NGGOMO WENE 23:23 - Nanduk Ngget Tul Pidnak Wene

²³ Ndemeret mul undugwi wene min indi worak elem min nggomo undugwi min yebet kagwi min iri mende oboksa-ge mondok onggo purag-o. Alat nde, nggok lombok me, onggo wanurag-e lag-o.

NGGOMO WENE 23:23 ပူးပေါင်းရင်းမြစ်များ

NDAWI ENGGA 119:127

Emas min emas kopkap lak min inndi nggok tak pugwi iri-ge ija-t nde, an-nen kat-nen ”Iri kwarurag-o” luk nebem pidnak wene ereba na bem nindi nggok tak pusu-ge mondok terak minik-net yusu-o.

YESAYA 55:1

Nagawan Indo-nen yosolar-e: Kit yi nere-nen kinndi eberek yusu nab-e lobok yugupndik, yi kenangga lud tak pidnak yu mer-o! Kit kontol lag-e lobok yugupndik, onggo pigit lag-et nggandum mbato yeba wanugupndik mer-o! Anggut amburu min sapi wam agamo amburu min-e kenmanggim lid lud tak worasu-o. Mondok onggo pigit lag-et waner-o!

MATIUS 13:44

”Mbal Pem Nagawan-nen tenagaidnak wi iri-ge yapmu nggweyak arem kura worasoma onggo nggulok pugwi silobulo mbi ap misik-nen silobulo iri kwat kasoluk, tuguruk ondolma purug-e, alin alen karuk mborosolar-e, at arengge oboksa wene wosa onggo wanuruk, uwang iri na bem yabu iri na onggo pid iri nggal-nen yusu-o.”

MATIUS 13:46

Kore yosoma, kerep misik mondok konak lombok iri kwat kasoluk, at arengge oboksa onggo wanuruk, kerep misiget iri na onggo poso-o.”

MATIUS 16:26

Nde, ap mbi-nen-e o nggweyak yu oboksa winde yuwa-t nde, at ondomok indi pul marig-e, no nde lesa wanuwa-o? Mondok lag-o. At uruk wolmomtak iri na-ge yi mende ndi mende min onggo onggo rak purag-e ndag-a?

YIDNAK YIDNAK WENE 20:23

Konak Indi-nen kenggera yak norosolar-e: ’Kar-e o siri nin me wok nin me wok waring kasola-ge, o kubu me kuburak min andi bandi rak kuburak min kat kabuwok pak tak worasu-o’ luk yak nurusu-o.

IBERANI 11:26

Nde, at-nen perasolar-e, Kerisut ebem-nen nggweyel nuburak iri perak nde onggo nggulok terak minik wanurak mende kagi. Nde, Mesira silobulo kwarat iri-ge ebe lak mende-o luk peragaid iri-ge, abok-nen onggo kwarat irit wanurak mende yik karuk-nen peragaij-o.

NAM PARA WENE 12:11

Nde, nit nennggamirak-nen-e Lomba Wam Marik eyabi bem-nen na, Mbal Pem Nagawan-nen yidnak aid wene it-nen yugwi na bem-nen na ar-e urugwe nggwe rak ibiga-o. Nde, ir-e wat momtag-et nde, it inndi abuwa lak tak puruk wat yiga-o.

NAM PARA WENE 3:18

Iri bem-e, an-nen nggomo kendeyeg-o. Kir-e ndemeret kinsilobulo worak nap yobok-nen kopkap mondok lak emas posid iri-ge an nebem onggo pogolat, kunsum we koro nderak woragolat, kinnggiri kagwi mende iri lomorobokluk, sum loro an nebem onggo pogolat, kenlengen pasa nomosa yik kabok-nen kenlengen pem yugururak amburu an nebem onggo per-o.