NGGOMO WENE 23:17 - Nanduk Ngget Tul Pidnak Wene

¹⁷ Meya yugwi nap-nen kwarugwi ereba na ”An nggal kwatleb-a!” luk yurak pug-o. Pempa Nagawan Indo-nen yidnak yidnak nak kwarosolat woragun ala-ge,

NGGOMO WENE 23:17 ပူးပေါင်းရင်းမြစ်များ

NDAWI ENGGA 111:10

Ta-nen nde indi nggat nggat worak kwat momtak perasolar-e, Nagawan Indo nak kek tak uburag-o. At iri-ge at-nen yidnak yidnak kwarugwi nap oboksa inndi tenggerak paga wok ondoso-nen yusu-o. Mondok pem irit woragolat Nagawan Indo nak kek tak pogolat wolmomtag-o!

NGGOMO WENE 15:16

Enarengge marig-et parugu woragolat-net nde, Nagawan Indo indi aye worak wolmomtak iri-ge konag-o. Alat nde, silobulo kwarat parugu woragolat-net nde, unmud kundugu nak wolmomtak iri-ge meya-o.

NGGOMO WENE 24:1

Meya yugwi nap-nen kwarugwi ereba na ”An nggal kwatleb-a!” luk yurak pug-o. It inmin yagiga kundurak kindi yurak pug-o.

NGGOMO WENE 24:19

Meya yugwi nap enpem kinsilepma pilik, it-nen kwarugwi ereba na ”An nggal kwatleb-a!” luk yilik yurak pug-o.

NGGOMO WENE 24:21

Nambara wa-e. Kar-e Nagawan Indo indi aye worak woralat, nagawan nak kek tak posolat wolmomtag-o. It inmin eyak witli nap inmbirik mbururak pug-o.

NGGOMO WENE 3:31

Ap enpem mbud yugwi nap inmin-e it-nen kwarugwi nggal kwarurak puruk, kerengen ale yurak pug-o. It-nen kwarugwi enpage na mondok wanurak pug-o.

YIDNAK YIDNAK WENE 9:31

Yurea-nen na irit, Nggalilea-nen na irit, Samaria-nen na irit, lambuk tak inpidnak nap inndi yamuksa woragolat, inndi ogore yogolat woraiga-o. Nagawan Indo aye worak woragolar-e, Konak Indi-nen it inndi yangonosolar-e, misik nambek, misik nambek tak puruk, ap kwarat yiga-o.

2 KORINTUS 7:1

Nanggamirak kenabuwa worak wa-e. Urul pidnak wene oboksa-ge nit-nen idnak me, nit na nit-net nondomok marak nap yogolar-e, nenpe min ninndi min kik tak nunpurak mende iri marak puruk, Mbal Pem Nagawan indi aye min woragolar-e, mondok marak iminep mbarak irit wolmog-o.

1 PETERUS 1:17

Kit-nen Mbal Pem Nagawan eram tepan yogolar-e: ”Nineij-o” luk yugwi-t nde, Mbal Pem Nagawan-e ap ondomoktak-nen kwaridnak ndak ndag-et entare limbinigit lak enpem wene mbaroso-o. Iri bem-e, kir-e nggweyak ma yu me woragolar-e, Mbal Pem Nagawan kek tak obogolat wolmer-o.