NGGOMO WENE 3:1 - Nanduk Ngget Tul Pidnak Wene

¹ Nambara wa-e. An-nen nggomo korosolat mul kurusu wene-ge meme rak purak pug-o. ”Iri kwari-o” luk an-nen kebem pusu wene-ge pempa kindi yeberak wolmin-o.

NGGOMO WENE 3:1 ပူးပေါင်းရင်းမြစ်များ

NDAWI ENGGA 91:16

It ereba-ge an-nen inndi yamuk tak onposolar-e, unluk wolmomtak mot tak puruk, inmiri yimin-o” luk yij-o.

MBIRIGA WENE 20:6

Alat nde, an nubud kagolat, an-nen yidnak yidnak kwarogolat kwatli nap iri na-ge an-nen enabuwa kaso elem iri na mirik onposolar-e, tabun pem lud, lila bem lud, ap tap wonarurak puk irit enabuwa kasolat woramin-o.

NGGOMO WENE 1:8

Nambara wa-e. Kar-e keid min kiya min-nen yak kuruwa wene-ge kwara yebet kudtag-o.

NGGOMO WENE 23:26

Nambara wa-e. Kwara lombot perenak woraruk, ap-nen kebage imbirik mburuwakluk an-nen worasu nebage yu nak wanurag-o.

NGGOMO WENE 31:5

Nagawan-nen nde inndi nden kaso yi nonggolar-e, imiri mbarak pidnak wene na meme rak pogolat, iri-nen ap enmawi lak kwat unpurak ereba na kwat inpigit lak yugwi-o.

NGGOMO WENE 8:1

Inndi nggat nggat elem-nen ene mbo yosolat, inndi tenggerak elem-nen ene nggoksa yusu ereba koler-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

OSEA 4:6

Tepan ombo kit-nen-e an-e no mende nggal kinsili rak nibili-o. Iri kwarogola-ge, an nilirak-nen na an-e no mende nggal tag-et nibili me, enlengenwak lak yili-o. Kir-e an-nen mul kindidnak wene mondok keya bili-o. Iri yogola karuk, an-nen na kir-e keya konposolat, kit kinlirak na an-nen-e an-nen idnak tepan ombo luk enperamin pug-o.

TUGURUK YIDNAK WENE 4:23

Kir-e Nagawan Indo Kenmbal Pem Nagawan-nen urul yak kindid ereba na-ge memerak pigit lak, mondok kwara tena wolmer-o. Nagawan Indo Kenmbal Pem Nagawan iri-ge mondok lak tak poso kanduk nggal-nen yusu me, at-nen yidnak yidnak kwarogolar-e, mondok yi mende ndi mende mbi ut memera ndak wutluk erembel wanurak pug-o. Nde, Nagawan Indo-ge yi mende ndi mende imin ndak ndak tak uburag-e mondok isili-o.

TUGURUK YIDNAK WENE 4:9

Kit woragolar-e, kenlengen-nen kaigep ereba meme rak pugup naru mondok kwara yebet kagolat yebet yebet tak wolmer-o. Kit-nen na kit kinlirak min konmborak min yak ondogolar-e,

TUGURUK YIDNAK WENE 8:1

Musa-nen yosolar-e: ”Nagawan Indo-nen konborak urul yak indidnak wi iri na me kunluk woragolar-e, kwarat wigak yogolat, o iri na winde yoboklug-e, imiri mbarak pidnak wene oboksa an-nen yawo yak kundusu yeba-ge mondok mot mot nak kwarogolat wolmer-o.