OROMA 1:14 - Nanduk Ngget Tul Pidnak Wene

¹⁴ Nde, Yunani nap na irit, enlem nin nap na irit, enaru nap min enaru buk nap min it pidsa enpem an-e namat nebem pidnak worasu-o.

OROMA 1:14 ပူးပေါင်းရင်းမြစ်များ

NGGOMO WENE 1:22

”Wid kinndi worak wa-e. Kir-e pempa iri nggal nag-et kwat tenak woragub-a? Nde, kit-nen enaru yugwi mende te rak pogolat, mul kindidnak wene ereba na-ge keya bogolat irit woragub-a?

NGGOMO WENE 8:5

Inndi tenggerak elem tena woragwi buk nab-e inndi tenggerak woragwi elem-e kenaru yer-o. Kit wid kinndi worak nab-e kwara yebet karuk-nen kenaru mer-o.

YESAYA 35:8

Iri me-ge tula nggok na wolmar-o. Nde, tula iri unu-ge ”Inmiri Yurak Sa Mburugwi Tula-o”. Meya yugwi nab-e tula iri nggwe-ge mburuwa bug-o. Ap indi lak-nen na tula iri nggwe mburugwi nab-e kabak tak unpuwa bug-o.

MATIUS 11:25

Iri na tarem-e Yesus-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Kat-nen-e inndi nggat nggat worak nap min inndi pindong tak nap min endam-nen kura bigen mende iri-ge enaru buk nap na nam-et yak indigen iri bem-e an-e wa yak kurusu-o.

LUKAS 10:21

Iri tarem na-net Konak Indi at ebem mbosola-ge, Yesus na alen kasolat-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Iri mende pidsa-ge enaru nap min inndi nggat nggat worak nap min enambigir-e lumurak posolat, it enaru buk nap enambigir-e nam tak pigen iri bem-e wa yak kurusu-o. Eyo, Neid wa-e. Kat kindi-n peraidnak ndak ndag-et kwarij-o.

YIDNAK YIDNAK WENE 22:21

Alat nde, Nagawan Indo-nen an yak norosolar-e: ’Mbiri-o. An-e wandakma enlem nin nap endam wirik kibimin-o’ luk yak nirij-o” luk yij-o.

YIDNAK YIDNAK WENE 28:2

Iri me woragwi nab-e wa kwarat yak nunduruk, talme mbosolat me, toro ala karuk, nenmanggim kan maburuk, nit pidsa wok ninpiga-o.

YIDNAK YIDNAK WENE 28:4

O iri woragwi nap-nen yik kaiganggal-e, lese na at inggi bem yilik puruk tiyong yidnak ala, it nak it nak yak kerak mbogolar-e: ”Ap yu-ge ndemeret ap woroso nde ma-o. Nde, ar-e yi emndam-nen mengga wagaij-et nde, mot mot yoso kugi-nen wiridnak me, mondok uruk ma bug-o” luk yiga-o.

YIDNAK YIDNAK WENE 9:15

Alat nde, Nagawan Indo-nen at yak tosolar-e: ”Irit nde, mbiri-o. Ap iri-ge an ndegel nobosolar-e, enlem nin nap min nagawan nagawan min Isarael nap min an nunu yak indil mburuwakluk an-nen lenak pidnak-nen yusu-o.

OROMA 1:22

Nir-e ninndi-ge anggat ponok tag-o luk perali-t nde, wid inndi nde worali-o.

OROMA 11:25

Nowe nowosi wa-e. Kit-nen-e: ”Nir-e ninndi nggat ponok tak-net yili-o” luk peragup naru-nen kit kenaru tobok-nen kura wene misik yak kendeyeg-o. Isarael nap ereb-e inndi amawi irit worakmu, enlem nin nap abu ndegera Mbal Pem Nagawan eram wok yogola-net inndi ndeyak ma-o.

OROMA 12:16

Kit kinndi misiget lambuksa wolmer-o. Kit kondomok kek yurak pug-o. Are, teberak yik kagwi mende iri na nggal-et tebe yurag-o. ”An-e nindi tenggerak-nen yusu-o” luk purak pug-o.

OROMA 13:8

Ap inmin namat wolmomtak pug-o. Are, nabuwa kabuwa bem iri perak nde ob-o. Nabuwa kabuwa yusu nab-e imiri mbarak pidnak wene-nen yidnak yidnak irit kwarusu-o.

OROMA 16:19

Kir-e Mbal Pem Nagawan-nen yidnak wene-nen yidnak yidnak nak kwatli wene-ge ap oboksa-nen kuliga-o. Kit-nen iri kwatli iri bem an-e nalen kasu-o. Konak kwarurak pem-e kinndi nggat nggat worak woragolat, nde, meya kwarurak pem-e kenaru buk wid nggal wolmomtak iri-ge nindingen-o.

OROMA 8:12

Iri bem-e nowe nowosi wa-e. Nit nenpem pidnak wene mbi worasu-o. Alat nde, nenpem pidnak wene iri-ge ki nap-nen kwarugwi mende kwaruwakluk nenpem pidnag-e lag-o.

1 KORINTUS 14:11

Alat nde, an-nen koloso buk wene bem yosola-ge, iri yusu nab-e an nimin-e ap sal nggal-et ma-o. Nde, an-e at imin na ap sal nggal-et yimin-o.

1 KORINTUS 14:16

Kat-nen nde nin wene nan wene bem nak Mbal Pem Nagawan erembel wanosola-ge, kat-nen wa yugun iri-ge we nab-e kabak me, kat-nen yugun wene iri-ge nggesa kuluruk-nen ”Amen-o” yuwa-o?

1 KORINTUS 2:13

Iri ala-ge, nit-nen mul indili wene-ge ap inndi tenggerak pem mul indili-ge lag-o. Alat nde, Konak Indi nak-nen mul ondoso wene bem-et Konak Indi-nen yoso wene-ge Konak Indi wanidnak nap irit mul indili-o.

1 KORINTUS 3:18

Ap-nen-e at ambik ombol pem ludtag-e meya-o. Kit kenggendumu-nen ap mbi-nen perasolar-e: ”Nggweyak ma nap inndi tenggerak iri na bem-nen an-e nindi tenggerak yusu-o” luk perasu nab-e, ndemeret indi tenggerak maklug-e, wid nggal irit yurag-o.

2 KORINTUS 10:12

Nir-e enambik entembel wanugwi nap inmin misiget luk nde it inmin ndak ndak yurag-e kwiye-o. It na it-nen enambik inmin ndak wat koragolat, it na it-net enambikpebe-net irit irit tak pogolat yili-o. It iri-ge wid inndi worak ijar-o!

2 KORINTUS 11:19

Kit perak nde kinndi nggat nggat worak me, ap wid inmin-e kinndingen min-et kinndi luruk puruk woragwi-o.

KOLOSE 3:11

Iri bem-e, enlem nin nab-o luk, Yawuri nab-o luk na lak, iniye ambasap wabidnag-o luk iniye ambasap wabigit lag-o luk na lak, ap enlem oboksa ennggendumu-nen misik kek tak, misik teberak na lak, ndegel unpugwi-o luk, weserak woragwi-o luk na lag-o. Are, oboksa iri-ge Kerisut-nen yusu-o. Kerisut it oboksa inmin misiget yidnak-nen yusu-o.

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.