NGGOMO WENE 24:21 - Nanduk Ngget Tul Pidnak Wene

²¹ Nambara wa-e. Kar-e Nagawan Indo indi aye worak woralat, nagawan nak kek tak posolat wolmomtag-o. It inmin eyak witli nap inmbirik mbururak pug-o.

NGGOMO WENE 24:21 ပူးပေါင်းရင်းမြစ်များ

2 SEMUEL 18:8

Nde, wim iri na-ge o iri me oboksa-nen wim waruk tabuk yij-o. Iri kwarogolar-e, ap wim silmu-nen indiga-ge marig-et nggal-et nde, walma-nen yat wat mbiga-ge mondok kwarar-o.

1 NAGAWAN NAGAWAN-NEN KWARIDNAK WENE 1:49

Iri yak ondosoloma-ge, Andonia-nen yonggo inpid nap ereba na-ge kwiye irit yiga-o. Kwiye yogolar-e, it oboksa men luk mborogolar-e, tula-ge enariktak irit mbiriga-o.

1 NAGAWAN NAGAWAN-NEN KWARIDNAK WENE 12:16

Isarael nap ereba-nen yik kaiganggal-e, nagawan iri na-ge it enne-ge kuligit lak ala karug-e, Isarael nap oboksa-nen enne nggoksa yogolar-e: ”Ndaut min at-nen wigarak min-nen-e nit Isarael nab-e no kwat nunpugwi-o? Abalombog-o! Nenma mburuwog-o! Ereabeam iri-ge at abalombok nak-nen kwaruwag-o” yogoluk, Isarael nab-e enma mbiriga-o.

MBIRIGA WENE 14:31

Isarael nap-nen yik kaiganggal, Nagawan Indo amawi nggok pem-nen Mesira nap indidnak iri karug-e, kwiye kwarat luk, Nagawan Indo ebem inndi-ge wat tak pogolat, ndegel oboso nap Musa ebem na inndi wat tag-et piga o.

NGGOMO WENE 23:17

Meya yugwi nap-nen kwarugwi ereba na ”An nggal kwatleb-a!” luk yurak pug-o. Pempa Nagawan Indo-nen yidnak yidnak nak kwarosolat woragun ala-ge,

MATIUS 22:21

Yosoloma-ge, it-nen yogolar-e: ”Kaisat-nen idnak-nen yusu-o” luk yiga-o. Yogolikma-ge, Yesus-nen it yak ondosolar-e: ”Iri ala-ge, Kaisat arengge iri-ge Kaisar-et wok turag-o. Nde, Mbal Pem Nagawan arengge iri-ge Mbal Pem Nagawan-et wok turag-o” luk yak indij-o.

TITUS 3:1

Kat-nen nggomo ondoso nap na yeberak onposolar-e: ”Nggweyak tena woragwi nagawan min pemerinta nap min-nen yidnak wene kuluruk, it-nen yidnak yidnak nak kwarogolar-e, yi mende ndi mende konak nak kwarurak pem-e lid lud tak puruk wolmer-o.

1 SEMUEL 24:6

Yebet karuk-nen at imin nugwi nap ereba na yak ondosolar-e: ”An-nen idnak Nagawan Indo-nen lenak pidnak nap yu an-nen wirimin naru Nagawan Indo-nen yik neyarok wolmag-o. At iri-ge Nagawan Indo-nen lenak pidnak me, an-nen-e mariger-o luk andi bandi rak ibimin pug-o” yak indij-o.