NGGOMO WENE 31:31 - Nanduk Ngget Tul Pidnak Wene

³¹ At-nen konak nak kwaroso ereba na bem kek tak obogolar-e, at iri-ge ap oboksa-nen erembel wanurak kwe-net yusu-o.

NGGOMO WENE 31:31 ပူးပေါင်းရင်းမြစ်များ

NGGOMO WENE 31:16

Ar-e nggweyak siyak mbenatlug-e, onggo buruk, at inggi-nen yabu wanidnak iri na bem tol wanurug-e, anggut uwi yagurak yabu onggo boso-o.

NGGOMO WENE 31:30

Inndi wanugwi enpage iri-ge ap onmbol pem laso-nen yusu-o. Nde, entare konak iri na lag-et ma-t nde, Nagawan Indo indi aye worak kwe iri perak erembel wanurag-e ndak-net yusu-o.

MATIUS 7:16

It iri na-nen engen pidnak pem-net yenggerak unpugub-o. Isile worak e pirim-nen engen-e tona nde poso bug-o. Nde, kere isile worak momnid-nen engen-e tomate nde poso bug-o.

MATIUS 7:20

Iri bem-e engen puwa iri bem-nen yenggerak eneyagub-o.”

YIDNAK YIDNAK WENE 9:39

Ndimirik inpikma, Peterus na men luk, it inmin-et mberarig-e, iri me wok yosola-ge, imin luk o kuri worak silabaga ma laiga-o. Kweyap nanu pidsa at eralu men yigarik, yip lilan wanogolat-nen kwe Ndorokas na-ge it inmin woralat-nen embem sum min yurugwi sum min yagaidnak iri-ge mirik piga-o.

OROMA 16:12

Enmawi min Nagawan Indo ndegel ubugwi kwami Teripena min Teriposa min inmin-e ”Wa yak kindij-o” luk yak undurag-o. An nindi kundik kwe Peresis-nen-e Nagawan Indo eyabu kwarat wanoso kwe iri na imin-e ”Wa yak kirij-o” luk yak turag-o.

OROMA 16:6

Kit kenmanggim yabu kwarat wanid kwe Maria na imin-e ”Wa yak kirij-o” luk yak turag-o.

PILIPI 4:17

Nde, an-nen-e silobulo we wok nururak iri nggok tak pusu-ge lag-o. Are, kit-nen silobulo wok niridnak pem-nen Mbal Pem Nagawan-nen terak menna wok kunduwakluk-nen yusu-o.

1 TIMOTIUS 5:25

Iri nggal-et konak kwaridnak na nam-et kagwi-o. Nde, konak kwaridnak ereb-e nam yurak puk na, mondok kura nak wolmomtag-e meya-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

NAM PARA WENE 14:13

Iri luk, an kuliginggal-e, aid arem-nen ene misik-nen yosolar-e: ”Wene yu engga bem mbari-o. Yawo kuri-net Nagawan Indo eyabu wanukmu wat yuwa nab-e enalen kujwag-o!” luk yij-o. Nde, Konak Indi-nen yosolar-e: ”Ndemerer-o. It-nen yabu wanidnak ebe-ge pempa it inmin wolma me, it eneyabu anggun panggun wanugwi na keya buruk, enpabok kwaruwa-o” luk yij-o.