OROMA 10:15 - Nanduk Ngget Tul Pidnak Wene

¹⁵ Nde, ap nde wirik inpigit lak ma-ge, nggesa-nen aid wene yak undurag-o? Mbal Pem Nagawan engga mbarak pem-nen yosolar-e: ”Aid wene waruk mbitli nap iri-ge mondok konak lombog-o” luk yij-o.

OROMA 10:15 ပူးပေါင်းရင်းမြစ်များ

YESAYA 40:9

Teram lagundik, konak wene yu-ge Yerusalem woragwi nap kuluwakluk wirik pi-o! Konak wene yu Sion woragwi nap yak ondosolar-e, kene nggoksa yak undurag-o! Yewura siri ereba me woragwi nap yak ondosolar-e: ”Kenmbal Pem Nagawan-e lobok yuwa-o” yak undurag-o!

YESAYA 52:7

Nde, wirik pil lobok yidnak nap iri na yik kagolar-e, mondok konak lombok-nen yusu-o. Ndobo worak nggwe-net lobok yosolar-e, konak yamuksa woragwi wene min lobok yusu-o. Sion imiri yurak wene min lobok yosolat-nen yosolar-e: ”Kenmbal Pem Nagawan-e Nagawan-nen yusu-o!” luk yusu-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

YEREMIA 23:32

Ennesiget an nene lomboksa yugwi nap nggal kwatluk, ennesiget wene kobong tak nabi kaidnak ereba na ap yak indili nab-e Nagawan Indo an-nen inmin wim mbarimin-o. Ir-e ennesiget amburu lebarogolar-e, an nilirag-e kabak tak inpili-o. It iri-ge an-nen-e wirik inpigit lag-o. It iri-ge an nilirak kwat yurag-e mondok ebe lak mende-nen yusu-o. Nagawan Indo an-net yusu-o” luk yij-o.

MATIUS 9:38

Iri bem-e, ogore yidnak iri winde nap iri na emengen mbarogolar-e: ’Ogore yidnak iri ndagil mburuwakluk, ndagurak nap wirik inpi-o’ luk at emengen mbarer-o” luk yak indij-o.

LUKAS 10:1

Iri rak purug-e, Nagawan Indo-nen ap erep tujupulu lenak unpuruk, mberen lombok at waring kudtak o ereba na me at abuwok it nanduk wirik inpij-o.

LUKAS 2:10

Yogolikma-ge, aid nap iri-nen it yak ondosolar-e: ”Kwiye kali-ge meyog-o! Yi nap ndi nap oboksa enalen tak purak konak wene irit yak kindil lobok yigi-o.

LUKAS 2:14

”Mbal ombol nggwe-nen-e Mbal Pem Nagawan erembel wanuwag-o! Nde, nggweyak ma yu-nen-e Nagawan Indo indi alen tak pugwi nab-e yamuksa wolmag-o!” luk yiga-o.

LUKAS 8:1

Marig-et nak woraruk, Yesus-e o siri nggok min marik min pidsa aid wene ya yak indilik, Mbal Pem Nagawan-nen tenagaidnak wi wene konak wene na ya yak indilik nosola-ge, at owosirak ap duabelas na at imin-et niga-o.

YOANES 20:21

Yogolikma-ge, Yesus-nen tuguruk it yak ondosolar-e: ”Nowosirag-o. Kinndi yek tag-et wolmer-o. Neid-nen an wirik nibil lobok yid nggal-et, an-nen na kit wirik kunpusu-o” luk yij-o.

YIDNAK YIDNAK WENE 10:36

Mbal Pem Nagawan-nen Isarael nap enmanggim wene wosa pid iri-ge ap oboksa Nagawan Indo Yesus Kerisut ebem lambuk yurak aid wene irit yak indij-o.

YIDNAK YIDNAK WENE 13:26

Nanggamirak, Abaram-nen wigarak nap min kit Mbal Pem Nagawan aye worak nap pidsa min wa-e. Ninmiri yurak wene yu-ge nit nendam-et pil lobok yij-o.

YIDNAK YIDNAK WENE 22:21

Alat nde, Nagawan Indo-nen an yak norosolar-e: ’Mbiri-o. An-e wandakma enlem nin nap endam wirik kibimin-o’ luk yak nirij-o” luk yij-o.

YIDNAK YIDNAK WENE 9:15

Alat nde, Nagawan Indo-nen at yak tosolar-e: ”Irit nde, mbiri-o. Ap iri-ge an ndegel nobosolar-e, enlem nin nap min nagawan nagawan min Isarael nap min an nunu yak indil mburuwakluk an-nen lenak pidnak-nen yusu-o.

OROMA 1:15

Iri bem-e, kit Oroma woragwi nap min-et aid wene yak kundurak nindi pigirik worasu-o.

OROMA 15:20

An-nen peraso-ge yu-o: Kerisut unu kulugwi buk sa nak aid wene yak indil nurak peraso-o. An-e nin nap-nen o ugwi pidnak pem o wirimin naru-nen irit kwaroso-o.

EPESUS 2:17

Iri bem-e, Kerisut na lobok yij-e, lambuk tak woragwi aid wene-ge ap oboksa yak ondosolar-e, Mbal Pem Nagawan imin wud tak woragwi enlem nin nap kit yak kondosolat, Mbal Pem Nagawan eralu koroga woragwi Yawuri nap na yak ondosolat yij-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

EPESUS 6:15

lambuksa woragwi aid wene iri yil mbururak pem kinndi lid lud tak pidnak iri-ge kunuwok sum nggal yutluk, wolmer-o.

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.