NGGOMO WENE 6:16 - Nanduk Ngget Tul Pidnak Wene

^16-19 Wene tuju ya perak Nagawan Indo-nen mondok isili me, keya buwa bug-e yar-o: Inndi-nen kek yugwi enpage min ennesiget yugwi enemnde min meya kwarugwi buk nap undugwi ininggi min meya kwarurak yumnugwi inndi min meya kwarurak sa ndag-et mburugwi unuwok min ennesiger-et nde, kaidnak nggal ap enpem ennesiget wene pugwi nap min anggamirak ennggendumu sirid worak tak onposo nap min iri mende kwarugwi iri-ge Nagawan Indo-ge mondok isili-nen yusu-o.

NGGOMO WENE 6:16 ပူးပေါင်းရင်းမြစ်များ

AYUP 5:19

Lak tak onposo mende-nen kebem mbosola-ge, pempa kimiri yosolat wolma-o.

NGGOMO WENE 20:10

Angin ndak wurugwi mende min irit wurugwi mende min ereya na bem-nen lugudsa ap enmberam lali nab-e Nagawan Indo-nen-e isili rak onposo-o.

NGGOMO WENE 20:23

Angin ndak wurugwi min angin ndak wurugwi kerep min ereba na bem-nen enmberam lagwi nab-e Nagawan Indo-nen-e isili eneyaso-o.

NGGOMO WENE 3:32

Nde, iri-ge Nagawan Indo-nen-e meya yugwi nab-e isili rak onposolat, nde, inndi mot mot woragwi nab-e mondok inmin panggarak woraso-nen yusu-o.

NGGOMO WENE 30:18

Nde, wene empat ya perak an-nen yebet kudtag-e mondok angin worag-e:

NGGOMO WENE 30:21

Yi wi ndi wi oboksa-nen kwat yoso bug-e wene empat ya worasu-o:

NGGOMO WENE 30:24

Nggweyakma yu me-ge lok lok noso mende urugup worak marik-net nde, mondok indi tenggerag-e empat ya worasu-o:

NGGOMO WENE 30:29

At-nen mboroso iri karuk, nit-nen wi yurag-e empat ya-t worasu-o:

NGGOMO WENE 6:15

It-nen ereba kwaruwa ereba na-nen ndowaga, lak tak onposo mende-ge mimo it enpem mbosolar-e, mondok yigisa lak tak unpuwa-o.

NGGOMO WENE 8:13

Nagawan Indo kek tak pogolar-e, meya kwarugwi elem iri na kinsili rak pogolar-o. Inndi-nen kek yugwi min enanggup kek yugwi min iri-ge mondok nisili rak pusu-o. An-e enpage meya kwarugwi min ap enmberam lagwi enne amburu min iri-ge mondok nisili-o.

YEREMIA 26:15

Alat nde, kwara yebet ker-o. An-e Nagawan Indo-nen wene iri kit kinndi yeberak kunpuwakluk nibil lobok yidnak me, kit-nen nde an nurugup nde ala-ge, meya kwarigit lak ma abare bem nurugup iri-ge meya-ge kit min o siri yu me woragwi nap min kenpem wolma-o” luk yigi-o.

AMOS 1:11

Nagawan Indo-nen yosolar-e: ”Erom woragwi nab-e pempa meya nak kwat tenak worali-o. Iri bem-e it iri-ge an-nen mondok angin worak enpem pimin-o. It iri-nen-e enabuwa mbi kagit lag-et Isarael nap it enteb-et nde, inmin wim mbarogolat, insilepma enpem pogolat, insilepma-ge lak tak pigit lak, parugu irit woraiga-o.

AMOS 1:3

Nagawan Indo-nen yosolar-e: ”Ndamsik woragwi nab-e pempa-nen meya nak kwat tenak woragola karuk, an-nen-e mondok angin worak enpem pimin-o. It-nen Nggileat nap kwat onpogolar-e, kwiye worag-et lel mberel inpiga-o.

AMOS 1:6

Nagawan Indo-nen yosolar-e: ”Nggasa woragwi nab-e pempa meya nak kwat tenak worali-o. Iri bem-e ndemeret it iri-ge mondok angin worak enpem pimin-o. Nde, it-nen-e ap enlem misik mondok oboksa ap mumnggup manggim wolmakluk Erom nap enpem onnggo waniga-o.

AMOS 1:9

Nagawan Indo-nen yosolar-e: ”Tirus woragwi nab-e pempa meya nak kwat tenak worali-o. Iri bem-e mondok an-nen ndemeret angin worak enpem pimin-o. It-nen-e ap enlem misik oboksa mbo unpugwi sa mbo onpogolar-e, kegera Erom nap ininggem piga-o. Iri kwarogolar-e, kundik wolmomtag-o luk urul piga wene iri na-ge kwid tiga-o.

AMOS 2:1

Nagawan Indo-nen yosolar-e: ”Moap woragwi nab-e pempa meya nak kwat tenak worali-o. Iri bem-e, ndemeret an-nen angin worak enpem pimin-o. It-nen-e kwiye lag-et Erom nagawan iri na yapma bidnak owak iri na pugwara kan puruk, mabe rak piga-o.

AMOS 2:4

Nagawan Indo-nen yosolar-e: ”Yewura nab-e pempa meya nak kwat tenak worali-o. Iri bem-e an-nen mondok angin worak enpem mberak pimin-o. It iri-ge an-nen mul indidnak wene-ge no mende nggal tak puruk, an-nen ’Iri nggal kwarurag-o’ luk enpem pidnak wene-ge kwid togolar-e, nin mbal pem nagawan onmborak-nen erembel wanugwi ereba na-nen enmberam lasola, inndi kabak tak pij-o.

AMOS 2:6

Nagawan Indo-nen yosolar-e: ”Isarael nab-e pempa meya nak kwat tenak worali-o. Iri bem-e an-nen-e ndemeret angin worak enpem mberak pimin-o. Nde, it-nen-e ap mot mot yugwi nap-nen ap enpem luru wanidnak ereba na nde tuguruk uwi yagurak meya ala-ge, it enpe nde ap ndegel unpuwakluk onnggo yatli-o. Iri nggal-et ap insilobulo lak nap-nen na uwang luru wanidnak uwi yagurak meya ala, unuwok sum misik ondok min onggo mondok marik pugwi ndak ndak wanidnak pem-et nde, it enpe ap ndegel unpuwakluk onnggo wanili-o.

TUGURUK YIDNAK WENE 24:4

kwe iri na-ge un nandug-et keya ubuwa iri na-nen-e tuguruk mondok wanurak pug-o. At-nen kwe iri yik kasolar-e, emben to rak pidnak kwe irit yik kudtag-o. Alat nde, at-nen tuguruk kwe iri na wanuwa nggal-e, Nagawan Indo Kenmbal Pem Nagawan mbilaro ngin tak ubugup naru, mondok wanurak pug-o. Nagawan Indo-nen wok kunduwa wi iri na woragolar-e, meya iri mende-ge mondok kwarurak pug-o.

NAM PARA WENE 21:27

Alat nde, mbilaro ngin mende-ge iri me mondok ngguwa bug-o. Nde, kwarugwi buk mende kwarugwi min enesiget yugwi min na iri me mondok ngguwa bug-o. Are, Lomba Wam Marik-nen idnak unluk nak wolmomtak engga iri bem unnu mbarak nap nak-nen perak nde o siri iri me nggurak worasu-o.