wa-e. An-e pempa Nagawan Indo kat kamanggim nag-et yabu-ge wanoso-o. Alat nde, Isarael nab-e it-nen kat kimin urul piga wene ereba na ondomok-nen kwid togolar-e, kat kamanggim wam wosa kan pugwi ondoro ereba na mijarogolat, kat kene lomboksa yugwi nap ereba na oboksa ondogolat yikma, an narig-et nak worala, yawo-ge nururak yili-o” luk yak tij-o.

1 NAGAWAN NAGAWAN-NEN KWARIDNAK WENE 19:18

Alat nde, Isarael wi iri me-ge ap tuju ribu (7.000) irit inmiri yimin-o. Nde, inmiri yimin nap iri-ge tugup lak an-nen yidnak yidnak kwarogolat, kugwi Mbaal ndak worak iri na erembel mondok wanigit lak yogolat, ndak worak iri na erabengen porok tigit lak woragolat kwarugwi nap irit inmiri-t yimin-o” luk yij-o.

YEREMIA 19:5

Nde, it-nen-e kugwiwak Mbaal amanggim it inlirak wosa amanggim kan purak ondoro koniga-o. Nde, iri kwariga iri-ge an-nen-e yak indigit na lak, iri-nen iri nggal kwarurak iri wene-ge an narem-nen na mondok yebet kagit lag-et nde, kwariga-o.

OSEA 13:1

Nde, nandug-e it enlem Eperaim iri-ge kek tak onpogolat, it enlem Eperaim iri-nen nde wene wirik pogola-ge, Isarael nap ennggendumu enlem erep ereba na-ge kwiye-nen tebek yugwi-t nde, enlem Eperaim iri na-ge kugwi Mbaal iri na erembel wanogolar-e, meya yiga-o. Iri bem-e it enlem iri-ge lak ma-o.

OSEA 2:8

Kiniya-nen-e an-nen nggandum mbato wok tosolat, anggut engen amburu wok tosolat, saitun amburu wok tosolat, at-nen kugwi Mbaal erembel wanosolat-nen wanurak emas perak oboksa wok tosolat kwaroso ereba na-ge ’At-net wok nirij-o’ luk nam yoso bug-o.

TUGURUK YIDNAK WENE 4:3

Nde, Peyot ndobo bem-nen Nagawan Indo-nen kwarid iri-ge kit kenlengen-nen kaigep iri nar-o. Iri me-nen Mbaal kugwi erembel wanidnak pibi-ge mondok lak tak inpij-et nde,