NGGOMO WENE 8:21 - Nanduk Ngget Tul Pidnak Wene

²¹ An-nen-e an nabuwa kali nab-e yi mende ndi mende ombo rak onposo-o. It enma-ge silobulo-nen kobong tak poso-o.

NGGOMO WENE 8:21 ပူးပေါင်းရင်းမြစ်များ

NDAK WIRIDNAK WENE 15:14

Alat nde, kat-nen wigarak ereba na mumnggup manggi rak unpuruk, anggun panggun tak unpuwa nap ap enlem iri-ge an-nen-e enpem angin worak pimin-o. Nde, kat-nen wigarak-nen o iri na keya buruk mborogolar-e, silobulo kwarat waruk mburuwa-o.

NDAWI ENGGA 16:11

Kat-nen unluk woragwi sa tula mirik nubugun-o. Kat nak-nen enalen elem kobong tak nobosolat, pem-et enalen pem woragwi elem wok nurusu-o.

NGGOMO WENE 1:13

Nit-nen-e it insilobulo konak onggo nggok ereba-ge nit nenma silobulo-nen kobong makluk wanul-o.

NGGOMO WENE 15:6

Konak nap ama-ge isilobulo kwarat woraso-o. Alat nde, meya yoso nap iri na arengge mende-ge angin worak mende ebem mbosolat, lak yoso-o.

NGGOMO WENE 24:4

Nde, enaru yugwi mende worala-ge, o kuri worak ereba na-ge silobulo mondok mondok konak onggo kek tak ereba na yat ma-o.

NGGOMO WENE 6:31

Nde, ap iri nde yariya wanosoma, tenaguwarig-e, at-nen onggo posolar-e, tugurug-et pilik, tugurug-et pilik kwarosolar-e, tuju bem-e purag-o. Iri nggal posolar-e, at arengge mende-ge mondok ondoro ma-o.

NGGOMO WENE 8:18

An neram-e yi mende ndi mende min kek tak woragwi mende min mondok ndak woragwi mende min-e mondok lid lud tak worasu-o.

NGGOMO WENE 8:20

An-e lud tak kwarugwi nggwe-t mboroso-o. An-e mot mor-et kwarugwi nggwe-t mboroso o.

MATIUS 25:46

Iri ala-ge, it iri na-ge pempa andi bandi kagolat woragwi sa inpil ngguwa-o. Nde, lud tak nak kwarugwi nap na-ge pempa unlug-et woragwi sa iri me ngguwa-o” luk yij-o.

OROMA 8:17

Nde, nir-e at ilirak nde ala-ge, Mbal Pem Nagawan-nen at ilirak tembesa wok undurak lid lud tak pidnak mende iri-ge nit na winde mul-o. Nde, Mbal Pem Nagawan-nen Kerisut wok turak lid lud tak pidnak mende na nit na at totno winde mul-o. Nde, Kerisut yane worosola, at totno yane wurul nde ala-ge, at unu kek tak posolar-e, nit na irit totno nunnu kek tak puwa-o.

IBERANI 10:34

Kir-e o kubu me inpil nggwidnak nap na inmin lambuksa andi kaidnak nggal kagolat woraigeb-o. Nde, kinsilobulo na mengga wanogola-t nde, kit kenalen min-et woraigeb iri-ge, an narengge namanggim pidnak terak minik konak pem-et wolmomtak mende-ge worasur-o peragoluk-nen kwarigeb-o.

1 PETERUS 1:4

Iri bem-e, Mbal Pem Nagawan-nen at elem nap enmanggim pidnak silobulo winde yul-o luk, ninndi mbung mbung tak worali-o. Silobulo iri-ge meya yoso buk, emben na yoso buk, terabet na yoso buk irit aid arem iri me kit kenmanggim ndok worak worasu-o.

NAM PARA WENE 21:7

Amawi luk, ombol nggwe yuwa nab-e yeba oboksa winde ma-o. Nde, an-e it Enmbal Pem Nagawan kwat yosolat, ir-e an nilirak kwat ma-o.

1 SEMUEL 2:8

Andi bandi arem-nen insilobulo lak nap mendak onposolat, anggun panggun arem-nen ap unnu lak nab-e wisirik onposo-o. It iri-ge ap enlem kek tak iri na annggamtak onposolat, kek tak unpugwi kwarak onposo-o. O nggweyak yu paro-ge Nagawan Indo arengge-net yusu-o. Nde, paro iri na bem-e o yu ndak worak pij-o.