NGGOMO WENE 3:5 - Nanduk Ngget Tul Pidnak Wene

⁵ Ndemeret kindi misiget tak puruk, Nagawan Indo ebem nak wat tak wolmin-o. Kat-nen yebet kaso iri na bem kindi wat tak puruk wolmomtak pug-o.

NGGOMO WENE 3:5 ပူးပေါင်းရင်းမြစ်များ

NDAWI ENGGA 37:3

Kir-e kinndi-ge Nagawan Indo ebem wat tak puruk, konak nak kwarogolat wolmer-o. Kir-e o nggweyak iri na me woragolat, tugup lak irit wolmer-o.

NDAWI ENGGA 37:5

Kit kenpe-ge Nagawan Indo eram nak kegera keya buruk wolmer-o. At ebem kinndi mbung mbung tak woragola-ge, at-nen yongga kunduwa-o.

NDAWI ENGGA 37:7

Kir-e kinndi yamuk tak pem-et Nagawan Indo yik karok wolmer-o. Mamak puruk irit towarak worakmu, at-nen kwaruwag-o. It-nen kwarugwi bem ebe worak nak kwarogolat, enmberam lagolat kwarogola-ge, ”O” luk, kinndi kabak yurak pug-o.

NGGOMO WENE 22:19

Kar-e kindi-ge Nagawan Indo ebem-et wat tak woranokluk, an-e yawo-t mirik kibimin-o.

NGGOMO WENE 23:4

Yi mende ndi mende ombo yurak pem-e pabik paboksa yurak pug-o. Kindi-net pep purag-o.

NGGOMO WENE 3:7

Kat kambikpebe ”An-e nindi nggat nggat worag-o” luk yebet kudtak pug-o. Are, meya kwarugwi iri keya buruk, Nagawan Indo indi aye worak wolmin-o.

YEREMIA 9:23

Nagawan Indo-nen yosolar-e: ”Ap enaru indi tenggerak-nen-e at indi nggat nggat worak iri na bem indi kek yurak pug-o. Amawi worak nap-nen-e amawi iri na bem indi kek yurak pug-o. Nde, insilobulo worak nap-nen-e insilobulo iri na bem indi kek yurak pug-o.

WONARIDNAK WENE 9:20

Alat nde, erep-nen-e we kenan pem nggal nak nggan nggan na-ge Nagawan Indo uwi lije iri na bem woraso-o. Nde, it mbururag-a? Wolmomtag-a? Iri-ge Nagawan Indo nak-nen: ’Wolmer-o. Mberer-o’ yoso-o.

WONARIDNAK WENE 9:22

Nggan nggan iri na nde Nagawan Indo uwi lije iri na anggul pem woralat, mberen tarem ala na, waneya misik ala na, olengen misik ala na, are, misik ombol nggwe terak menna ala na, nggan nggan na nde iri me-t worala-ge, ir-e iri na me-t woragwi-o. Alat nde, nggan nggan iri na posokluk mborosola-nen perak ir-e mburugwi-o.

OROMA 12:16

Kit kinndi misiget lambuksa wolmer-o. Kit kondomok kek yurak pug-o. Are, teberak yik kagwi mende iri na nggal-et tebe yurag-o. ”An-e nindi tenggerak-nen yusu-o” luk purak pug-o.

EPESUS 1:12

Len ninpid iri-ge awo ma-net ninndi Kerisut ebem mbung mbung tak woraige nap nir-e Mbal Pem Nagawan unu kek tak pogolar-e, at erembel wanugwi rak ninpij-o.