OROMA 1:25 - Nanduk Ngget Tul Pidnak Wene

²⁵ It iri-nen-e lud tak nak kwaroso Mbal Pem Nagawan na keya buruk, ondolma-ge enesiget wene pogolat, Ndak Woroso Nap erembel wanurak na keya buruk ondolma-ge at-nen ndak worak pidnak tengge erembel wanogolat yiga-o. Ndemerer-e Ndak Woroso Nap nak erembel wanogolat woralik nalik momtak na-t nde-o. Amen.

OROMA 1:25 ပူးပေါင်းရင်းမြစ်များ

NDAWI ENGGA 72:19

At unu kek tak pem-et woralik nalik ma iri nak erembel wanurag-o. Yi wi ndi wi oboksa-nen at abinal-nen kobong mag-o! Iri nggal-et kwat mag-o! Amin-o!

YESAYA 44:20

Iri nggal kwarusu iri-ge mabe ninggidnak nggal-nen yusu-o. Ap iri-ge indi yebet kaso wid iri-nen amberam lasola, at indi imiri yurag-e meya yusu-o. At-nen-e ut memera ndak wosa pidnak mende at inggem worasu iri-ge ndemeret enmberam laso ebe lak mende-nen yusu-o luk para yigit lak yoso-o.

AMOS 2:4

Nagawan Indo-nen yosolar-e: ”Yewura nab-e pempa meya nak kwat tenak worali-o. Iri bem-e an-nen mondok angin worak enpem mberak pimin-o. It iri-ge an-nen mul indidnak wene-ge no mende nggal tak puruk, an-nen ’Iri nggal kwarurag-o’ luk enpem pidnak wene-ge kwid togolar-e, nin mbal pem nagawan onmborak-nen erembel wanugwi ereba na-nen enmberam lasola, inndi kabak tak pij-o.

ABAKUK 2:18

Kir-e mondok kinmbiri lamut mer-o! Kit-nen e telak mbi yak togolar-e: ”Kurak min-o!” yak togolat, nde, kerep nggok misik yak togolar-e: ”Men min-er-o” yak tili-o. Nde, ininggi-nen ndak wosa pidnak mende-nen-e wene mbi yak kondoso-a? Nde, ininggi-nen ndak wiridnak mende iri-ge emas min perak min-nen tap mbal mbal konidnag-et nde, urugup yoso buk-nen yusu-o. Kugwiwak ininggi-nen ndak wiridnak iri-ge no amanggim-o? Iri-ge ki nap ininggi-nen ndak wiridnak mende-nen yusu-o. Iri-nen yak kondosolar-e, ebe lak mende, enesiget nak yak kondoso-o. Kugwiwak ndak woroso nap iri-nen at inggi-nen ndak worak pidnak ene yoso buk iri na bem indi angin tubu yusu iri-ge we ebe lak ereba-t kwarusu-o.

MATIUS 10:37

Ta-nen nde eid ija enabuwa nggulok tak posolat, an nabuwa marik tak pusu nab-e an nap kwat momtag-e meya-o. Nde, ta-nen nde at ambara nde ara nde nak enabuwa nggulok tak posolat, an nabuwa marik tak pusu nab-e an nap kwat momtag-e meya-o.

MATIUS 6:24

”Ap misik-nen-e eidtak mberentak ndegel unpugwi bug-o. Nde, iri kwarogolar-e, eid misik iri na isili rak posolat, misik iri na abuwa kujwa nde ma-o. Are, misik iri na kwara ndegel obosolat, nde, misik na kwara ndegel ibigit lak yosolat ma-o. Iri nggal, kit-nen na Mbal Pem Nagawan min nggweyak ma mende mberen ndugururag-e meyar-o.

YOANES 2:8

Kobong tak pogolikma-ge, Yesus-nen it yak ondosolar-e: ”Yawo-ge yi na kenangga sagaid winde iri na wok til mberer-o” luk yak ondosoloma-ge, yi na kenangga wok til mbiriga-o.

OROMA 1:18

Ap-nen meya yidnak iri-nen ndowaga Mbal Pem Nagawan enaru yurak iri kabak tak pusu bem-e Mbal Pem Nagawan isilepma-ge aid arem-nen ap-nen wene kuruk tugwi min meya kwarugwi min oboksa ebem nam tak pusu-o.

OROMA 1:23

Iri yili nap-nen-e kek tak woralik nalik woraso Mbal Pem Nagawan na ondolma lak yoso mende amorok ndak worogolar-e, ap ut mimirik min towe ut mimirik min wam ut mimirik min keyok keyok noso mende ut mimirik min ndak wiriga-o.

OROMA 9:5

Isarael nap na-ge na nenlawingga-nen wigarak-net yili-o. Kerisut abage nggweyak ma nap en-page worak iri-ge it Isarael nap-nen wigarak-net yusu-o. Nde, yi mende ndi mende oboksa ombol pem kek tak woraso Mbal Pem Nagawan na-ge unu kek tak woralik nalik irit wolmag-o. Amen.

2 KORINTUS 11:31

An-nen yusu wene yu-ge nenesiget yusu-ge lag-o. Nagawan Indo Yesus Eid Mbal Pem Nagawan-e aru-o. At unu-ge kek tak irit woralik nalik wolmag-o.

EPESUS 3:21

Mbal Pem Nagawan iri-ge, lambuk tak inpidnak nap enpem-nen na. Kerisut Yesus ebem-nen na, pempa pempa woralik nalik woragolar-e, at unu kek tak pogolat wolmomtag-o. Amen.

1 TESALONIKA 1:9

Are, iri wene kuliga nap it ondomok-nen kenggera yak nondogolar-e, nir-e kit kendam wok yogola-nen wok ninpigep wene min kit nanduk kugiwak kwarugwi keya buruk, nden karuk Mbal Pem Nagawan ambigit nggwe lobok yigep wene min ndemeret uruk nak woraso Mbal Pem Nagawan ndegel ibili wene min

1 TIMOTIUS 1:11

Ndemeret wene iri-ge mondok erembel wanugwi kek tak Mbal Pem Nagawan-nen idnak Konak Wene-ge an-nen yuwakluk nebem pidnak wene iri-nen yusu-o.

1 TIMOTIUS 1:17

Woralik nalik yoso Nagawan, lak yoso buk Nagawan, ap-nen kagwi buk, misig-et nak woraso Mbal Pem Nagawan iri nak erembel wanogolat, unu kek tak pogolat pem-et woralik nalik mag-o. Amen.

2 TIMOTIUS 3:4

mirim kwarogolat, inndi mburugwi buk yogolat, enaru bug-et nde, ija bija yogolat, Mbal Pem Nagawan indi pidnak keya buruk, it inndi pidnak nggok tak pogolat ma-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.