OROMA 1:30 - Nanduk Ngget Tul Pidnak Wene

³⁰ enesiget wene bem ap unnu meya rak pugwi min Mbal Pem Nagawan imin sirid woragwi min paleksa yugwi min enambik entembel wanugwi min enambik kek yugwi min meya kwarurak pem enpam yugwi min ineid iniya-nen yidnak yidnak kwarugwi buk min

OROMA 1:30 ပူးပေါင်းရင်းမြစ်များ

NDAWI ENGGA 49:6

It iri-ge it enarengge bem nak inndi kwid puruk woragolat, enarengge mende ereba na bem nak inndi kek tak puruk worali-o.

NGGOMO WENE 24:8

Meya kwarurak nak wene mbal tenak woraso nab-e unu-ge ap laga mbaga rak onposo nap-nen yusu-o.

NGGOMO WENE 25:23

O wija abare abam (utara) nggwe-nen nde lobok yosola-ge, ndemeret talme pil lobok yoso-o. Iri nggal-et onpok pugwi mende iri-nen-e insilepma yugwi mende nam tak poso-o.

NGGOMO WENE 30:17

Ta-nen eid ija inndi worak ereba na pesel onposola-ge, erengen-e towe ijamu-nen kela keya bosolat, nde, ebe-ge towe ud-nen mbarosolat makluk, mbo uburak ndag-et mbo ubuwa-o.

NGGOMO WENE 8:36

Ta-nen nde an wok nubusu buk nab-e, at ambikpebe erengenwak lak tak pusu-o. An isili rak nobosola-ge, wat yugwi elem iri na abuwa kasolat-nen kwarusu-o” luk inndi nggat nggat elem-nen yij-o.

WONARIDNAK WENE 10:35

Nde, pempa mburuwokluk yogolat, urul pidnak wene labu mbarak iri na kud togola, Musa-nen yogolar-e: ”Nagawan Indo wa-e. Men min-o. Kat kuwim nab-e ndibi ndirak onposola, kat insili nab-e enariktak nggilarak mbu mburuwag-o” luk yil yal mbirij-o.

MATIUS 15:4

Mbal Pem Nagawan-nen yosolar-e: ’Kineid kiniya enne kulurag-o’, nde, ’ta-nen nde eid iya onpok puwa nab-e mondok wururag-o’ luk yij-et nde,

MATIUS 16:21

Iri tarem-nen Yesus na tel korosolat, at owosirak yak ondosolar-e: ”An-e mondok Yerusalem mbirimin-o. Mburumu-ge, ogore yidnak nap nde tepan omborak nagawan nde imiri mbarak pidnak wene enaru nap nde it-nen mondok lel mberel nubuwa-o. Iri luk, nuruwa-t nde, mberen nene luk, kenan tak purak pem-e nuruk tak puwa-o” luk nam-et yak indij-o.

LUKAS 21:16

Kinminep wosorogolar-e, kineid kiniya-nen, na konowe konowot-nen na, kenlem nap-nen na, kennggamirak-nen na wesel kunpuwa-o. Nde, kit kennggendumu ap ereb-e kunduwar-o.

YOANES 7:7

Ki nap pidsa-nen-e kir-e insili rak kunpuwa bug-et nde, an-nen-e: ’Kit-nen kwatli mende meya nak kwatli-o’ luk yak undusu me, insili rak nibili-o.

YIDNAK YIDNAK WENE 5:36

Nandug-e ap Teuras na men yarik, at ambikpebe kek yosola-ge, ab-e empat ratus (400) nggal at imin niga-t nde, at worogolikma-ge, imin niga nap oboksa ndibi ndi yogolar-e, lak agaid nar-o.

OROMA 2:17

Alat nde, kit-nen nde: ”Nir-e Yawuri nab-o” luk yogolat, imiri mbarak pidnak wene bem kinndi wat tak pogolat, ”Nit Nineij-e Mbal Pem Nagawan-o” luk yugwi bem nak ija bija yili nap kir-e

OROMA 2:23

”Imiri mbarak pidnak wene winde-ge nir-o” luk kondomok ija bija yili-t nde, wene iri na kuruk togolar-e, Mbal Pem Nagawan unu mbilaro ngin tak pili-ge lag-a?

OROMA 3:27

Iri ala-ge, no bem-nen nir-e ija bija yul-o? Mondok lag-o! Noluk-nen iri yigi-o? Ap-nen imiri mbarak pidnak wene-nen yidnak yidnak kwarogolat woraidnak pem-nen-a? Iri-ge lag-o. Are, inndi angin tubu yidnakpem-ner-o.

2 KORINTUS 10:15

Nit, neneyabu kuri pidnak sa ombol nggwe nin nap-nen wanili yabu iri bem nit ninndi kek tak pili bug-o. Are, nit-nen peragolar-e, kit kinndi angin tubu yidnak kwarat yosola-ge, kit kenpem ala nir-e kek tak nunpuwa-o luk perali-o. Nde iri-ge neneyabu kuri mbal nindidnak iri na me-t wanul-o.

2 KORINTUS 12:20

An-e kit kendam wok yimin nggal-e, an nindi-n peraidnak kwarigit lak nde keneyamin-o luk numud kasu-o. Nde, iri nggal-et an-nen na kit kinndi-nen peraidnak mende kwarigit lak niyudtak iri-ge numud kasu-o. An yik keneyamin nggal-e, yuk puk yugwi nde, enlengen ale yugwi nde, insilepma yugwi nde, kuri wat wat woragwi nde, nobokpe kobokpe pugwi nde, yagap yagap pem ap onpok pugwi nde, inndi-n kek tak pugwi nde, narop karop kwarugwi nde kwarogolat woragola keneyamin-o luk, numud kasu-o.

TUGURUK YIDNAK WENE 7:10

Alat nde, ap at insili rak ibili nap lak tak unpurak pem-e indi tusuruk kwaruwa bug-o.

2 TESALONIKA 2:4

At iri-ge at ondomok kek yosolar-e, ap-nen erembel wanugwi mende pidsa min Mbal Pem Nagawan nggal lik kagwi min imin wim mbarak woralar-e, iri mende oboksa-ge at-nen urugwe nggwe rak puruk, Mbal Pem Nagawan ama kore lug-e, ”An-e Mbal Pem Nagawan-net yusu-o” luk yuwa-o.

2 TIMOTIUS 3:2

Iri tarem-e ap-nen-e ondomok enabuwa nak kagolat, uwang nak nggok tak pogolat, enambikpebe kek yogolat, inndi kek tak pem wene yogolat, ap pesel onpogolat, ineid iniya enne tarogolat, wa na yugwi buk, aid wene insili rak pogolat,

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

YAKOBUS 3:5

Iri nggal-et ap enma-ge marik komosa-t nde, wene yok nggok pem at-net at kek yoso-o. Kanduk marig-et-nen pago pidnag-et nde, o wal nggulok terak kani naso iri ker-o!

YAKOBUS 4:16

Alat nde, yawo kir-e kondomok kentembel wanogolat, kinndi kek yili-o. Inndi-nen kek yugwi iri nggal iri-ge lugud tak kwatli-o.

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.