OROMA 11:33 - Nanduk Ngget Tul Pidnak Wene

³³ Mbal Pem Nagawan-e yi mende ndi mende winde iri-ge wir-o! At indi nggat nggat min at aru yidnak min iri-ge nggok ija lombog-o! At-nen mbaridnak wene iri-ge ta nggal-nen nde lumbunuwa-o? At-nen kwaroso iri-ge ta nggal-nen yebet kujwa-o?

OROMA 11:33 ပူးပေါင်းရင်းမြစ်များ

ESET 2:22

Nde, wene iri na Morendekai-nen kolosolug-e, at-nen-e Eset iri na yak tij-o. Iri yamu-ge, Eset-nen-e Morendekai-nen yid ereya na ndak ndag-et Nagawan Agasuweros iri na yak tij-o.

AYUP 5:9

Mbal Pem Nagawan-nen kwaroso iri-ge mondok kwiye worak mende me, nit-nen iri nggal-o luk nenaru yurag-e meya-o. At-nen kwiye worak kwaroso iri-ge wonarurag-e meya, lak yoso buk nen yusu-o.

NDAWI ENGGA 139:6

Kat-nen karu yidnak iri-ge mondok arem-et me, an-nen yebet kudtag-e meya-o. An-nen yebet kaso bem-nen yik kudtag-e meya-o.

NDAWI ENGGA 145:3

Nagawan Indo-ge nggok mondok kek tak me, at-nen kek tak woraso-ge ap-nen irit wururag-e meya-o.

NDAWI ENGGA 40:5

Nagawan Indo Nembal Pem Nagawan wa-e. Kat-nen-e kwarat kwat nonposo-o. Kat kimin ndak ndak wururag-e mondok lak-nen yusu-o. Kat-nen nit kwat nunpurak yusu-ge mondok wi yurak me, an-nen oboksa ndindururak na mondok meya-o.

NGGOMO WENE 25:2

Mbal Pem Nagawan-nen kura bidnak mende bem-e nir-e at unu kek tak pugwi-o. Nde, nagawan-nen ”Iri nggal-o” luk mbena yugwi bem-e nir-e it kek tak unpugwi-o.

NGGOMO WENE 25:3

Nagawan-nen yebet kaso-ge mbal teram eid nggal, yi koma mondok yubuk tak arem nggal, nagawan-nen yebet kaso-ge ombol nggwe me, ap-nen yebet kudtag-e meya-o.

AID WENE YOSO NAP 3:11

Yi mende ndi mende ereba kwat yurak tarem-e at-net: ”Iri tarem-net kwat mag-o” luk wat tak pusu-o. At-nen-e abok-nen wolmomtak ereba na nenaru yurak pem ukwe peragwi irit wok nendamu-t nde, at-nen tel kwiridnak kuri-nen kwaril kwaril worok tak pid kuri ereba na nit-nen yebet kudtag-e meya yusu-o.

YESAYA 40:28

Kar-e wene yu-ge karu buk, kuligit lak woraso-a? Nagawan Indo iri-ge pem woraso Mbal Pem Nagawan o yu ndak worak pid iri na-net yusu-o. Ar-e ababok lak yosolat, amawi lak yosolat mondok yoso buk-nen yusu-o. At-nen yebet kaso-ge ap-nen yebet kudtag-e meya-o.

NDANIEL 4:35

Nggweyakma yu me worali nap oboksa-ge ebe lak mende-nen yusu-o. Aid nap aid arem worali min ki nap nggweyakma yu me worali min-e Mbal Pem Nagawan inggem nak worali-o. Ap misiger-o luk mbi-nen Mbal Pem Nagawan indi-nen pidnak lugud tak purak iri-ge meya-nen yusu-o. Ap-nen ’Kar-e no kwarusu-o?’ luk, kwiye lag-et at yak turag-e meya-o.

OROMA 2:4

Mbal Pem Nagawan-nen ap unpud kaso min indi yanggonak woraso min indi luruk puruk woraso min nggok iri-ge kir-e te rak pili-a? Kit meya yidnak keya buruk, kondok yuwakluk, ar-e kit kunpud kasu iri-ge kir-e kenaru buk yili-a?

OROMA 9:23

Nde, Mbal Pem Nagawan-nen nunpud kaso nap, nunnu kek tak purak pem len inpidnak nap nit mirik nenpeyekluk yosola-ge, at nunpud kaso elem iri nggilara nenpem pil mbuwasola-ge, nit-nen yi lik ndi lik yurag-e meya-o.

1 KORINTUS 2:10

Alat nde, Mbal Pem Nagawan-nen-e kura bidnak wene na-ge Konak Indi bem-nen mirik ninpij-o. Nde, Konak Indi iri-ge yi mende ndi mende pidsa mbenaroso me, Mbal Pem Nagawan arem-nen yebet kaso mende na irit mbenarusu-o.

EPESUS 1:7

Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

EPESUS 2:7

Iri kwat ninpid iri-ge, abok pempa woragolat-nen-e at-nen we wok ondoso elem utlud iri-ge Kerisut Yesus ebem at-nen konak nak kwaroso iri na mirik nenpeyekluk kwat ninpij-o.

EPESUS 3:10

Kura woragaid iri-ge, yawo-nen-e lambuk tak inpidnak nap-nen-e Mbal Pem Nagawan indi nggat nggat elem nin tak nan tak iri-ge aid arem pemerinta min aid arem tena woragwi min mirik unpuwakluk yij-o.

EPESUS 3:16

An-e Mbal Pem Nagawan emengen mbarosolar-e: ”Kat kunu kek tak woraso utlud lombok iri-nen kat Kindi ebem-nen it inndi amawi rak posolat, inndi tugup lak tak posolat,

EPESUS 3:18

kit min marak nap oboksa min-nen-e Kerisut-nen ap enabuwa kaso elem na ndak worogolar-e, abag-e ngge nggal-o, mot nggugurig-e ngge nggal-o, teram-e ngge nggal-o, arem-e ngge nggal-o luk kenaru yobokluk an-e kenmanggim tepan yoso-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.