NGGOMO WENE 3:24 - Nanduk Ngget Tul Pidnak Wene

²⁴ Iri-nen kar-e kwiye lag-et nene yosolat na, yamuksa nggaruksa ereba-t tag-et nene yosolat woragun-o.

NGGOMO WENE 3:24 ပူးပေါင်းရင်းမြစ်များ

NDAWI ENGGA 112:8

At-nen at imin sirid nab-e ”Ndemeret urugwe nggwe rak inpimin-o” perarug-e, umud lak, tugup lak irit wolma-o.

NDAWI ENGGA 127:2

Kunlum amanggim kore yogolar-e, kubu kabu-t menluk, yabu wok tenak irit woraruk, nggiringgendumu nene yil lobok yili iri-ge wewesa irit kwatli-o. Nagawan Indo-nen-e at-nen enabuwa yoso nap enmanggim-e it nene yogola-ge, it-nen ukwe yugwi-ge lid lud tak pusu-o.

NDAWI ENGGA 91:5

Iri ala-ge, kar-e lak tak kubuwakluk kubu kebem mbud yosolat, lengge mimo kebem mbud yogolat,

NGGOMO WENE 1:33

Alat nde, an nene kulili nab-e inmiri mbarak irit woragolat, kwiye yurak na lak, yamuksa irit wolma-o” luk yij-o.

NGGOMO WENE 6:22

It-nen mirik kibidnak wene iri-net kat mborosola-ge, ndemel kuburuk mburuwa-o. Kubu-ge yik keyarok woralat, kuplila kat men yosola-ge, tu mirik kobosolat kwaruwa-o.

YESAYA 54:14

Kugwi-ge mondok lud tak mot mot kwarugwi irit kemabin puruk wat kibimin-o. Nde, kwiye-nen unmunggum pil kagwi mende min anggun panggun tak unpugwi mende min-e kebem mbuma bug-o.

YEREMIA 31:26

Iri tarem-e ap-nen yogolar-e: ’Mondok nggaruksa nene lug-e, namawisa nebem pil pel yaga labuk yusu-o’ yuwa-o.

YESKIEL 34:15

An nondomog-et nolomba ereba na yik eneyarok woraso kwat yosolat, it enpabok kwarurak ondoro lid lud tak posolat kwarimin-o. Nagawan Indo Mondok Kek tak an-net yusu-o.

YESKIEL 34:25

It kona yamuksa wolmakluk, it yamuksa wolmomtak wene an-nen-e urul yak indimin-o. Nde, iri-ge ndakngge eyak worak oboksa it woragwi sa-nen sera wirik pimin-o. Iri rak pumu, an nolomba ereba na-ge tusuangge taroso sa ereba na me kona yamuksa woralat, walma ereba-t nene yosolat kwaruwa-o.

YESKIEL 34:27

Nunggwi e ereba na-ge engen yosolat, yabu ereba na-ge nunggwi mende kwarat yosolat, ir-e unuwi nggweyak pem yamuksa konak nak irit woragolat ma-o. Nde, an-nen nde nilirek kamat unpuruk woragwi posid kere ereba na ndelak posoluk, it anggun panggun tak unpugwi nap ininggiyapma-nen wisirik onposolat kwarosola karug-e, it-nen-e an nimin-e ’At iri-ge Nagawan Indo-nen yusu-o’ luk enaru ma-o.

YIDNAK YIDNAK WENE 12:6

Erores-nen kub-e ap kwarat inmbiri bem nam tak peyekluk kubu nene yogolar-e, Peterus na-ge san winde mberen-nen ennggendumu rak puruk, nene yiga-o. At iri-ge posid kere mberensa kamarak worasola-ge, it san winde erep-nen o kubu me tumende bem towarak woraiga-o.