NGGOMO WENE 30:5 - Nanduk Ngget Tul Pidnak Wene

⁵ Mbal Pem Nagawan-e ’Irit kwat kinpimin-o’ luk urul pidnak iri-ge oboksa ndak ndag-et kwaroso-o. Kwiye-nen at eram mbitli nap oboksa undumno nggal kwat yusu-o.

NGGOMO WENE 30:5 ပူးပေါင်းရင်းမြစ်များ

NDAK WIRIDNAK WENE 15:1

Iri na kwatluk ombok nggwe-ge nabi pem nggal Nagawan Indo-nen Abaram yak tosolar-e: ”Abaram wa-e. Kar-e kwiye kasu-ge meyog-o. Kat lak tak kubuwa naru kurak kobosolat, onggo mondok nggok wok korosolat yimin-o” yak tij-et nde,

2 SEMUEL 22:31

Mbal Pem Nagawan-nen kwaroso iri-ge iminep mbarak-nen yusu-o. Nagawan Indo-nen kwarimin-o luk urul pidnag-e ndemerer-o luk yebet kagwi-o. At iri-ge at arem kura worali nap oboksa undumno nggal-nen yusu-o.

NDAWI ENGGA 119:140

Kat-nen urul pidnak wene ereba na-ge ndemeret tugup lak, ndemerer-o luk inndi ebem wat tak pugwi-nen yusu-o. An nindi-ge kat-nen urul pidnak wene iri na ebem kundik worasu-o.

NDAWI ENGGA 19:8

Nagawan Indo indi-n pidnak wene iri-ge ndemeret ap inndi alen tak poso-nen yusu-o. Nagawan Indo-nen ”Irit kwarurag-o” luk pidnak wene iri-ge inndi ngarak posola, nam-et yenggerak poso-nen yusu-o.

NDAWI ENGGA 84:11

Nagawan Indo Mbal Pem Nagawan-e nit nggetlel nunpuruk woraso nagawan kek tak-nen yusu-o. At-nen-e nenabuwa kasolat, kek tak nonposolat yoso-nen yusu-o. Lugud tak kwarugwi buk nap wok ondosolar-e, at-nen-e konak mende ala-ge oboksa wok ondoso-o.

NDAWI ENGGA 91:2

yu nggal Nagawan Indo yak togolar-e: ”Kar-e an nambigit yosolat, kura nuburuk woraso-nen yusu-o. Nembal Pem Nagawan kebem nak nindi-ge wat tak puruk worasu-o” luk yurak iri-ge ndak-net yusu-o.

OROMA 7:12

Nde, imiri mbarak pidnak wene-ge marak-nen yusu-o. ”Iri nggal kwaru-o” yidnak wene-ge marak, mot mot, konak-nen yusu-o.

YAKOBUS 3:17

Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.