NGGOMO WENE 8:27 - Nanduk Ngget Tul Pidnak Wene

²⁷ Mbal wigaksa yemarak posola-ge, an nimbiri bem-er-o. Yi koma ombol pem teram nggwe nenasa posola-ge, an-e worakmur-o.

NGGOMO WENE 8:27 ပူးပေါင်းရင်းမြစ်များ

NDAWI ENGGA 103:19

Nagawan Indo-nen-e aid arem iri me tena unpuruk woralat, ar-e yi mende ndi mende oboksa tena woraso nagawan-nen yusu-o.

NDAWI ENGGA 136:5

At indi nggat nggat pem-net mbal ndak woramu-o. At-nen-e pem kundugu irit enabuwa yoso-nen yusu-o.

NDAWI ENGGA 33:6

Nagawan Indo-nen-e ene nak-nen ”Kwat min-o” yidnak pem mbal ndak wosa labuk yosolat, molengen min waneya min wonaru min at ene nak-nen ndak wosa keya bamu-o.

NGGOMO WENE 3:19

Nagawan Indo-nen-e indi nggat nggat pem-et o yu-ge ndak worak pamu-o. Indi-net kwara yebet karuk, mbal-e worasu sa yu-t yemara nenasa bij-o.

NGGOMO WENE 8:26

Awo Nagawan Indo-nen o yu min lid karu min ndak worak pigit lak ma, iri-nen ereba ndak wururak nggweyak telak marig-et mbi tet woragit lak ma-net ndesa mbukmu-o.

NGGOMO WENE 8:28

Nagawan Indo-nen nggan nggan teram eid me posolat, yi koma urusu pilana womakluk kuwarak posolat,

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

YESAYA 40:22

Nde, ndak worak pid nab-e nggweyak kumbungen ombol nggwe teram eid me-ge at koreyak woraso sa koreyak worasu-o. Nde, nggweyakma woragwi nab-e sil nggal mbel eneyasu-o. At-nen-e mbal iri-ge sum abak nggal wigara yemarak posolar-e, o lije sum wi wiridnak nggal nenasa bamu-o.

KOLOSE 1:16

At ebem-nen Mbal Pem Nagawan-nen ndak worak posolar-e, mbal pem mende oboksa min nggweyak ma mende oboksa min kagwi mende min kagwi buk mende min nggweyak ma tenagaidnak wi nde pemerinta nde nagawan nagawan nde amawi worak ese mendak inpidnak nde oboksa ndak worak pij-o. Mbal Pem Nagawan-nen yi mende ndi mende oboksa ndak worak posolar-e, Kerisut ebem-nen at amanggim ndak worak pij-o.

IBERANI 1:2

Alat nde, worok tak posolat tarem yawo-nen-e at Ambara ebem nggwe-nen wene yak kundusu-o. At Ambara ebem-net Mbal Pem Nagawan-nen yi mende ndi mende oboksa ndak wirij-o. At Ambara iri-net yi mende ndi mende oboksa winde yuwag-o luk Mbal Pem Nagawan-nen len ibij-o.