NGGOMO WENE 27:17 - Nanduk Ngget Tul Pidnak Wene

¹⁷ Posid yinggi bem-net posid anggat marugwi iri nggal ennggam-nen ennggam inndi eyak wurugwi-o.

NGGOMO WENE 27:17 ပူးပေါင်းရင်းမြစ်များ

NGGOMO WENE 27:16

Kwe iri nggal-e ene lak tak purag-e meya-o. Kwe iri-ge o wija kondok tak purak na meya, yi ininggi bem-nen tenagurak na meya iri nggal-nen yusu-o.

NGGOMO WENE 27:18

Ta-nen nde engen yoso e ereba na umut mbal tenak woralar-e, engen-e mbaruwar-o. Ta-nen nde at onggo ibidnak nap iri na kwara ndegel obosolat wolma nab-e ombo iri na-nen-e at nak kek tak ubuwa-o.

NGGOMO WENE 27:9

Ububumben worak amburu min emben konak mende min-nen inndi alen tak poso iri nggal-et, ennggamirak-nen konak nak kwat unpugwi bem-net ennggamirak inndi konak tak pogolat enalen tak pugwi-o.

YOANES 11:29

Yak tosoloma kuluruk, Maria na men luk, ndag-et nak Yesus eram mbirij-o.

1 TESALONIKA 3:3

nit lel mberel ninpili yu karuk, kit misik-nen kinndi angin tubu yidnak keya buruk mburugup naru wirik ibige-o. Nde, lel mberel ninpili yu-ge, Mbal Pem Nagawan-nen ”Irit kwat unpuwag-o” luk yidnak pem kwat ninpili-o luk kir-e kenaru nar-o.

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

2 TIMOTIUS 1:8

Iri bem-e, nit Nenagawan Indo-nen yidnak wene ap yak ondosolar-e, kinggiri yurak pug-o. Nde, at ebem-nen an o kubu me nibil nggwidnak me, an nebem-nen na kinggiri yurak pug-o. Are, Mbal Pem Nagawan-nen amawi wok korosola, aid wene bem lel mberel kobogola, andi kasolat wolmomtag-e ob-er-o.

2 TIMOTIUS 2:3

Kar-e Kerisut Yesus uwim tomboroso nap konak nap yosolar-e, kat na andi bandi-t kudtak ob-o.

IBERANI 10:24

Nde, nir-e lombot kerak mbogolat wolmog-o. Iri kwarogolar-e, nabuwa kabuwa bem konak nak kwaruwokluk yongga yongga wolmog-o.

YAKOBUS 1:2

Nowe nowosi wa-e. Kit kinndi ngarurak mende nin tak nan tak iri kenpem mbosola-ge, nir-e imbiringgat tak nunpusu-o luk yebet kudtag-o.

YOSUA 1:18

Ta-nen nde kat-nen nenpem pugun wene ereba na eyak worosolat, are, kat-nen yugun wene nde kuligit lak yosolat kwarosola-ge, mondok wururag-o. Nde, kar-e mondok kwiye lak, tugup lak irit wolmin-o” luk yak tiga-o.

YOSUA 2:24

Yak turuk, it-nen yogolar-e: ”It o iri me nab-e nit nenaye kwarat kali-o. Iri ala-ge, ndemeret Nagawan Indo-nen o iri oboksa abu nininggem pij-o” luk yiga-o.