Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NGGOMO WENE 8:15 - Nanduk Ngget Tul Pidnak Wene

15 Nagawan nagawan-e an-net yongga ondosola, o tena worali-o. Enmawi worak nab-e an-net yongga ondosola, mot mot kwarogolat worali-o.

အခန်းကိုကြည့်ပါ။ ကော်ပီ




NGGOMO WENE 8:15
27 ပူးပေါင်းရင်းမြစ်များ  

Nap kat Kembal Pem Nagawan, Nagawan Indo-ge erembel wanogolat wolmag-o! Kar-e at-nen alen kebem puruk Isarael nap nagawan mendak kibij-o. Nde, at-nen-e Isarael nap kenabuwa-ge pem kundugu irit kasolat me, kat-nen at-nen idnak imiri mbarak pidnak wene min mot mot nak kwaroso min waruk kek tak ponokluk, kar-e Isarael nap ennggendumu nagawan mendak kebamu-o” yij-o.


Isarael nap-nen kuliganggal-e, Salomo-nen wene iri kwara konidnak kulurug-e, Mbal Pem Nagawan-nen nam-et nak mot mot kwarurak indi nggat nggat elem wok tidnak ala karuk, it pidsa-nen-e wir-o luk at nak kek tak ibiga-o.


Iri bem-e, Nagawan Indo wa-e. An-nen kat kilirak yu mot mor-et tena unpuruk woralat, konak min meya min weyarosolat worayek-nen kindi nggat nggat elem wok niri-o. Kindi nggat nggat elem nde wok nirigit lak-nen-e nggesa-nen kat kilirak kwarat yu nggal-e tena unpuruk woramin-o?” luk yij-o.


Nde, Iram iri na-ge wene iri na kolosolug-e, alen kwarat yij-o. Iri luk, at-nen yosolar-e: ”Nagawan Indo-nen Ndaut wok tosolar-e, ambara mondok indi nggat nggat worak ap enlem nggok iri enanggul pem nagawan men yurak wok tidnak me, yawo Nagawan Indo nak erembel wanurag-o!” luk yij-o.


Iri bem-e, nagawan nagawan wa-e. Kit-nen kwarogolar-e, kwara yebet karuk-net kwarogolat wolmer-o. O tena woragwi kenmawi worak nap wa-e. Kwara yebet ker-o.


Ap yok nggok min ap enlem kek tak min ereba-ge an-net yongga ondosola, o tena woragolat, mot mot kwarogolat yili-o.


An-nen kit wok kondosolar-e, nanduk nggal-et ap enpem wene mbenarugwi nap min nggomo kundugwi nap min irit wok kindimin-o. Iri yumu, ap-nen Yerusalem unu yogolar-e: ’Tugup lak, mot mot woragwi siri-o’ luk yuwa-o” luk yij-o.


Nanduk-nen kwaridnak min abok-nen kwat ma min iri-ge Nagawan Indo inggem nag-o. At nak-nen nagawan-e mendak onposolat, lak tak onposolat kwaroso-nen yusu-o. At nak-nen inndi nggat nggat elem wok ondosolat, yebet kagwi mende wok ondosolat yoso-nen yusu-o.


Nap kar-e ap ennggendumu-nen langgara wirik kubuwama, wam min lambuksa tusundumu ereba olengen tuju irit woragun-o. Nde, olengen tuju iri woralar-e, sapi nggal tusuangge tarosolat, we mbepme ereba-t nene yosolat woragun-o. Worala-ge, lilangen-nen piri rak kubuwa-o. Woraruk ombol nggwe-nen perak nap kat-nen perasolar-e: ’Mbal Pem Nagawan Mondok Kek tak iri na-ge nggweyakma yu-nen tenagidnak wi iri-ge Mbal Pem Nagawan inggem-et woralat, ta-nen nde at-nen lenak pidnak nab-e nggweyakma yu me-nen tenagidnak wi-ge inggem purak iri na ndak-net yusu-o’ luk peragun-o.


Kar-e ap ennggendumu-nen sera wirik kubuwama, wam min lambuksa tusundumu woralar-e, sapi nggal tusuangge tarosolar-e, olengen tuju irit woragun-o. Irit worasoma, kat-nen parosolar-e: ’Mbal Pem Nagawan Mondok Kek tak iri-ge nggweyakma nap-nen tenagidnak wi-ge at inggem-et woralat, nggweyakma nap-nen tenagidnak wi iri na at-nen-e at indi-nen peraruk lenak pidnak nap wok turak iri-ge ndak nag-o’ luk para yugun-o” luk yij-o.


Nde, Yesus na it endam panggo yosolat-nen it yak ondosolar-e: ”Aid arem amawi min nggweyak ma amawi min oboksa-ge an ninggem pidnak-nen yusu-o.


Ap oboksa-nen pemerinta-nen yidnak yidnak nak kwarurag-o. Nde, pemerinta pidsa enmawi-ge Mbal Pem Nagawan nak-nen wok indidnag-o. Nde, yawo worali pemerinta yu-nen Mbal Pem Nagawan-nen yidnak pem-et kwatli-o.


Iri luk, an yik kaginggal-e, aid arem tu kuwak yosolar-e, kuda wam loro misik kagi-o. Nde, kuda wam iri ombolwak pem koreyak iri unu-ge Yidnak Yidnag-et Kwaroso, Lud tak Nak Kwaroso irir-o. At iri-nen ap enpem wene mbarosolat na, wim posolat na, mot mor-et kwaroso irir-o.


Nde, at usum pem min at awak pem min-e at unu-ge ”Nggweyak ma nagawan oboksa onmbol pem Nagawan-o. Ap nggok oboksa onmbol pem Nagawan Indo-nen yusu-o” luk mbarag-o.


Nde, siyak woraruk misik tarem-e Nagawan Indo-nen Semuel yak tosolar-e: ”Kar-e Saul yebet karuk, kindi andi kerenak worasu-a? Nde, Saul iri-ge Isarael nap ennggendumu nagawan woraso iri na-ge lak tak pigi nar-o. Kar-e saitun engen amburu kenanggo waruk Mbetleyem ap misik unu-ge Isai iri eram-et mbiri-o. At iri ambararak ennggendumu misig-e nagawan wolmakluk an-nen lenak pukmu-o” luk yak tij-o


Yak tarik worasoma, Semuel-nen Saul na kasoma ereya na-net Nagawan Indo-nen Semuel yak tosolar-e: ”Ap an-nen obok kat yak kirigi iri na-ge irir-o. At iri-nen an nilirag-e tena unpuruk wolma-o” yak tij-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ