OROMA 11:28 - Nanduk Ngget Tul Pidnak Wene

²⁸ Yawuri nab-e aid wene wanili buk iri bem-nen ir-e Mbal Pem Nagawan imin wim nap-nen yili-o. Nde, iri kwatli iri bem kit enlem nin nap kenmanggim nanongga kwat yusu-o. Alat nde, Mbal Pem Nagawan-nen len inpidnak me, it enlawingga-nen ndowaga Mbal Pem Nagawan-nen-e it enabuwa kasur-o.

OROMA 11:28 ပူးပေါင်းရင်းမြစ်များ

NDAK WIRIDNAK WENE 26:4

Nde, iri-ge an-nen-e kat-nen wigarag-e wonaru mbal pem worasu ereba nggal kwarat tak posolat, nggweyak yu-ge oboksa kat-nen wigarak winde rak inpimin-o. Iri yosola karuk, nggweyakma worali nap enlem oboksa-nen-e an-nen kat-nen wigarak inmbiringgat tak onposola karuk, it iri nggal imbiringgat tak unpuwakluk an nemengen mbaruwa-o.

NDAK WIRIDNAK WENE 28:14

Nde, kat-nen wigarag-e o liri nggal ligik lasolar-e, mo luwaso nggwe-nen mo mboso nggwe-nen abare ena nggwe-nen abam nggwe-nen oboksa it onnggweyak kwat ma-o. Nde, kat min kat-nen wigarak min kenpem-nen-e yi ap ndi ap oboksa imbiringgat tak inpimin-o.

YEREMIA 31:3

an-e erepma-net nde, inmbiri bem nam yukmu-o. Isarael nap wa-e. O nanduk-net an-e kit kenabuwa kaso me, an-e kenabuwa kaso elem mirik konposolar-e, pem irit kenabuwa kasolat woramin-o.

MIKA 7:20

Nanduk kwat nunpurak urul nonmborak yak indigen iri na ndak ndag-et kat-nen tugup lak kwat onposo min kat-nen kundugu enabuwa kaso min iri na-ge kat kilirak Abarakam min Yakup min-nen wigarak irit mirik nunpugun-o.

MATIUS 21:43

Iri bem-e an-nen yak kendeyeg-o: Mbal Pem Nagawan-nen tenaga-idnak wi-ge kit kininggem-nen mengga wanuruk, Mbal Pem Nagawan-nen tenagaidnak wi engen konak puwa nap enlem irit wok unduwa-o. [

LUKAS 1:54

Nit nenlawingga urul yak indidnak iri na ndak ndak tak posolar-e, at ndegel oboso nap Isarael na yongga wirij-o.

YIDNAK YIDNAK WENE 14:2

Alat nde, it inndi angin tubu yigit lak Yawuri nap-nen-e it enlem nin nap enarem worakola, it-nen-e Paulus min Mbaranabas min insili rak inpiga-o.

YIDNAK YIDNAK WENE 18:6

Yak ondosola-ge, it-nen-e at imin sirid mbarogolat, at obok pogolat ala karug-e, at-nen at usum pem mabe pil kasolat-nen it yak ondosolar-e: ”Kit keneyabi-ge kondomok kenpem-o! An meya-ge lag-o. Yawo kuri-net an-e enlem nin nap endam mbirimin-o” luk yak indij-o.

OROMA 11:11

Iri ala-ge, an kin waneyeg-o. Yawuri nab-e unuwok pijaksa mondog-et wosa mbiga-a? Mondok lag-o! It-nen mborok tidnak pem it Yawuri nap-nen enlengen ale enlem nin nap enpem puwakluk, enlem nin nap inmiri yij-o.

OROMA 11:30

Enlem nin nap kir-e nanduk Mbal Pem Nagawan-nen yidnak wene kuruk togolat woraigeb-et nde, yawo-nen-e it Yawuri nap-nen Mbal Pem Nagawan-nen yidnak wene kuruk tidnak pem, Mbal Pem Nagawan-nen kit kunpud kasu-o.

OROMA 11:7

Iri ala-ge, no nde yul-o? Isarael nap-nen kore yogolat woraiga mende iri-ge wanigit lak yiga-o. Mbal Pem Nagawan-nen len inpidnak nap wonarak nggal nak-nen perak nde waniga-o. Nde, it erep iri-ge inndi amawi-t yiga-o.

OROMA 5:10

Nir-e Mbal Pem Nagawan imin wim mbarak woraige-t nde, at Ambara wat yid na bem-nen nir-e Mbal Pem Nagawan imin lambuk yige iri-ge ija-t nde, Mbal Pem Nagawan imin kundik nunpuruk, Yesus uruk woraso bem nit ninmiri yuwa iri perak nde ija lombog-o.

OROMA 9:5

Isarael nap na-ge na nenlawingga-nen wigarak-net yili-o. Kerisut abage nggweyak ma nap en-page worak iri-ge it Isarael nap-nen wigarak-net yusu-o. Nde, yi mende ndi mende oboksa ombol pem kek tak woraso Mbal Pem Nagawan na-ge unu kek tak woralik nalik irit wolmag-o. Amen.

TUGURUK YIDNAK WENE 10:15

Alat nde, Nagawan Indo-nen-e kit konmborak enabuwa kwarat karug-e, yi ap ndi ap ennggendumu-nen kir-et len kinpij-o. Iri yid na-ge kir-et at elem nap lenak irit yawo na worali-o.

TUGURUK YIDNAK WENE 4:31

Nagawan Indo Kenmbal Pem Nagawan iri-ge unpud kaso elem-nen yusu-o. Keya na kunpuwa buk. Lak tak na kunpuwa buk. At ondomok-en konmborak urul yak indid ereba na mondok meme rak na puwa bug-o.

TUGURUK YIDNAK WENE 8:18

Yi mende ndi mende ereba-ge ’Nagawan Indo Nenmbal Pem Nagawan nak-nen wok nundusu-o’ luk yebet ker-o. Ereba wok kundusu iri-ge at-nen konmborak urul yak indid iri na ndak ndag-et kwarosolat yawo na wog-et kondosolat worasu-o.