NGGOMO WENE 30:14 - Nanduk Ngget Tul Pidnak Wene

¹⁴ Ap erep-nen-e we lesa wanurak pem insilepma bem-nen nunggwi mende kore yogolar-e, insilepma bem ap enarengge lak nap min enmawi lak nap min enarengge ondoro rak inpili-o.

NGGOMO WENE 30:14 ပူးပေါင်းရင်းမြစ်များ

AYUP 41:14

Ta-nen nggal eyak mondok kwiye worak ereba na kura buruk, amnak puruk woraso emnde iri-ge pungguruwa-o?

NDAWI ENGGA 124:6

Nit nunuwim nap-nen lak tak nunpuwakluk keya ninpigit lak me, nir-e Nagawan Indo nak wiwa-o luk yak tuwog-o.

NDAWI ENGGA 14:4

Iri yogola, Nagawan Indo-nen yosolar-e: ”Meya kwarugwi nap ereba na-ge an neram tepan yigit lak, an nilirak enarengge mengga wanili iri na bem nak-nen unluk worali nap ereba na-ge kondok yigit lag-et worali-a?” luk yij-o.

NGGOMO WENE 22:16

Ta-nen nde yi mende ndi mende ombo yeklug-e, insilobulo lak nab-e anggun panggun tak onposolat, enarengge worak nab-e arengge wok ondosolat ma-t nde, abok-nen-e mondok erengenma lak nde kwat ma-o.

NGGOMO WENE 30:15

Ket amarig-e mberen woraso-o. Nde, amarik mberen ereya unu-ge ”An wok niri!” Mondok nimbir-e yoso bug-e empat ya nak worasu-o:

YESAYA 32:7

Ap enmberam laso nab-e at-nen meya kwarurak iri na-ge indi-nen yebet karuk-nen meya kwaroso-o. At-nen insilobulo lak nap ereba na enare bosolat, it enarengge it-nen wanurak mende ereba na wanuwa naru, tu nggulurak pem-e mbawi worosolar-e, enesiget wene yoso-o.

YESKIEL 34:3

Nde, konlomba ereba agamo amburu-ge kir-et nonggolat, usu bem-e kit-nen yurugwi sum yakolat, lomba wam mondok nggog-e kit-nen wutluk nili-o. Alat nde, kit-nen-e lomba ereba-ge mondok ndigitli bug-o.

AMOS 2:7

It-nen-e ap enmawi lak, at-nen kwarurak enmawi lak ereba na lel mberel inpili-o. Insilobulo lak nab-e pelek pelek wirik onpogolat kwatli-o. Ineidtak-nen na irit, enmbararak-nen na irit, ndegel onposo kwe misik iri na imin nak nene yogolar-e, an nunu marak iri na-ge emben to rak pili-o.

AMOS 4:1

Mbasan woraso sapi wam nggal yok nggok enagil lobok yili kit Samaria kweyap konmok worak wa-e. Kit-nen-e it enmawi lak ereba na-ge lel mberel onpogolat, enarengge lak nap ereba na enarengge ondoro rak pogolat, kununtak inmin: ’Indi nden kaso yi nenmanggim lid lud tak per-o’ luk keresa yak ondogolat kwat tenak worali-o!

AMOS 8:4

O yu me woragwi insilobulo lak nap lel mberel onpogolat lak tak inpili nap wa-e. Kwara koler-o!

ABAKUK 3:14

Wim nap kere ereba-ge o wija amawi nggal-et nit ndibi ndi rak nenpeyekluk lobok yukmu, it-nen idnak san ombo onowe iri na-ge kat kamare-nen mbiringin tak pigen-o. Nde, mbik mbok ap enarengge lak nab-e lel mberel onpogolat, enalen kagolat, nda tili nggal-et ir-e enalen pem-et nda tili-o.

MATIUS 23:13

”Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kir-e ap enabuwok Mbal Pem Nagawan-nen tenagaidnak wi tumende nggela labuk yili-t nde, kit-nen nggugwi na lak, nde, nin nap-nen ngguwokluk yidnag-et nde, kit-nen tu nggela labuk yili-o. [

NAM PARA WENE 9:8

anggulsu-ge kwami enanggulsu nggal, nde, eyag-e singa ndakngge eyak nggal-o.