NGGOMO WENE 30:11 - Nanduk Ngget Tul Pidnak Wene

¹¹ Ap erep-nen-e ineidtak imbiri lamut tak onpogolat, iniyarag-e kek tak inpigit lak yili-o.

NGGOMO WENE 30:11 ပူးပေါင်းရင်းမြစ်များ

MBIRIGA WENE 21:17

Ta-nen nde eid min ija min imbiri lamut tak onposola-ge, mondok wururag-o.

NGGOMO WENE 20:20

Ta-nen nde eid ija imbiri lamut tak onposola-ge, mondok at uruk wolmomtag-e o mum pem tal nigi yoso nggal lak ma-o.

NGGOMO WENE 23:22

Keid nde woralep puk nggal-nen-e kar-e lak woraleb-et nde, keid ebem-nen kar-e worasu me, keid-nen yidnak yidnag-et kwari-o. Kiya nde indi worak yosoluk worala-ge, kek tak posolar-e abuwa-t yurag-o.

NGGOMO WENE 30:17

Ta-nen eid ija inndi worak ereba na pesel onposola-ge, erengen-e towe ijamu-nen kela keya bosolat, nde, ebe-ge towe ud-nen mbarosolat makluk, mbo uburak ndag-et mbo ubuwa-o.

MALEAKI 1:6

Nde, Nagawan Indo Mondok Amawi worak iri na-nen tepan ombo yak ondosolar-e: ”Li marik-nen na ineidtag-e kek tag-et unpugwi-o. Ndegel unpugwi nap-nen na it onmborag-e kek tag-et unpugwi-t nde, an-e kit kineij-et nde, noluk-nen kir-e kek tak nibili bug-o? An-e kit konmbo-t nde, noluk-nen kir-e an naye kagit lak yili-o? Nde, kit-nen-e kenlengenma nggal tak nobogolar-et nde, kit-nen yogolar-e: ’Nir-e ngge kwarogolat-nen nenlengenma nggal tak kibili-o?” luk kin wok nibili-o.

MATIUS 3:7

Nde, Yoanes-nen it yikeneyagaidnggal-e, Parisinap nde, Saruki nap nde kwarat at-nen yi ma unpuwakluk at eram lobok yogola, at-nen yak ondosolar-e: ”Kit waro-nen wigarak wa-e. Mbal Pem Nagawan isilepma abok kenpem mbosola, inggem-nen mengga mbururag-e ta-nen yak kindij-o?

1 TIMOTIUS 5:4

Alat nde, kwe togwe na-ge ilirak min it-nen ndaidnak oworak nde woragola-ge, it iri-nen-e nandug-er-e it lolo iri-ge mondok ndegel unpurak iri enaru mag-o. Ndegel onpogolar-e, ineid iniya min onoworak min-nen it ndegel inpidnak iri onggo ndegel unpurag-o. Nde, Mbal Pem Nagawan indingen peraso mende iri kwarugwi irir-o.

1 TIMOTIUS 5:8

Alat nde, at lolo min at ambik ama woragwi nap min ndegel onposo buk nab-e at indi angin tubu yidnak iri nak keya busu-o. Nde, inndi angin tubu yigit lak nab-et meya kwarugwi-t nde, at-nen meya kwarusu iri-ge terak minik-net yusu-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.