OROMA 10:1 - Nanduk Ngget Tul Pidnak Wene

¹ Nowe nowosi wa-e. An nindi mbung mbung tak lombog-e an nelem nap inmiri yuwakluk, an-e kiri keresa it enmanggim Mbal Pem Nagawan emengen mbaroso-o.

OROMA 10:1 ပူးပေါင်းရင်းမြစ်များ

MBIRIGA WENE 32:10

An-e larok tak nuburak pug-o. An nisilepma onposolat, mondok lak tak inpimin-o. Alat nde, kat min kat-nen wigarak min-e ap enlem nggok misik kwarak kinpimin-o” luk yij-o.

MBIRIGA WENE 32:13

Kat ndegel kubugwi nap Abarakam min Isak min Yakup min yebet eneyasolar-e, kat-nen urul owak mbara watsa yak ondosolar-e: ’Kit nen wigarag-e wonaru mbal pem abu nggal kwarat ma-o’ luk urul yak ondosolat, ’O iri na oboksa-ge kit-nen wigarak winde yuwarik, pem-et woralik nalik irit ombo wolma-o’ luk urul yak indigen iri na yebet ki-o’ luk yak tij-o.

YEREMIA 18:20

Konak kwat onpogola-t nde, onggo-ge meya kwat unpurag-e ndag-er-a? Alat nde, ir-e an mberak nuburak nggweyak emnde mbaril nggwiga-o. Kat kisilepma it enpem mberak pugun naru an-e it enlat mbarosolat enambigit yigi iri na kindi yebet ki-o.

LUKAS 13:34

Yerusalem wa-e. Yerusalem wa-e. Mbal Pem Nagawan ene lomboksa yugwi nab-e kat-net ondosolat, Mbal Pem Nagawan-nen keram wirik inpil lobok yidnak nap na kerep pem-nen ondosolat yoso-o! Towe wam-nen at amarig-e eraplabe-nen yomondoso nggal, iri nggal-et kwarat pem kat-nen idnak nap na ndok wat enpeyekluk yigi-t nde, ’Nimbir-o’ yigen-o.

YOANES 5:34

Nde, kit nap-nen an nowene kunggururak iri-ge an-e nimbir-o. Are, kit kinmiri yaga wanobokluk-nen wene yu-ge yusu-o.

OROMA 10:2

It-nen enmawi min-et Mbal Pem Nagawan erembel wanili-t nde, iri kwatli iri-ge ir-e ndemeret Mbal Pem Nagawan enaru-nen yili-ge lag-o luk an-nen yak kundusu-o.

OROMA 9:33

Kerep iri wene-ge Mbal Pem Nagawan engga bem-e yu nggal mbarak worasu-o: ”Kwara yebet ker-o. O Sion iri me-ge ap unuwok abis pijaksa mburak kerep an-nen pusu-o. Kerep nggulok na bem-e ab-e pijaksa mbud yuwa-o. Alat nde, kerep na ebem inndi angin tubu yuwa nab-e abog-e innggiri wuruwa bug-o” luk yij-o.

1 SEMUEL 12:23

Nde, an nondomok namanggim-e an-nen kit kenmanggim tepan yigit lak yosolat, Nagawan Indo imin meya yimin naru kwara yongga nuruwag-o. Nde, iri-nen an-nen mul kondosolar-e, ndemeret konak mot mot kwarugwi irit mirik konposolat woramin-o.

1 SEMUEL 15:11

”Saul yu-ge an neram-nen nden karuk mborosolat, an-nen ebem pigi-ge kwarigit lak yidnak me, niri nera-nen Saul yu-ge nagawan tak ibigi-o” luk yak tij-o. Yosoloma, Semuel-e indi puru luk, Nagawan Indo emengen mbal tenak nene yij-o.

1 SEMUEL 15:35

Iri kwariga kuri Semuel na woralar-e, Saul imin-e lambuk yigit lak irit woragij-o. Alat nde, Semuel na-ge Nagawan Indo-nen-e: ”Niri nera-nen Saul yu-ge Isarael nap enanggul pem nagawan mendak pigi-o” yosola karug-e, Semuel na-ge Saul yebet karug-e indi andi kerenak woragij-o.