OROMA 11:25 - Nanduk Ngget Tul Pidnak Wene

²⁵ Nowe nowosi wa-e. Kit-nen-e: ”Nir-e ninndi nggat ponok tak-net yili-o” luk peragup naru-nen kit kenaru tobok-nen kura wene misik yak kendeyeg-o. Isarael nap ereb-e inndi amawi irit worakmu, enlem nin nap abu ndegera Mbal Pem Nagawan eram wok yogola-net inndi ndeyak ma-o.

OROMA 11:25 ပူးပေါင်းရင်းမြစ်များ

NDAWI ENGGA 107:43

Inndi nggat nggat worak nap-nen-e wene iri-ge yebet kagolar-e: ”Ndemeret Nagawan Indo-ge nenabuwa pem kasolat woraso-nen yusu-o” luk yebet kagolat wolmag-o.

NDAWI ENGGA 127:1

O nde Nagawan Indo-nen nde wirigit lak yoso ala-ge, o wurugwi nap-nen o witli ereba-ge wewesa enmawi nak lak tak pili-o. Nagawan Indo-nen nde nggetlel ninpigit lak ala-ge, tu yik karok pak tak woragwi nap-nen tu pak tak worali ereba-ge ebe lak mende nde kwat yusu-o.

NDAWI ENGGA 22:27

Ap enlem oboksa-nen Nagawan Indo yebet karug-e, nden karuk tuguruk at eram lobok yogolar-e, ap enne lombok oboksa-nen at eram yunggusa tud luk at nak erembel wanuwa-o.

NDAWI ENGGA 72:17

Nagawan unu-ge meme rak pigit lak, pem irit yeberak woralik nalik wolmag-o. At anggu obok mboroso-ge mo worala-ge, mondok wigak yosolat wolmag-o. Ap enlem oboksa-nen at imbiringgat worasu nggal wolmomtak pem imbiringgat tak unpurak nggi yuwag-o. Ap oboksa-nen nagawan imin yogolar-e: ”Alen worak wolmag-o” luk yuwag-o.

OSEA 14:9

Nde, Isarael nap-nen-e unkugwiwak ndak wosa pidnak mende ereba na-ge abu mbo buwa-o. An-nen-e it ndegel onposolat, it-nen tepan yuwa-ge an-nen-e enne kulimin-o. E angga pempa miri ludtak woraso nggal, an-nen nindipma rak onposolat woramin-o. An-e it inmbiringgat tak poso elem-net yusu-o. Nagawan Indo an-net yusu-o” luk yij-o.

MATIUS 13:11

Yogolikma-ge, at-nen wene erep nggarosolar-e: ”Kit perak nde Mbal Pem Nagawan-nen tenagaidnak wi kura wene iri kenaru momtak we wok ondoso mende wok kindij-et nde, ir-e wok indigit lag-o.

LUKAS 21:24

Ap ereb-e yalawi bem ondogolat, ereb-e kamasa wok unpuruk yi wi ndi wi mborogolat ma-o. Mbal Pem Nagawan-nen kuri pidnak tarem ndak yigit lak worasola-ge, Mbal Pem Nagawan enaru buk nap-nen-e Yerusalem na-ge unuwok liri rak pogolat wolma-o” luk yij-o.

YOANES 10:16

Nde, an nolomba erep na worasur-o. Lomba ereba-ge ngenwa yu me nggwigit lak nde yigi-o. An-nen na it oboksa mondok inpil lobok yimin-o. It-nen an nene kologolat, it pidsa misiget nak luk, lomba wam ombo na misiget nak wolma-o.

OROMA 1:13

Nanggamirak wa-e. An-e pempa kit kendam lobok yurak perasu-t nde, yawo yu kuri-nen an-e pempa nari wari rak nubusu iri-ge kit kenaru yurag-e nindingen-o. Enlem nin nap ennggendumu-nen an neyabu ebe kwat yid iri nggal-et kit kennggendumu-nen na ebe kwat yidnak kayekluk-nen yigi-o.

OROMA 11:12

Nde, Yawuri nap-nen lugud tak kwaridnak pem-e, Mbal Pem Nagawan-nen enlem nin nap oboksa-ge imbiringgat tak inpij-o. Nde, it Yawuri nap na-ge tuguruk Mbal Pem Nagawan-nen at imin kundik onposola-ge, Mbal Pem Nagawan-nen imbiringgat terak minik irit wok unduwa-o.

OROMA 11:24

Nde, kit enlem nin nab-e yakwi buk mbepme woraso e saitun inggi mbarak pidnak nggal-nen yusu-o. Nde, iri nggal kwarugwi bug-et nde, yakwi e saitun eraret min kundik kinpij-o. Nde, Yawuri nap na-ge yakwi e saitun min kundik woragwi-t nde, mbarak inpidnak me, enlem min tuguruk kundik unpurag-e te lombog-o.

OROMA 12:16

Kit kinndi misiget lambuksa wolmer-o. Kit kondomok kek yurak pug-o. Are, teberak yik kagwi mende iri na nggal-et tebe yurag-o. ”An-e nindi tenggerak-nen yusu-o” luk purak pug-o.

OROMA 16:25

Mbal Pem Nagawan erembel wanuwog-o! At-nen-e kit kinndi angin tubu yidnak pem tugup lak tak kunpurag-e ndak-nen yusu-o. Iri kwarusu iri-ge, an-nen yak kindidnak aid wene, Yesus Kerisut owene iri-ge, obi-net kura woraidnak wene iri yawo nam tak pusu wene na bem-nen irit kwarusu-o.

OROMA 9:18

Iri ala-ge, Mbal Pem Nagawan indi-n peraidnak pem-net ap unpud kasolat, at indi-n peraidnak pem-net ap inndi amawi rak posolat yoso-o.

1 KORINTUS 10:1

Nanggamirak wa-e. Nenlawingga-nen kwaridnak iri-ge kir-e yebet yebet tak wolmomtag-e nindingen-o. Nggan nggan iri-nen it nggetlel unpuruk mborosola, ir-e ob-et yi koma na mbara ndil laiga-o.

1 KORINTUS 12:1

Nanggamirak wa-e. Konak Indi-nen we tembet ondoso wene iri-ge kir-e ndemeret kenaru yurag-e an nindingen-o.

1 KORINTUS 2:7

Alat nde, Mbal Pem Nagawan indi tenggerak elem kura bidnak kura elem iri-ge Mbal Pem Nagawan-nen o yu ndak wirigit lak ma-nen nit kek tak nenpeyekluk, lud tak pidnak wene iri na yak kindili-o.

1 KORINTUS 4:1

Ap-nen yik neneyagolar-e, Kerisut ndegel ubugwi nab-er-o luk nenperagolat, Mbal Pem Nagawan-nen kura bidnak wene tena woragwi nab-er-o luk nunpurujwag-o.

EPESUS 1:9

Mbal Pem Nagawan-nen at indi-n pidnak kura wene nit mirik nonposolar-e, ar-e Kerisut ebem-nen ”Irit timin-o” luk nanduk-net lud tak pidnak kura wene iri-ge nam tak puruk mirik ninpij-o.

EPESUS 3:9

”Mbal Pem Nagawan-nen kura bidnak wene na ndak ndak tak posolar-e, yu nggal kwaruwa-o” luk an-e ap pidsa mirik unpusu-o. Yi mende ndi mende oboksa ndak worak pidnak Mbal Pem Nagawan na arem-e obi-net wene na kura irit woragaij-o.

EPESUS 4:18

It inndi na ndamuk, ir-e enaru buk woragolat, inndi tulubuk kerep nggal woragwi iri-nen ndowaga ir-e Mbal Pem Nagawan imin kundik woragit lak, nuruk tak woragwi-o

2 PETERUS 3:8

Alat nde, nanggamirak kenabuwa worak wa-e. Wene misik yu-ge meme rak purak pug-o. Nde iri-ge Nagawan Indo erengen pem-e o misiget nda yidnag-e olengen seribu (1,000 tahun) nggal-nen yusu-o. Nde, olengen seribu (1,000 tahun) iri-ge o misiget nda yidnak nggal-nen yusu-o.

NAM PARA WENE 1:20

An ninggi kigit nggwe tena worasu wonaru tuju min, emas-nen konidnak tal tuju min iri bem-nen yidnak kura wene ebe-ge yu-o: Wonaru tuju iri-ge lambuk tak inpidnak nap tuju iri-nen idnak aid nap-nen yili-o. Nde, tal tuju iri-ge lambuk tak inpidnak nap o tuju iri-net yili-o” luk yak nirij-o.

NAM PARA WENE 10:7

Alat nde, aid nap imbirik (yang ketuju) iri-nen oboba ene pu yuwa tarem-nen-e Mbal Pem Nagawan indi-n pidnak kura woraso na-ge at ndegel ubugwi nap, at ene lomboksa yugwi nap na urul yak indid na-ge iri tarem-et ndak tak puwa-o” luk yij-o.

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.

NAM PARA WENE 7:9

Iri luk, yik kaginggal-e, ap kwarat ndok worak, wanat unpurak mondok meya irit eneyagi-o. It iri na-ge ap enlem oboksa min ap enlem ndomok oboksa min ab-e ap oboksa min ap enne oboksa min ndok worak ereba na-ge nagawan koreyak woraso ondoro na min Lomba Wam Marik na min urugwe nggwe mendak woragolar-e, unsum loro yutluk, mbari angga ininggem tena woraiga-o.