NGGOMO WENE 25:3 - Nanduk Ngget Tul Pidnak Wene

³ Nagawan-nen yebet kaso-ge mbal teram eid nggal, yi koma mondok yubuk tak arem nggal, nagawan-nen yebet kaso-ge ombol nggwe me, ap-nen yebet kudtag-e meya-o.

NGGOMO WENE 25:3 ပူးပေါင်းရင်းမြစ်များ

NDAWI ENGGA 103:11

At-nen ap at indi aye worak worali nap enabuwa kasolar-e, nggweyakma yu me-nen mbal teram lik kali iri nggal kek tak-nen yusu-o.

NGGOMO WENE 25:2

Mbal Pem Nagawan-nen kura bidnak mende bem-e nir-e at unu kek tak pugwi-o. Nde, nagawan-nen ”Iri nggal-o” luk mbena yugwi bem-e nir-e it kek tak unpugwi-o.

NGGOMO WENE 25:4

Perak ebem kopkap ereba na kora keya bosoma-net perak konoso nap iri inggi-nen-e konak iri na-ge kwarak poso-o.

YESAYA 55:9

Nggweyakma yu me-nen mbal-e mondok teram kali iri nggal-et, an-nen yebet kaso-ge kit-nen yebet kagwi-ge teberak puruk, terak minik teram-net yusu-o. Nde, an-nen kwaroso na kit-nen kwarugwi-ge teberak puruk, terak minik teram-net yusu-o.

YESAYA 7:11

”Kat-nen Nagawan Indo Kembal Pem Nagawan nggi yak tosolar-e, ap watluk ndok wiril mbugwi sa ena nggwe woraso mende bem ala na, mbal pem teram nggwe woraso mende bem ala na, kat-nen yenggerak wolmomtak pem mirik kubuwakluk, Nagawan Indo nggi yak ti-o” luk wene wosa bij-o.

OROMA 8:39

teram woraso mende-nen na, nggweyak ma woraso mende-nen na, ndak worak pidnak mende erep obok-nen na, oboksa-nen-e Nenagawan Indo Kerisut Yesus ebem Mbal Pem Nagawan-nen nenabuwa kaso iri na arem-nen kuri worak nunpurag-e meya-nen yusu-o luk an nindi angin tubu yusu-o.

1 PETERUS 1:7

Nde, kinndi ngaruwa iri-ge kit-nen ndemeret Nagawan Indo ebem kinndi angin tubu yigep, lak? luk kinndi kasolat-nen kinndi-t ngaruwa-o. Lak momtak mende emas posid iri perak nde abut mbaruwokluk kan ma pugwi-o. Nde, emas posid iri-ge onggo nggulok pugwi mende-t nde, marik-nen yusu-o. Nde, kit kinndi angin tubu yidnak iri perak nggulok-nen yusu me, tugup lak wolmakluk mondok kinndi ngaruwa-o. Iri lug-e, Yesus Kerisut lobok yuwa tarem-nen-e kentembel wanogolat, kunnu kek tak pogolat, nggok tak konpogolat ma-o.