NGGOMO WENE 30:4 - Nanduk Ngget Tul Pidnak Wene

⁴ Nggweyakma nab-e ta nggal-nen aid arem-e laruk mbuwaruk kwaroso-o? O wija-ge ar-e inggi mok pem tenaga wanoso, lak? Usum pem-nen yi-ge nggetla wanoso, lak? Are, o yu-ge ta-nen kuri wosa pil lobok yamu-o? Nde, iri kwaroso nab-e ta-o? Nde, ambara-ge ta-o? Ndemeret kar-e karu irir-o!

NGGOMO WENE 30:4 ပူးပေါင်းရင်းမြစ်များ

NDAK WIRIDNAK WENE 32:29

Nde, Yakup-nen yosolar-e: ”Kat kunu yi-o” yij-et nde, at-nen yosolar-e: ”Kar-e no manggim an nunu karu yurak yusu-o?” yak turug-e, Yakup na imbiringgat tak ibij-o.

NDAWI ENGGA 135:7

Iri kwarosolar-e, at-nen-e nggweyak erep yobok tak ma ereba-net nggan nggan pil lobok yosolat, talme mburak amanggim obinel ndak worak posolat, at-nen-e o wija na at ndok wosa ibidnak sa-nen mborosolat wolmin-o yak tosolat irit kwaroso-o.

NDAWI ENGGA 2:7

Nagawan-nen yosolar-e: ”Nagawan Indo-nen ’Irit kwaruwa-o’ luk yidnak wene-ge an-nen yimin-o. At-nen an yak norosolar-e: ’Kar-e an Nambara-o. Yawo-net kat keid kwat yusu-o.

NDAWI ENGGA 22:27

Ap enlem oboksa-nen Nagawan Indo yebet karug-e, nden karuk tuguruk at eram lobok yogolar-e, ap enne lombok oboksa-nen at eram yunggusa tud luk at nak erembel wanuwa-o.

NDAWI ENGGA 24:2

O yu mabin-e at-net yi koma urugwe nggwe posolat, yi koma yubuktak urugwe nggwe posolat kwaramu-o.

MBIRIGA WENE 15:10

Alat nde, Nagawan Indo-kat-nen kemnde age misik pem nak pu yigen pem yi koma-nen Mesira nap yemen inpij-o. Ir-e posid kerep angin worak yoboksa mboso nggal yi mondok yubuk tak kwiye worak ma lak yiga-o.

MBIRIGA WENE 6:3

An-e Abarakam min Isak mid Yakup min inmbiri bem an nondomok-net nam yaga mirik onposolar-e, Mbal Pem Nagawan Namawi worak irit mirik inpigi-t nde, an nunu Nagawan Indo perak nde nam para mirik inpigit lak yigi-o.

YESAYA 45:18

Nagawan Indo mbal ndak worak pid iri-ge Mbal Pem Nagawan-net yusu-o! At iri-net o yu-ge kwarak posolat, ndak worak pamu-o. Iri yamu, o yu-ge tugup lak irit mendak worasu-o. At-nen o ndak worosolar-e, we o nak ap tuporak wolmakluk ndak wirigit lag-o. Are, enpe wolmomtak ondoro worak irit ndak worak pamu-o. At-nen yosolar-e: ”An-e Nagawan Indo-nen yusu-o. An nggal erep mbi worali-ge mondok lag-o.

YESAYA 53:8

Ar-e tenaguruk, ebem wene mbenatlug-e, waruk mbirigarik, wiriga-o. Ap misiger-o luk tet at ambigit yigit lag-o. Ar-e nit nenlem nap-nen meya kwarugwi bem-et wat yij-o.

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

YEREMIA 23:6

Nde, at-nen o tena worala-ge, Yewura nab-e inmiri yosolat, nde, Isarael nab-e kona yamuksa wolma-o. Nagawan iri na imin yogolar-e: ’Nagawan Indo iri-ge nit Ninmiri Yoso Nap-nen yusu-o’ luk yuwa-o” luk yij-o.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

LUKAS 10:22

An Neid-nen-e yi mende ndi mende pidsa an ninggem pid irir-o. Neid arig-et nak-nen Ambara an aru yusu-o. Nde, Ambara an-nen na irit, Ambara an-nen ’Neid iri enaru mag-o’ eberamin nap-nen na irit, Neid iri enaru yili-o” luk yij-o.

YOANES 3:13

Nde, ap misiger-o luk tet aid arem lagwi bug-et nde, at aid arem-nen mbuwagaidnak nap Ap Ambara an narig-et nag-o” luk yij-o.

OROMA 10:6

Alat nde, inndi angin tubu yidnak pem lud tak nak inpidnak nap yak ondogolar-e: ”Kinndi-nen peragolar-e: ’Ta nde aid arem lujwa-o?’ luk purak pug-o. (Iri yogolar-e, Kerisut waruk mbumomtak yogolar-o.)

TUGURUK YIDNAK WENE 30:12

Wene yu-ge mbal pem worala-nen kit-nen yogolar-e: ’Wene iri kuluruk, kulul iri ndak ndak kwaruwok-nen wene iri wil-e ta lujwa-o?’ yurak na lag-o.

NAM PARA WENE 19:12

At erengen-e kan mare nggal, nde, at anggul pem-e nagawan-nen yurugwi topi kwarat pago. At ebem-e at unu mbarag-o. Nde, unu iri-ge at ariget nak-nen aru-o.

WENE MBENARUGWI NAP-NEN KWARIDNAK WENE 13:18

Yosoloma, Nagawan Indo-nen idnak aid nap iri na-nen kin wok obosolar-e: ”No manggim kar-e an nunu yak kururak yusu-o? An nunu-ge Kwiye Worak-nen yusu-o” luk yak tij-o.