OROMA 1:3 - Nanduk Ngget Tul Pidnak Wene

³ Wene iri na-ge at Ambara nit Nagawan Indo Yesus Kerisut imin yidnak wene-nen yusu-o. Yesus na ki nap enpage bem-e Ndaud-nen nderak lolo-nen yusu-o.

OROMA 1:3 ပူးပေါင်းရင်းမြစ်များ

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

NDAWI ENGGA 2:7

Nagawan-nen yosolar-e: ”Nagawan Indo-nen ’Irit kwaruwa-o’ luk yidnak wene-ge an-nen yimin-o. At-nen an yak norosolar-e: ’Kar-e an Nambara-o. Yawo-net kat keid kwat yusu-o.

AMOS 9:11

Nagawan Indo-nen yosolar-e: ”Ndaut-nen tenagidnak wi iri na-ge an-nen tuguruk nanduk woraso nggal ondolma rak purak tarem-e wog-et ma-o. Nde, yawo-ge at-nen tenagidnak wi iri na-ge o tud yidnak nggal tud tak worasu-o. Alat nde, an-nen-e o iri na worosolat, kebet tuguruk konimin-o. Konumu-ge, o iri-ge nanduk worasu iri na nggal-et ondolma rak pimin-o.

MATIUS 1:1

Engga yu-ge Yesus Kerisut eid ombo nderak lolo mbenasa mbaridnak wene-nen yusu-o. Yesus iri-ge Ndaud-nen wigarak lolo-nen nderag-o. Nde, Ndaud iri-ge Abaram-nen wigarak-nen nderag-o.

MATIUS 1:16

Yakup-nen-e Yusup ndagaij-o. Nde, Yusup na-ge Yesus ija Maria un-o. Yesus na-ge ”Kerisut-nen yusu-o” luk yugwi-o.

MATIUS 1:6

Isai-nen-e Nagawan Ndaud ndet ibij-o. Ndaud-nen Uria ogwe wanarik-nen-e Salomo ndet ibiga-o.

MATIUS 12:23

Yosoloma-ge, ap ereba wi yogolat-nen: ”Ap yu-ge Ndaud Ambara nde ma-o” luk kin wok kerak mbiga-o.

MATIUS 15:22

Nde, o iri me woraso Kanan kwe misik na lobok luk, ene nggoksa yosolar-e: ”Nab-o. Ndaud Ambara wa-e. An nabuwa ki-o. An nara-ge kugi meya misik at arem worasolat kwarat andi bandi rak ubusu-o” luk yak tij-et nde,

MATIUS 26:63

Alat nde, Yesus na-ge ene lak nak woragaij-o. Iri ala-ge, tepan ombo nggulok na-nen tuguruk at yak tosolar-e: ”Uruk nak woraso Mbal Pem Nagawan unu bem owak mbara yak nindi-o: Kar-e Mbal Pem Nagawan Ambara Kerisut-nen yusu, lak, lag-a?” luk yak tosoloma-ge,

MATIUS 27:43

At indi-ge Mbal Pem Nagawan ebem mbung mbung tak worasolat-nen yosolar-e: ’An-e Mbal Pem Nagawan Ambara-net yusu-o’ luk yoso ala-ge, Mbal Pem Nagawan-nen at indingen nde ala-ge, yawo-t at imiri yuwag-o” luk yiga-o.

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

MATIUS 9:27

Iri luk, Yesus na o iri me-nen mborosola-ge, enlengen ngguru nap mberen iri-ge at imbirik mborogolat-nen enne ngguloksa yogolar-e: ”Ndaud Ambara wa-e. Nenabuwa ki-o!” luk yil yil mbiriga-o.

LUKAS 1:35

Yosoloma-ge, aid nap-nen wene erep nggarosolar-e: ”Konak Indi-ge kat kebem lobok yosolar-e, Mbal Pem Nagawan amawi-ge kat kebem mbuma-o. Iri bem-e la ndakun iri imin-e: ’Mbal Pem Nagawan Ambara len ibidnak-nen yusu-o’ luk yuwa-o.

LUKAS 1:69

Ninmiri yurak amawi worak nap wok nindid iri-ge at ndegel oboso nap Ndaud-nen wigarak-nen yusu-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 1:34

Nde, an nerengen karuk-nen yak kundusu-o. At yu-ge Mbal Pem Nagawan Ambara-net yusu-o” luk yij-o.

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

YOANES 10:30

An min Neid min-e misiget nak-nen yusu-o” luk yak indij-o.

YOANES 10:36

Neid-nen len nuburuk wirik nibil lobok yidnak nab-et nde, an-nen-e: ’An-e Mbal Pem Nagawan Ambara-o’ luk yusu iri bem kit noluk-nen: ’Mbal Pem Nagawan obok poso nab-o’ luk yak nitli-o?

YOANES 20:28

Yak tosoloma-ge, Tomas-nen at yak tosolar-e: ”Kar-e an-nen idnak Nagawan Indo min an Nembal Pem Nagawan min-nen yusu-o!” luk yak tij-o.

YOANES 20:31

Alat nde, engga yu arem worasu yeba mbarak yu-ge, kit-nen-e Yesus-e Mbal Pem Nagawan ambara Mesias-nen yusu-o luk kinndi-ge at ebem angin tubu yogolat, kinndi angin tubu luk, at unu bem kunlug-et worabokluk-nen mbaridnag-o.

YOANES 5:25

An-e ndemeret yak kundusu-o. Wat yidnak nap-nen Mbal Pem Nagawan Ambara ene kuluruk, kulidnak nab-e unlug-et wolmomtak tarem-e wok yuwa-t nde, mondok wok yij-o.

YOANES 7:42

Mbal Pem Nagawan engga bem-nen yosolar-e: ’Mesias iri-ge Ndaud-nen wigarak, Ndaud ama Mbetleyem-nen ndet ma-o’ luk yij-o” luk yiga-o.

YIDNAK YIDNAK WENE 2:30

Iri bem-e at Ndaud na-ge Mbal Pem Nagawan ene lomboksa yoso nap me, Mbal Pem Nagawan-nen owak mbatluk urul posolar-e: ’Kat-nen ndakun lolo misig-e an-nen nagawan tak pumu-ge, nagawan kat kore yoso ondoro ebem-et kore yuwa-o’ luk yidnak wene iri-ge Ndaud na aru woragaij-o.

YIDNAK YIDNAK WENE 3:13

Abaram min Isak min Yakub min Enmbal Pem Nagawan iri-ge nit nenlawingga Enmbal Pem Nagawan-nen-e at Ndegel Oboso Nap Yesus na unu kek tak pij-o. Yesus na-ge kit-nen wesera wok ondogolat, Pilatus-nen-e ’Mondok keyap tak purak’ peragaij-et nde, kit-nen Pilatus imbiri bem-et wesera keya bigeb-o.

YIDNAK YIDNAK WENE 8:36

It iri-ge tula mbiriga mbiriga-ge, yi ma wok yogolar-e, iyiri wabidnak nap-nen yosolar-e: ”Yi yu worasu yu ki-o. An yi ma nuburag-e nunggwirig-o?” luk yij-o.

YIDNAK YIDNAK WENE 9:20

Woralar-e, Yawuri nap-nen tepan yugwi ma ereya na me-nen Yesus owene wesera yak ondosolar-e: ”At iri-ge Mbal Pem Nagawan Ambara-nen yusu-o” luk yak indij-o.

OROMA 1:9

An tepan yosolar-e, pempa kenmanggim yoso-o. Nde, an-nen yusu yu-ge ndemeret yusu-o luk Mbal Pem Nagawan-nen kenggel kunduwa-o. An-e at Ambara-nen idnak aid wene iri ninndi bem-net yak ondosolat ndegel pusu Mbal Pem Nagawan iri-nen kenggel kunduwa-o.

OROMA 4:1

Iri ala-ge, nenlem nap onmbo Abaram-nen kwaridnak na bem-e no yul-o?

OROMA 9:3

An nelem nap iri enabuwa-nen it enmanggim-e an-nen perasolar-e: ”An-e imbiri lamut tak nuburuk, Kerisut eram-nen arik tak nebeleb-o!” luk peraso-o.

OROMA 9:5

Isarael nap na-ge na nenlawingga-nen wigarak-net yili-o. Kerisut abage nggweyak ma nap en-page worak iri-ge it Isarael nap-nen wigarak-net yusu-o. Nde, yi mende ndi mende oboksa ombol pem kek tak woraso Mbal Pem Nagawan na-ge unu kek tak woralik nalik irit wolmag-o. Amen.

1 KORINTUS 1:9

At Ambara Yesus Kerisut, nit Nenagawan Indo iri imin kundik worabokluk wene mbo kinpidnak Mbal Pem Nagawan iri-ge mot mot nak kwaroso-nen yusu-o.

1 KORINTUS 10:18

It Isarael nap-nen kwarugwi iri-ge lombot per-o. Mbal Pem Nagawan amanggim wosa kan pugwi mende nunggwi nab-e wam wosa kan pugwi sa imin kondogolat-nen nili-ge lag-a?

NGGALATIA 4:4

Alat nde, iri kwarurak tarem-e ndak yosola-ge, Mbal Pem Nagawan-nen-e at ambik ambara ibil lobok yosola, at ambara na-ge ki kwami-nen ndet ebamu-ge, imiri mbarak pidnak wene urugwe nggwe worala-ge,

1 TESALONIKA 1:10

at ambara aid arem-nen mbuma-o luk yik karok worali wene min oboksa yak nundugwi-o. At Ambara Yesus iri-ge wat yidnak nap ennggendumu-nen uruk tak pij-o. Nde, Yesus-nen-e Mbal Pem Nagawan isilepma abok-nen ap enpem mbumomtak iri na inggem-nen ninmiri yij-o.

1 TIMOTIUS 2:5

Mbal Pem Nagawan-e misiget nak-nen yusu-o. Nde, Mbal Pem Nagawan min ki nap min ennggendumu ngarak koro na misiget nag-o. Iri-ge ki nap Kerisut Yesus ar-er-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

2 TIMOTIUS 2:8

Wene yu yeberak wolmin-o: An-nen yoso aid wene iri-ge Ndaud-nen wigarak nap Yesus Kerisut, wat yidnak nap ennggendumu-nen uruk yidnak nap owene-t yoso-o.

1 YOANES 1:3

Nir-e Nineid min at Ambara Yesus Kerisut min inmin-e erep kundik worali-o. Nde, kir-e nit ninmin lambuksa erep kundik woraboklug-e, nit nenlengen-nen kaidnak min neneyanggo-nen kulidnak min iri na-t yak kindili-o.

1 YOANES 3:23

Nde, at-nen: ”Irit kwarer-o” luk yidnag-e yu-o: At Ambara Yesus Kerisut unu bem nit ninndi angin tubu luk, Kerisut-nen yak nindid ndak ndag-et nabuwa kabuwa yogolat wolmomtag-o.

1 YOANES 3:8

Nde, Sere na-ge nanduk nanduk-net meya nak kwat tenak woraso me, meya nak kwat tenak woragwi nab-e Sere ilirak-net yili-o. Nde, Sere-nen kwaroso iri na lak tak peyekluk Mbal Pem Nagawan Ambara na nggweyak ma yu me lobok yij-o.

1 YOANES 4:15

”Yesus-e Mbal Pem Nagawan Ambara-nen yusu-o” luk para yuwa nab-e, Mbal Pem Nagawan-e iri yidnak nap na arem woralat, nde, at na Mbal Pem Nagawan arem worasu-o.

1 YOANES 5:1

Ta-nen nde Yesus-e Kerisut-nen yusu-o luk ebem inndi angin tubu yili nab-e Mbal Pem Nagawan ilirak-nen yili-o. Nde, Eid abuwa kasu nab-e at ambara iri na-t abuwa kasu-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

1 YOANES 5:5

Tarak-nen nggweyak ma yu pinik tak puwa-o? Yesus-e Mbal Pem Nagawan Ambara-o luk inndi at ebem angin tubu yuwa nap-net nggweyak ma yu pinik tak puwa-o.

2 YOANES 1:7

Nde, ap onmbol pem lagwi nap kwarar-e yi wi ndi wi waring kali-o. Nde, it iri-nen yogolar-e: ”Yesus Kerisut iri-ge nggweyak ma nap nggal lobok yij-o” luk yili bug-o. Nde, iri yugwi nap iri-ge Kerisut uwim nap, ap onmbol pem lagwi-nen yili-o.

NAM PARA WENE 2:18

”Tiatira woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge erengen-e kanduk nggal kere kererak, ijog-e kerep wiril nggal Mbal Pem Nagawan Ambara-nen yidnak wene-o.