Pemerinta onggo wok undurak iri-ge mondog-et wok undurag-o. O onggo wanurak nap iri-ge o onggo wok undurag-o. Terak mena pidnak iri-ge wanurak nap irit wok undurag-o. Nggok tak unpurak nap ala-ge, nggok tak unpurag-o. Nde, entembel wanurak nap ala-ge, entembel wanurag-o.
Iri bem-e, nir-e ap oboksa konak tak unpurak worala ya-t nanongga konak tak onpogolat wolmomtag-o. Nde, mondok konak tak unpurag-e, totno ninndi angin tubu yidnak pem-nen nonowe nonowot tak inpidnak nap irit konak tak unpuwog-o.
Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.
Kir-e kit keneyabu wanili nap iri onggo wok indili bug-o. Iri ala karuk, nggi kererenak worali iri koler-o. Kunmburu kenmanggim ndakwi nap-nen-e: ”Wok nender-o” luk kum mbo bili iri-ge Mbal Pem Nagawan Amawi worak Nagawan Indo na eyanggo ma nggwij-o.