OROMA 1:28 - Nanduk Ngget Tul Pidnak Wene

²⁸ Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.

OROMA 1:28 ပူးပေါင်းရင်းမြစ်များ

NDAK WIRIDNAK WENE 6:5

Woragola-ge, Nagawan Indo-nen-e ap ereba-ge it inndi-ge meya kwarurak nak kobong tak, it-nen na yi meya ndi meya nak kwat tenak woragola, eneyasolat woragij-o.

2 SEMUEL 22:27

Kat kimin marak woragwi nap inmin-e kar-e marak irit woraso-o. Alat nde, lugud tak kwarugwi nap inmin-e sirid mbaroso-o.

NDAWI ENGGA 69:27

It-nen lugud tak kwarugwi-ge nambena mbo kwarat mag-o. It iri-ge mot mot kwarugwi rak unpurak pug-o.

NGGOMO WENE 1:22

”Wid kinndi worak wa-e. Kir-e pempa iri nggal nag-et kwat tenak woragub-a? Nde, kit-nen enaru yugwi mende te rak pogolat, mul kindidnak wene ereba na-ge keya bogolat irit woragub-a?

NGGOMO WENE 1:29

Kir-e ap enaru yugwi mende mondok kinsili woragolat, Nagawan Indo-nen yidnak yidnak kwarurag-e kinmbit yogolat woragwi-o.

NGGOMO WENE 1:7

Enaru yugwi mende enaru yurak pem-e mondok nanduk tak posolar-e, mondok tebe luk Mbal Pem Nagawan indi aye worak irit wolmomtag-o. Nde, ap wid-nen-e inndi nggat nggat elem iri na-ge nggok tak pigit lak, it mul undurak na insili yugwi-o.

YEREMIA 6:30

It iri-ge Nagawan Indo an-nen mbo inpidnak me, ap-nen it unnu yarogolar-e, ’Mbo bidnak perag-o’ luk yuwa-o” luk yak tij-o.

OSEA 4:6

Tepan ombo kit-nen-e an-e no mende nggal kinsili rak nibili-o. Iri kwarogola-ge, an nilirak-nen na an-e no mende nggal tag-et nibili me, enlengenwak lak yili-o. Kir-e an-nen mul kindidnak wene mondok keya bili-o. Iri yogola karuk, an-nen na kir-e keya konposolat, kit kinlirak na an-nen-e an-nen idnak tepan ombo luk enperamin pug-o.

YIDNAK YIDNAK WENE 17:23

An-e kit kenma yu me waring kasolat-nen kit-nen erembel wanugwi kunkugiwak na kil kil mborosolar-e, kugi amanggim wam wosa pugwi sa misik pem-e yik kaginggal-e, ’Nenaru buk kugi amanggim-o’ luk yaga mbaridnak irit kagi-o. Nde, kenaru bug-et nde erembel wanugwi iri-ge an-nen nam para yak kundusu-o.

YIDNAK YIDNAK WENE 17:32

Nde, it-nen-e wat yidnak nap uruk tak pidnak wene na kulurug-e, ap ereb-e nggweyel ibiga-t nde, it erep-nen yogolar-e: ”Wene yu-ge tuguruk kuluwok-nen misik tarem na yurag-o” luk yiga-o.

OROMA 1:18

Ap-nen meya yidnak iri-nen ndowaga Mbal Pem Nagawan enaru yurak iri kabak tak pusu bem-e Mbal Pem Nagawan isilepma-ge aid arem-nen ap-nen wene kuruk tugwi min meya kwarugwi min oboksa ebem nam tak pusu-o.

OROMA 1:21

Ab-e Mbal Pem Nagawan enaru woragolar-et nde, ar-e Mbal Pem Nagawan-net yusu-o luk at kek tak ibigit lak, wa na yak tigit lak yiga-o. Are, it yebet kagwi indi na ebe lak mende kwat yosolat, it inndi-ge ndamuk yij-o.

OROMA 1:24

Iri kwarogola karuk, Mbal Pem Nagawan-nen-e keya inpij-o. It inndi-nen ukwe ukwe peragwi nak langgal luk mborogolar-e, it na it-net innggiri lag-et ondomok enpe meya yik korali-o.

OROMA 1:26

Iri kwarugwi ala karuk, it enaboro nak-nen ukwe ukwe yugwi mende irit kwarogolat wolmakluk, Mbal Pem Nagawan-nen-e it keya inpij-o. Nde, kwami-nen na irit, ap-nen ye unpugwi na keya buruk, it kwami nak kwami nak yebogolat woraiga-o.

1 KORINTUS 15:34

Kir-e kwara kondok luk, meya yugwi iri keya ber-o. Kit kinnggiri kabokluk an-e wene yu yak kundusu-o: Kit kennggendumu ap ereb-e Mbal Pem Nagawan enaru bug-et worali-o.

2 KORINTUS 10:5

Ap enmberam lagwi wene iri-ge lak tak pogolat, Mbal Pem Nagawan enaru mul naru inndi kek tak pem wiridnak kerep pak ndamarak pogolat yili-o. Nit ninndi-nen peragwi oboksa yemendak puruk Kerisut-nen yidnak yidnak nak kwaruwakluk indipma rak pili-o.

EPESUS 5:4

Iri nggal-et, kit-nen meya wene nde ebe lak wene lom nde keyari wene nde yurak pug-o. Iri yugwi wene-ge kit-nen yurag-e meya-net yusu-o. Alat nde, kit-nen-e Mbal Pem Nagawan nak wa yak togolat wolmomtag-o.

2 TESALONIKA 1:8

Kan mare min lobok yosolar-e, Mbal Pem Nagawan-e ndemerer-o luk yugwi buk nap min Nenagawan Indo Yesus-nen yidnak aid wene kuruk tugwi nap min enpem angin worak mende puwa-o.

2 TIMOTIUS 3:8

Yanes min Yamberes min-nen Musa-nen yidnak wene eyak wiriga nggal, iri nggal-et ap iri kwarugwi na-nen ndemeret wene na eyak witli-o. Iri kwatli nap iri-ge inndi yebet kagwi na lak yidnak me, it inndi angin tubu yidnak na mborok tak pili-o.

TITUS 1:16

It-nen yogolar-e: ”Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.

PILEMON 1:8

Iri bem-e, an-e Kerisut ebem kat kanggam tak nibidnak me, an-e kwiye lag-et kat-nen kwarurak mende kwaronok-nen nene amawi min-et yak kururag-e ob-o.

2 PETERUS 3:5

Tel korosolat kuri-net Mbal Pem Nagawan ene nak-nen mbal min nggweyak min ndak worak pid wene iri-ge it-nen-e enaru yurak insili-net enaru buk nggal kwatli-o. Nde, nggweyak yu-ge yi enggendumu-nen yi bem-nen ndak worak pij-o.