NGGOMO WENE 23:29 - Nanduk Ngget Tul Pidnak Wene

^29-30 Kar-e anggut amburu kwarat nonggolat, inndi nden kaso yi pempa undu kagwi nap min enpem mbusu-ge kar-e karu, lak? Iri yugwi nab-e anggun panggun andi bandi kwarat wanili-o. Ir-e pempa yane nak worogolat, yuk puk nak mbogolat, enlengen mep worok yosolat, ebem-e mep nak yisi mbosolat kwarusu-o. Nde, yanem ereba-ge keya burag-e ndag-et nde kwarusu-o.

NGGOMO WENE 23:29 ပူးပေါင်းရင်းမြစ်များ

NDAK WIRIDNAK WENE 19:33

Yurug-e, iri na tarem kubu-ge indi nden kaso anggut engen amburu mak turuk, ara ambap na-ge eid imin nene yij-e eid na-ge mondok indi abu nden kaga lak yidnak me, ara na imin nene luk mbirij-e kagit lag-o.

NDAK WIRIDNAK WENE 49:12

Anggut amburu nok tenak mbot erengen-e mep tam yosolat, nde, eyag-e sapi wam agamo amburu nok tenak mbot mbek yusu-o.

2 SEMUEL 11:13

Yonggo uburuk, nunggwi mende nonggolar-e, Ndaut-nen inndi nden kaso yi kwarat wok tosola, nasolar-e, indi nden kagaij-o. Alat nde, iri na tarem kubu nggwe na Uria na-ge ama-ge mbirigit lag-er-o. Are, ap san ombo pak tumende yik karok woragwi ereba na enma embem sum yemara nene-t yij-o.

NGGOMO WENE 20:1

Inndi nden kaso yi iri na-nen ndowaga ap iri na kasa kasa kwarogolat, nari wari yugwi-o. Nde, iri mende yi no no indi lak yusu nab-e wid-net kwarusu-o.

NGGOMO WENE 23:20

Kar-e inndi nden kaso yi nunggwi nap min uno kasa leraben nunggwi nap min-e yagiga kundurak pug-o.

NGGOMO WENE 23:21

Iri kwarugwi nab-e yanem-et insilobulo lak nap kwat ma-o. Kat-nen nde nene nak yik tenak woralar-e, yanem-et kusum-e meya ndelep pelep tak nde yirik woragun-o.

EPESUS 5:18

Anggut engen amburu ndonggosa nuruk, kinndi wawa yurak pug-o. Iri nunggupndig-e, ukwe ukwe rak onposo-nen yusu-o. Alat nde, kir-e Konak Indi nde kenarem kobong tak irit wolmer-o.