OROMA 10:10 - Nanduk Ngget Tul Pidnak Wene

¹⁰ Nde, inndi-nen angin tubu yidnak pem-nen lud tak nak onposo-o. Nde, enemende nggwe-nen-e: ”Yesus-e Nagawan Indo-nen yusu-o” luk yidnak pem inmiri yoso-o.

OROMA 10:10 ပူးပေါင်းရင်းမြစ်များ

MARAKUS 9:23

Yosoloma-ge, Yesus-nen at yak tosolar-e: ” ’Yongga nundurak nde ndak ala-ge’ yigen-a? Pidsa kwat unpurak iri-ge ndak-nen yusu-o. Alat nde, nggog-e inndi angin tubu yurak iri nag-o” luk yak tij-o.

LUKAS 8:15

Nde, uwi nggweyak konak pem mbid iri na nggal-e, ap-nen aid wene na kulurug-e, inndi konak mot mot iri na bem-et puksa enarem tak puruk, inndi mamak puruk woragolat-nen ebe rak pili iri nggal-nen yusu-o” luk yij-o.

YIDNAK YIDNAK WENE 8:37

Yosoloma-ge, Pilipus-nen yosolar-e: ”Kat kindi-ge ebis-et angin tubu yidnak ala-ge, ob-o” luk yij-o. Yosoloma-ge, at-nen yosolar-e: ”Yesus Kerisut iri-ge Mbal Pem Nagawan Ambara-nen yusu-o luk nindi angin tubu yigi-o” luk yij-o.

OROMA 10:11

Mbal Pem Nagawan engga mbarak pem-nen yosolar-e: ”Inndi-ge at ebem angin tubu yuwa nab-e innggiri mondok wuruwa bug-o” luk yij-o.

OROMA 10:9

Kat kemende nggwe-nen: ”Yesus-e Nagawan Indo-nen yusu-o” luk nam-et para yosola, nde, ”Mbal Pem Nagawan-nen wat yidnak nap ennggenggerak-nen Yesus uruk tak pij-o” luk wene na bem kindi angin tubu yosola-ge, kimiri yuwa-o.

NGGALATIA 2:16

Alat nde, wene yu nir-e nenaru-o. Imiri mbarak pidnak wene-nen yidnak yidnak nak kwaridnak pem-nen ap lud tak onposo bug-o. Inndi-ge Yesus Kerisut ebem angin tubu yidnak pem-net lud tak onposo-o. Nit-nen na irit, Kerisut Yesus ebem ninndi angin tubu yige iri-ge, lud tak nunpuwakluk-nen ninndi-ge Kerisut ebem angin tubu yige-o. Nde, imiri mbarak pidnak wene-nen yidnak yidnak kwaridnak pem-nen-e lud tak nenpelep pug-o. Imiri mbarak pidnak wene-nen yidnak yidnak nak kwaridnak pem-nen-e ap lud tak onposo bug-o.

PILIPI 3:9

at arem worayekluk-nen yigi-o. An-e lud tak nibidnak yu-ge an nindi-net iri kwareyeg-o luk, an-nen imiri mbarak pidnak wene-nen yidnak yidnak kwaroso ala-nen kwat nibidnag-e lag-o. Are, Kerisut ebem nindi angin tubu yidnak pem-net lud tak nak nibidnak perak nde worasu-o. Inndi angin tubu yidnak pem-net Mbal Pem Nagawan-nen lud tak nak onposo iri nde yigi-o.

IBERANI 10:22

Iri bem-e, nit-nen Mbal Pem Nagawan eram panggosa mborogolar-e, ninndi mot mot tak puruk, ninndi ndemeret kwara angin tubu luk, meya yebet kagwi na mbek tak ninpidnak pem-net, kop kap lak yi bem nenpe mat ninpidnak pem-net panggosa mburuwog-o.

IBERANI 3:12

Nanggamirak wa-e. Kit kennggendumu ap misik-nen indi meya yosolat, indi angin tubu yigit lak yuwarik me, urug-et woraso Mbal Pem Nagawan urula keya buwa naru, kir-e kwara wolmer-o.

1 YOANES 4:15

”Yesus-e Mbal Pem Nagawan Ambara-nen yusu-o” luk para yuwa nab-e, Mbal Pem Nagawan-e iri yidnak nap na arem woralat, nde, at na Mbal Pem Nagawan arem worasu-o.

NAM PARA WENE 2:13

Kit worali sa iri-ge an-e naru-o. Sere-nen tena woraso sa iri me-t worali-t nde, kir-e an puksa tena nuburuk worali-o. An-nen yidnak wene mot mot nak konggoroso nap Antipas na-ge kit kennggendumu-nen Sere woraso sa iri me-nen wiriga-t nde, kir-e kinndi an nebem angin tubu yidnag-e keya bigit lag-o.