NGGOMO WENE 8:9 - Nanduk Ngget Tul Pidnak Wene

⁹ Ap inndi tenggerak nap enmanggim-e an-nen yusu wene-ge ndemeret mot mot kali-o. Nde, enaru nap enmanggim-e an-nen yusu wene-ge ndemeret lud tag-et yik kali-o.

NGGOMO WENE 8:9 ပူးပေါင်းရင်းမြစ်များ

NGGOMO WENE 15:14

Inndi worak nap-nen-e enaru yugwi mende nak kore yugwi-o. Alat nde, ap wid-nen-e at-nen wid woraso iri na min nak yid mbal tenak woraso-o.

NGGOMO WENE 15:24

Inndi worak nap-nen-e lak tak unpurak sa mbugwi tu iri na nggwe keya buruk, tula unluk wolmomtak sa lagwi tu eid na nggwe-t lali-o.

NGGOMO WENE 3:13

Indi nggat nggat worak kwat yosolat, kwara yebet kaso yosolat yusu nab-e alen kujwag-o.

YESAYA 35:8

Iri me-ge tula nggok na wolmar-o. Nde, tula iri unu-ge ”Inmiri Yurak Sa Mburugwi Tula-o”. Meya yugwi nab-e tula iri nggwe-ge mburuwa bug-o. Ap indi lak-nen na tula iri nggwe mburugwi nab-e kabak tak unpuwa bug-o.

MIKA 2:7

Kat kindi-nen-e Isarael nab-e Nagawan Indo-nen imbiri lamut tak enpamu-o luk yebet kasu-a? Nagawan Indo-nen-e iri nggal-e kwaruwa bug-o. At-nen mamak puruk woraso-ge iri-ge pok tak poso-a? At iri-ge ap ndemeret mot mot kwarugwi nap inmin-e wene-ge konak nak ndamoso iri na-ge lag-a?” luk yiga-o.

YOANES 6:45

Mbal Pem Nagawan ene lomboksa yugwi nap-nen engga bem mbarogolar-e: ’Ap pidsa-ge Mbal Pem Nagawan-nen mul unduwa-o’ luk mbaridnak me, an Neid-nen yidnak wene kuluruk, at-nen mirik ibidnak wene wanusu nab-e an neram lobok yusu-o.

YOANES 7:17

Nde, ta-nen nde Mbal Pem Nagawan indi-n pidnak kwareyeg-o luk peraidnak nap-nen-e an-nen mul ondoso wene yu-ge Mbal Pem Nagawan eram-nen lobok yidnak wene nde mul undusu, lak? Are, at indi-n pidnak wene nde mul undusu-a? luk aru yuwa-o.

YAKOBUS 1:5

Ap mbi kit kennggendumu indi tenggerak elem wanigit lak worala-ge, indi nggat nggat elem na wok tuwakluk Mbal Pem Nagawan ebem nggi yurag-o. Nggi yosola-ge, Mbal Pem Nagawan-nen enabuwa karuk, indi konag-et ap pidsa we wok ondoso me, wok tuwa-o.