OROMA 11:2 - Nanduk Ngget Tul Pidnak Wene

² Mbal Pem Nagawan-nen-e at winde nap nanduk-net len inpidnak na-ge amberam tak inpigit lag-o. Mbal Pem Nagawan engga mbarak arem-nen Elia-nen kwaridnak wene iri-ge kir-e kenaru buk yili-a? Isarael nap enpem wene mbaruwakluk Elia-nen Mbal Pem Nagawan emengen mbarosolar-e, yu nggal yij-o:

OROMA 11:2 ပူးပေါင်းရင်းမြစ်များ

NDAK WIRIDNAK WENE 44:15

Yusup-nen yak ondosolar-e: ”Kir-e no mende kwarigepndig-o? Kir-e kenaru bug-a? Ap an nggal-e kit-nen meya nggok kwarigep iri nggal-e kagwi buk mende kwarugwi bem aru yoso na-ge kenaru bug-a?” luk yak indij-o.

NEMIA 9:30

Iri kwarogola-t nde, kat-nen mamak puruk worasolar-e, nggomo ondosolar-e, yi olengen ndi olengen lak tak pigenma-o. Iri kwarosolar-e, kat kindi-nen it yak ondosolat-nen kat kene lomboksa yugwi nap enemndam tak posolar-e, nggomo kwarat yak indiga-t nde, kilirak iri-ge eneyanggo nggitlik puruk kwarogola-ge, ap enlem lombok yi wi ndi wi worali nap ereba na ininggem kegera keya inpigen-o.

MBIRIGA WENE 32:1

Nde, it Isarael nap-nen-e Musa Sinai ndobo bem lagaid iri na ndag-et mbuwagit lag-et worala karug-e, Isarael nab-e Arun eram ndok worogolat-nen yak togolar-e: ”Mesira-nen lit nunpuruk lobok yid nap Musa na-ge yawo-ge ngge kwat yidnak worasu? Nit nenaru bug-o. Iri ala karuk, yawo nit lit nunpuruk mbururak mbi nenmanggim ndak wiri-o” yak tiga-o.

YEREMIA 31:37

Nde, misik tarem ndak wurugwi mende bem mbal ndak worogolat, nggweyak yiriwak yu iri nggal-o luk lombot pogolat nggal-nen-e iri yogolat tarem iri-nen Isarael nab-e it-nen meya kwarugwi bem-et an-nen keya enpeleb-o. Nagawan Indo an-net yigi-o.

MARAKUS 12:26

Nde, wat yidnak nap unluk tak purak wene-ge Musa-nen mbaridnak engga bem-e e sugwe kan amare lagaid wene na-ge kir-e kagwi bug-a? Nde, engga iri arem-nen Mbal Pem Nagawan-nen Musa yak tosolar-e: ’An-e Abaram min Isak min Yakup min Enmbal Pem Nagawan-nen yusu-o’ luk yak tij-o.

LUKAS 4:1

Yesus na-ge Yorodan arem-nen mborosoma-ge, Konak Indi-ge at arem kobong yosolar-e, Konak Indi-nen wok uburuk, karu me ap lak ma ibil mbirij-o.

YOANES 4:11

Yak tosoloma-ge, kwe na-nen at yak tosolar-e: ”Nab-o. Kat kinggem-e yimbe na lak, yi emnde mbarak yi-ge yoboksa mbidnak yu-t nde, unlug-et wolmomtak yi iri-ge ngge me-nen wanugun-o?

YIDNAK YIDNAK WENE 13:48

Yogolikma-ge, enlem nin nap na-nen iri wene kuluruk yigarig-e, enalen luk, Nagawan Indo-nen yidnak wene na erembel wanogolat woraiga-o. Nde, it unluk pem-et wolmag-o luk lenak inpidnak nap-nen-e wene iri bem inndi angin tubu yiga-o.

YIDNAK YIDNAK WENE 15:18

nanduk-net wene yu kwarosolat enaru rak pid nap Nagawan Indo-nen-e irit yij-o.’

YIDNAK YIDNAK WENE 3:17

Nowe nowosi wa-e. Kit-nen na, kit konowerak nagawan-nen na kwarigep iri-ge kenaru buk-net kwarigeb-o luk an-e naru-o.

YIDNAK YIDNAK WENE 7:40

Arun na yak togolar-e: ’Mesira-nen lit neneyaruk lobok yid nap Musa iri-ge ngge nde kwat yij-o? Nir-e nenaru buk me, lit neneyaruk mbururak pem-e nit nenmanggim kugiwak al kuni-o’ luk yak tiga-o.

OROMA 6:16

Nde, at-nen yidnak yidnak kwaruwokluk kit na kit-net kenpe kegera ap mbi wok togola-ge, kir-e at iri ndegel ubugwi nap-net yili-o. Meya yugwi elem ndegel ubugup ala-ge, war-et yugub-o. Nde, Mbal Pem Nagawan-nen yidnak yidnak nak wanugup ala-ge, lud tak nak kunpuwa-o luk kenaru buk yili-a?

OROMA 9:23

Nde, Mbal Pem Nagawan-nen nunpud kaso nap, nunnu kek tak purak pem len inpidnak nap nit mirik nenpeyekluk yosola-ge, at nunpud kaso elem iri nggilara nenpem pil mbuwasola-ge, nit-nen yi lik ndi lik yurag-e meya-o.

OROMA 9:6

Alat nde, Mbal Pem Nagawan-nen urul pidnak wene-ge kwarigit lak ma-o luk yusu-ge lag-o. Nde, Isarael-nen wigarak lolo iri oboksa-ge Mbal Pem Nagawan-nen len inpidnak nap nak-nen yili-ge lag-o.

1 KORINTUS 6:2

Marak nap-nen-e nggweyak ma nap pidsa enpem wene mbaruwa-o yidnak iri-ge kir-e kenaru buk, lak? Iri ala-ge, nggweyak ma nap pidsa enpem wene mbarurag-e kit kinggem worasola-t nde, wene te nggal iri-ge kit-nen mbarurag-e meya kali-a?

1 KORINTUS 8:3

Alat nde, ta-nen Mbal Pem Nagawan abuwa kasu nab-e, Mbal Pem Nagawan-nen at na aru yusu-o.

PILIPI 1:22

Alat nde, an nebe yu nuruk woralar-e, an neyabu konak mbi wanosolat wolmomtak ala-ge, ngge nde kwarimin-o? Nuruk woramin, lak? Wat yimin, lak? luk naru bug-o.

IBERANI 1:1

Nandug-e kwarat pem Mbal Pem Nagawan-nen nit nenlawingga yak ondosolar-e, Mbal Pem Nagawan ene lomboksa yugwi nap enpem nggwe-nen yak indij-o. Iri yosolar-e, tu nin tak nan tak pem yak ondosolat woragaij-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.