NGGOMO WENE 25:25 - Nanduk Ngget Tul Pidnak Wene

²⁵ O erepma-nen wene konak enmanggim wene wosa bugwi iri-ge yi nere indi eberek yidnak tarem-nen yi kol eyak worak ninggidnak nggal-nen yusu-o.

NGGOMO WENE 25:25 ပူးပေါင်းရင်းမြစ်များ

NDAK WIRIDNAK WENE 45:27

Alat nde, it-nen Yusup-nen yidnak wene ereba na oboksa ndindorogolat, nggweyak koma at-nen ebem koreluk Mesira mbururak amanggim pid ereba na karuk-nen perak nde, indi kondok yosolat-nen yosolar-e:

NDAWI ENGGA 63:1

Mbal Pem Nagawan wa-e. Kar-e an Nembal Pem Nagawan-nen yusu-o. An nindi-ge kar-et keberagirik, kogore yusu-o. Nggweyak amburu lak sa-nen yi kilik purak ukwe worasu iri nggal an-e kat nere-nen nindi eberek yusu-o.

MBIRIGA WENE 17:6

An-e kat kabuwok Sinai Ndobo bem kerep nggok misik pem mendak woramin-o. Kar-e kerep iri lel ki-o. Lel kasola-ge, arem-nen yi wasola ir-e nujwa-o” yosoloma, Musa-nen-e Isarael nap ennggendumu enne kulugwi nap ereba na enlengen pem-et kerep na lel kagaij-o.

NGGOMO WENE 15:30

Entare yik yek tak iri-nen-e inndi alen tak poso-o. Konak wene iri-nen-e ap inndi yek tak poso-o.

NGGOMO WENE 25:26

Konak nap-nen meya kwarugwi nap enaye-nen tebek yili iri-ge yi ulusu min yi emnde mbaridnak min unggul kopkap tobok tak ereba na nggal-nen yili-o.

YESAYA 52:7

Nde, wirik pil lobok yidnak nap iri na yik kagolar-e, mondok konak lombok-nen yusu-o. Ndobo worak nggwe-net lobok yosolar-e, konak yamuksa woragwi wene min lobok yusu-o. Sion imiri yurak wene min lobok yosolat-nen yosolar-e: ”Kenmbal Pem Nagawan-e Nagawan-nen yusu-o!” luk yusu-o.

YESAYA 55:1

Nagawan Indo-nen yosolar-e: Kit yi nere-nen kinndi eberek yusu nab-e lobok yugupndik, yi kenangga lud tak pidnak yu mer-o! Kit kontol lag-e lobok yugupndik, onggo pigit lag-et nggandum mbato yeba wanugupndik mer-o! Anggut amburu min sapi wam agamo amburu min-e kenmanggim lid lud tak worasu-o. Mondok onggo pigit lag-et waner-o!

YEREMIA 18:14

Libanon ndobo areyak tup tak pem ndugu ndugu woraso-ge mondok lak yoso bug-o. Pem irit woraso nag-o. Ndobo worak nggwe-nen yi ngaluk mbiridnag-e eberek yoso buk-nen yusu-o.

YOANES 7:37

Iri lug-e, nunggwi mende nggulok sakolat, yobok tak purak tarem mondok nggulok iri na bem-e Yesus na men luk ene ngguloksa-t yosolar-e: ”Ta-nen yi nere ala-ge, an neram lobok luk, yi nujwag-o.

OROMA 10:15

Nde, ap nde wirik inpigit lak ma-ge, nggesa-nen aid wene yak undurag-o? Mbal Pem Nagawan engga mbarak pem-nen yosolar-e: ”Aid wene waruk mbitli nap iri-ge mondok konak lombog-o” luk yij-o.

1 TIMOTIUS 1:15

Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.

NAM PARA WENE 21:6

Iri yuruk, at-nen tuguruk yosolar-e: ”Abu ndak yij-o. Nde, an-e Tel Koroso min Woroksiyem min-nen yusu-o. An-e Nanduk-net Woraso, Abok-nen na irit Woramin Nagawan Indo-nen yusu-o. Yi nere kagwi nab-e an-nen we onggo lag-et mak ondosolar-e, unlug-et woragwi yi ulusu na kenangga mak indimin-o.

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.