OROMA 1:13 - Nanduk Ngget Tul Pidnak Wene

¹³ Nanggamirak wa-e. An-e pempa kit kendam lobok yurak perasu-t nde, yawo yu kuri-nen an-e pempa nari wari rak nubusu iri-ge kit kenaru yurag-e nindingen-o. Enlem nin nap ennggendumu-nen an neyabu ebe kwat yid iri nggal-et kit kennggendumu-nen na ebe kwat yidnak kayekluk-nen yigi-o.

OROMA 1:13 ပူးပေါင်းရင်းမြစ်များ

YOANES 12:24

An-e ndemeret yak kundusu-o. Mbato engen lerak misig-e nggweyak pem yagosoma, piri yigit lak-nen-e engen iri na nak woraso-o. Nde, piri luk-net ebe kwarat poso-o.

YOANES 15:16

Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

YOANES 4:36

Nde, mburu ndagoso nap-nen-e onggo wanosolar-e, unlug-et woralik nalik momtak amanggim ndok woroso-o. Iri bem-e, yagoso nap min ndagoso nap min-e enmbereg-et enalen worak wolma-o.

YIDNAK YIDNAK WENE 1:15

Misik tarem-e inndi angin tubu yidnak nab-e seratus dua pulu (120) nggal ndok worak worakmu-ge, Peterus na it ennggendumu men luk-nen yosolar-e:

YIDNAK YIDNAK WENE 14:27

Iri na me wok lug-e, lambuk tak inpidnak nap na ndok worak unpuruk, Mbal Pem Nagawan-nen it inmin kwaridnak mende pidsa-t kenggera yak ondogolat, Mbal Pem Nagawan-nen enlem nin nap inndi angin tubu yurak tu kuwarak pidnak wene na yak ondogolat yiga-o.

YIDNAK YIDNAK WENE 15:12

Yak ondosoloma-ge, ereba ndok wiridnak nap pidsa ene lak nak woragolar-e, Mbal Pem Nagawan-e Mbaranabas min Paulus min inmin woralat, enlem nin nap ennggendumu-nen kagwi buk mende min kwiye worak mende min kwaril niga na kenggera yak ondogola-ge, kolak woraiga-o.

YIDNAK YIDNAK WENE 19:21

Iri rak purug-e, Paulus indi-nen konosolar-e, Makeronia wok Akaya wok lug-e, Yerusalem wok yil mbirimin-o peragaij-o. Perasoluk, at-nen yosolar-e: ”Iri me wok lug-e, Oroma min-et mondok kamin-er-o” luk yij-o.

YIDNAK YIDNAK WENE 21:19

Nde, Paulus na-nen-e wa yak ondosoluk yarig-e, enlem nin nap ennggendumu eyabu wanosola, Mbal Pem Nagawan-nen kwaridnak wene na kwara ndindera yak indij-o.

YIDNAK YIDNAK WENE 28:14

Iri me-nen-e nennggamirak tak inpidnak nap inmin lambuk lug-e, it-nen-e: ”Yu me ninmin wolmog-o” luk yak nondogoloma-ge, inmin iri me tuju nene luk, Oroma wi mbirige-o.

OROMA 1:12

Iri yigi iri-ge, nir-e Kerisut ebem ninndi angin tubu yidnak nap me, nit na nit-net ninndi eyak wat kerak mbogolat wolmomtak nde yigi-o.

OROMA 11:25

Nowe nowosi wa-e. Kit-nen-e: ”Nir-e ninndi nggat ponok tak-net yili-o” luk peragup naru-nen kit kenaru tobok-nen kura wene misik yak kendeyeg-o. Isarael nap ereb-e inndi amawi irit worakmu, enlem nin nap abu ndegera Mbal Pem Nagawan eram wok yogola-net inndi ndeyak ma-o.

OROMA 7:1

Nowe nowosi wa-e. Imiri mbarak pidnak wene kenaru nap kinmin yusu-o. ”Ab-e unluk woragolat nak imiri mbarak pidnak wene urugwe nggwe woragwi-o” yidnak wene-ge kir-e kenaru bug-a?

1 KORINTUS 1:10

Nanggamirak wa-e. Nit Nenagawan Indo Yesus Kerisut unu bem nggomo kundusu-o. Kir-e kinndi misiget nak worabokluk kuri wat wat woragup naru, lambuksa woragolar-e, kinndi misiget nak woragolat, wene misiget nak yebet kagolat wolmer-o.

1 KORINTUS 10:1

Nanggamirak wa-e. Nenlawingga-nen kwaridnak iri-ge kir-e yebet yebet tak wolmomtag-e nindingen-o. Nggan nggan iri-nen it nggetlel unpuruk mborosola, ir-e ob-et yi koma na mbara ndil laiga-o.

1 KORINTUS 12:1

Nanggamirak wa-e. Konak Indi-nen we tembet ondoso wene iri-ge kir-e ndemeret kenaru yurag-e an nindingen-o.

1 KORINTUS 14:20

Nanggamirak wa-e. Kit-nen yebet kagwi-ge li marik-nen yebet kagwi nggal yebet kudtak pug-o. Meya kwarugwi bem-e li marik nggal kwat yer-o. Alat nde, kit-nen yebet kagwi bem-e kinndi amburu mbarak wolmer-o.

1 KORINTUS 14:26

Nanggamirak wa-e. Ngge yosolat-nen yigi kali? Kir-e ndok wutluk, kenariktag-et kwarogolar-e, misig-e ndawi yogolat, nin-e mul ondogolat, misig-e Mbal Pem Nagawan-nen kura bidnak wene nam tak pogolat, nin-e nin wene nan wene bem yogolat mer-o. Alat nde, iri kwarogolar-e, ap inndi mendak purak pem kwarogolat wolmer-o.

1 KORINTUS 9:2

It ap erep-nen-e an-e wirik ibidnak nab-o luk neberali bug-et nde, kit-nen-e wirik ibidnak nab-o luk neberali-o. An-e ndemeret wirik ibidnak nap-nen yusu-o luk yenggerak nuburak mende-ge kit Nagawan Indo ebem worali iri-net yusu-o.

2 KORINTUS 1:8

Nanggamirak wa-e. Nir-e o Asia woragola-nen anggun worak mende nenpem mbidnak na kenaru rak powog-o. Nit nenpem pidnak mende iri-ge mondok nggulok lombok angin worak me, nit-nen-e: ”War-et mul kagi” luk peragolat woraige-o.

2 KORINTUS 2:14

Alat nde, nir-e Kerisut ebem ombol nggwe yurak tulabiyem at-nen pempa wok nunpuruk mburusu bem-e Mbal Pem Nagawan wa yak tuwog-o. Emben konak mende wigaril mboroso nggal, Kerisut enaru yurak emben konak iri-ge nit nenpem nggwe-nen nin me nan me wigaril mburusu-o.

NGGALATIA 3:15

Nowe nowosi wa-e. Ki nap-nen kwarugwi mende bem mbi ndak wereyeg-o: Mberen nap-nen-e inndi misiget luk, ”Iri nggal kwarurag-o” luk, urul pidnak engga bem unnu mbara mondok wat tak pidnak me, nin nap-nen uruk pidnak wene na lak tak pogolat, nin wene nambek tak pogolat yurag-e meya-o.

NGGALATIA 6:18

Nowe nowosi wa-e. Nenagawan Indo Yesus Kerisut-nen idnak we wok ondoso elem-e kit pidsa kinndi imin wolmag-o. Amen.

PILIPI 1:22

Alat nde, an nebe yu nuruk woralar-e, an neyabu konak mbi wanosolat wolmomtak ala-ge, ngge nde kwarimin-o? Nuruk woramin, lak? Wat yimin, lak? luk naru bug-o.

PILIPI 4:17

Nde, an-nen-e silobulo we wok nururak iri nggok tak pusu-ge lag-o. Are, kit-nen silobulo wok niridnak pem-nen Mbal Pem Nagawan-nen terak menna wok kunduwakluk-nen yusu-o.

KOLOSE 1:10

Iri rak konposola-ge, Nagawan Indo erengen pem kir-e ndak ndak yogolat, yi mende ndi mende bem at alen tak ubugub-o. Nde, kit-nen yi kwatlik ndi kwatlik kwarogolar-e, engen-e konak nak pogolat woragub-o. Nde, Mbal Pem Nagawan kenaru yogolat na, kwarat kenaru yuwa-o.

KOLOSE 1:6

Nde, kit kendam wok yid aid wene iri-ge iri nggal-et nggweyak ma yu me yi wi ndi wi wigak yosolar-e, ebe kwat yusu-o. Mbal Pem Nagawan-nen we wok ondoso elem obok na kulurug-e, ndemeret kenaru yigep kuri-nen yawo tarem-e kit kennggendumu-nen na irit aid wene wigak yusu-o.

1 TESALONIKA 2:18

Nir-e kit kendam nunuwok lem lobok yurak perarug-e, Paulus an-e mberen kenan nggal pem kendam lobok yurak wal kagi-t nde, Sere-nen larok tak nonposolat woragaij-o.

1 TESALONIKA 4:13

Nennggamirak wa-e. At ebem inndi mbung mbung tak woragwi buk nap-nen inndi puru pera yili nggal, kit-nen na iri nggal kinndi puru pera yugup naru, wat yidnak nap iri nggal kwat unpuwa-o luk kenaru wolmomtak iri-ge nir-e nindingen-o.

2 TESALONIKA 2:7

Nde, meya nak kwarugwi mende iri-ge yawo na eyabu teberebe wanusu-t nde, at puk tak oboso na wabosola-ge,

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.