NGGOMO WENE 27:18 - Nanduk Ngget Tul Pidnak Wene

¹⁸ Ta-nen nde engen yoso e ereba na umut mbal tenak woralar-e, engen-e mbaruwar-o. Ta-nen nde at onggo ibidnak nap iri na kwara ndegel obosolat wolma nab-e ombo iri na-nen-e at nak kek tak ubuwa-o.

NGGOMO WENE 27:18 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 18:31

Isikia ene-ge mondok kulurak pug-o. Asiut nagawan iri-nen yak kondosolar-e: ’Kir-e kunuwi siri keya buruk, tebeluk an neram lobok yer-o. Iri luk konag-et woragolar-e, kondomok yagidnak kenengen nonggolat, kondomok kinid mbun emnde mbaridnak sa-net kenangga nonggolat, yamuksa kwat tenak worakmu,

2 NAGAWAN NAGAWAN-NEN KWARIDNAK WENE 5:25

Wirik unpuruk, Nggekasi na-ge tuguruk o ma nggosoma-ge, Elisa-nen kin wok obosolar-e: ”Kar-e ngge me-nen lobok yusu-o?” yosoloma, at-nen onggo yosolar-e: ”Nombo-o. An-e yeba waring kagit lak, ma yeba-t worasu-o” luk yij-o.

2 NAGAWAN NAGAWAN-NEN KWARIDNAK WENE 5:27

Kat-nen silobulo iri wanigen pem-e Naman ebem yid marugot ndigiril laso iri na min-et wanugun-o. Marugot ndigiril laso iri-ge lak yigit lak, pem irit kat-nen wigarak lolo-ge kenpem yosolat wolma-o” luk yak tij-o. Yosoloma, Nggekasi iri na iri me-nen mbiridnggal-e, mondok marugot ndigiril laso ebem lenggek yidnak me, aboro-ge loro mbereng tak irit mbirij-o.

ESET 6:11

Iri yosoloma-ge, Aman-nen-e sum iri na min kura wam iri na min-e wanuruk, sum iri na-ge Morendekai yirik uburuk, kura wam wok tid iri na bem Morendekai iri na kore yil lasola-ge, Aman iri na-nen-e imin luk nanduk o siri tula nggok ereba na nggwe nosolar-e: ”Nagawan-nen at-nen kek tak pid nap iri na kek tak obosolar-e, yu nggal kwarusu yur-o!” luk ene nggoksa yil yil waring kagaij-o.

MBIRIGA WENE 24:13

Yosoloma-ge, Musa min Musa ndegel oboso Yosua min-e lid lud tak purug-e, Musa na-ge Nagawan Indo woraso sa Sinai ndobo iri na me lagaij-o.

NGGOMO WENE 22:29

Ab-e yabu-ge mondok enpam ndak wanogola, eneyaso, lak? Ap iri-ge we o ma yabu ereba wok turag-e lag-o. Are, yabu-ge nagawan woraso sa iri me wok turag-o.

NGGOMO WENE 27:17

Posid yinggi bem-net posid anggat marugwi iri nggal ennggam-nen ennggam inndi eyak wurugwi-o.

NGGOMO WENE 27:19

Yi ugupmu entare mirik onposola kagwi nggal, inndi-nen-e ”Kar-e iri nggal worasu-o” luk mirik onposo-o.

MATIUS 24:25

Kwara kinndi yebet ker-o. Awo kwarigit lak ma-net yak kindigi nar-o.

MATIUS 24:46

Nde, ndegel poso nap iri-nen nde at eyabu wok tenak worasoma, eid wok yuwarig-e, ndegel poso nap na-ge alen kwarat kujwa-o.

MARAKUS 10:43

Alat nde, kir-e iri nggal kwarurak pug-o. Are, ta-nen nde kit kennggendumu yu me ap nggok yurak perasolar-e, kit ndegel konposo nap irit kwat mag-o.

LUKAS 12:37

Ineid lobok yuwa tarem at ndegel ubugwi nab-e unluk woragolat, lid lud tak puruk worakmu iniyujwa nab-e imbiringgat-nen yili-o! An yak kendeyeg-o. Ineid iri-nen-e at esani are puksa yutluk, it iri na koreyak unpuruk, ndegel unpuwa-o.

LUKAS 12:42

Yosoloma-ge, Nagawan Indo-nen at yak tosolar-e: ”Mot mot kwaroso, indi nggat nggat worak ndegel oboso nab-e ta nde kali-o? Eid iri nin sa mbereyeklug-e, iri yidnak nap-nen-e yi mende ndi mende lid lud tak puwakluk, at inggem posolat, ndegel ubugwi nap ereb-e norak tarem wok yosola, nunggwi mende mak unduwakluk, at inggem posolat ma nap iri-nen yusu-o.

LUKAS 19:17

Yosoloma-ge, eid na-nen at yak tosolar-e: ’Konag-o! Kar-e yabu konag-et wanoso nab-o. Nde, kar-e marik kwarurak pem mot mot kwarigen ala-ge, o siri sepulu-ge kat-nen tena woranok-nen kinggem pimin-o’ luk yak tij-o.

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

YIDNAK YIDNAK WENE 10:7

Aid nap-nen at wene yak turuk mborosola-ge, Korenelius-nen yonggo onposolar-e, ndegel ubugwi nap mberen min at ndegel ubugwi san winde ennggendumu-nen Mbal Pem Nagawan erembel wanoso san winde misik min yonggo unpurug-e,

1 KORINTUS 3:8

Uwi yagoso nap na yi koloso nap na ndak ndak-nen yusu-o. It-nen yabu wanidnak iri ndak ndag-et Mbal Pem Nagawan-nen enarik tag-et onggo wok unduwa-o.

1 KORINTUS 9:13

Mbal Pem Nagawan ama yabu wanugwi nap-nen-e it norak mende-ge iri me-nen wanogolat, nde, wam wosa Mbal Pem Nagawan amanggim kan pugwi sa iri me wam wurugwi nap-nen-e wam ereb-e iri me-nen wanogolat kwarugwi iri-ge kir-e kenaru bug-a?

1 KORINTUS 9:7

San winde-nen wim timbiril mborosolar-e, at ambikpebe-nen onggo buruk mboroso-a? Nde, anggut yabu wanurug-e, engen yidnak naso bug-e ta-o? Are, sapi wam ndogoroso nap-nen-e agamo amburu naso bug-e ta-o?

KOLOSE 3:22

Ap ndegel unpugwi nap wa-e. Yi kwatlik ndi kwatlik kwarogolar-e, nggweyak ma nap kit-nen idnak nagawan nagawan-nen yidnak yidnak nak kwarogolar-e, it-nen yik keneyarok woragola, nam nariya kentembel wanuwakluk nak-nen kwarurak pug-o. Are, ndemeret kit kinndi-net kwarogolat wolmer-o.

2 TIMOTIUS 2:6

Yabu wanoso nap-nen yabu wanosolat irigak mbidnak pem-e ebe yidnag-e at-net nanduk mbaroso-o.

1 PETERUS 2:18

Ap ndegel unpugwi nap wa-e. Kit-nen ndegel unpugwi nagawan kek tak onpogolar-e, it-nen yidnak yidnak nak kwarurag-o. Nde, it enabut op, yanggonak iri ala nak kek tak unpurag-e lag-o. Are, enabut meya iri min-et kek tak unpurag-o.

1 PETERUS 2:21

Mbal Pem Nagawan-nen wene mbo kinpid iri-ge, kondogola, andi bandi kabokluk-nen wene mbo kinpij-o. Nde, Kerisut na kit kenmanggim-et andi bandi kagaid iri-ge at-nen kwarid iri karuk, at ijok pem mborobok-nen kwarid irir-o.

1 SEMUEL 2:30

Isarael nap Kenmbal Pem Nagawan, Nagawan Indo an-nen nanduk urul yak kondosolar-e: ’Kenlem nap min konowe konowot min-e tepan ombo nggal an ndegel nobogolat woralik nalik irit woragub-o’ yak kindigi-t nde, yawo-ge iri kwarurak iri na-ge an-e mondok nisili-o! Are, an kek tak nubuwa nab-e kek tak inpimin-o. Nde, an teberak nubuwa nab-e an-nen na teberag-et inpimin-o.