NGGOMO WENE 22:23 - Nanduk Ngget Tul Pidnak Wene

²³ Nagawan Indo-ge it enambigit nggwe-t yosolat, enmawi lak iri lel inpili nab-e inndisep lak tak puwa-o.

NGGOMO WENE 22:23 ပူးပေါင်းရင်းမြစ်များ

NDAWI ENGGA 103:6

Nde, Nagawan Indo-ge ndemeret lud tak nak kwaroso me, mbenat onposolar-e, anggun panggun tak inpili nap enambigit yoso-o.

NDAWI ENGGA 43:1

Mbal Pem Nagawan wa-e. Kar-e an nambigit yosolat, mot mot kwaroso rak nibi-o. Mbal Pem Nagawan enaru buk nap-nen an nebem wene mbatli me, kar-e an nambigit yosolat, nowene mbari-o. Meya kwarugwi nap min enmberam lagwi nap min ininggiyapma-nen wisirik nibi-o.

MBIRIGA WENE 22:22

Kir-e kweyap togwe min li mul ineid lak iniya lag-e lel unpurak pug-o.

MBIRIGA WENE 22:23

Kit-nen nde it lel onpogola-ge, it-nen-e Nagawan Indo an neram ’Yonggo nindi-o’ luk wene mbo bil luwagola-ge, kulimin-o. Kulurug-e,

NGGOMO WENE 23:11

It enambigit yoso Nagawan Indo amawi worak me, ar-e enambigit yosolar-e, kat kebem kore ma-o.

YESAYA 33:1

Nit nunuwim nab-e mondok enabuwa worak-nen yusu-o! It iri-ge ap-nen-e nden unpugwi bug-et nde, ap nden unpugwi-o. It iri-ge ap-nen-e onmbol pem lagwi bug-et nde, ir-e ap onmbol pem lagwi-o. Alat nde, iri nggal nden onpogolat, onmbol pem lagolat kwaruwa-t nde, abok nggwe-ge it nde nden onpogolat, enmberam lagolat kwaruwa-o.

MIKA 7:9

Nir-e Nagawan Indo imin meya kwarige bem at-nen idnak isilepma-ge mondok nenpem-et mbuwag-o. Alat nde, ar-e yanem-et nit nenambigit yosolat, mot mot kwarugwi elem wok nondosolat, at-nen lesa wok nunpuruk, yaya bem ninpil mburuwa-o. Nit nondomok-nen na at-net ninmiri yosola, kul-o.

ABAKUK 2:8

Kit-nen-e yi nap ndi nap kwarat enarengge ndunugwi-t nde, kit-nen ap kwarat eneyabi wirik pogolat, o kwarat min o siri kwarat min ereba woragwi nap min ereba na kit-nen kenlengen lamburak nak kwat onpogolat woraigep ereba na bem it ereba-nen mengga mbiridnak nap lom worogolar-e, kit na nden-et kunpuwa-o.

MALEAKI 3:5

Nagawan Indo Mondok Amawi worak iri na-nen yosolar-e: ”An-e kenpem wene mbenareyekluk lobok yimin-o. Nde, kugwi kwal ombo min mbabi kwarugwi min ennesiget ap enpem wene pugwi min ap-nen yabu wanidnak pem onggo wok ondogolat lugud tak kwat unpugwi nap min kweyap togwe min li mul ineid iniya lak min ap sal min ereba na lel mberel unpugwi nap min an kek tak nubugwi buk nap oboksa min it oboksa-nen kwatli ereba-ge an ndag-et nak lobok yosolar-e, enpem wene mbenarimin-o” luk yij-o.

1 SEMUEL 24:12

Nit nenmberek nennggendumu ta-nen nde meya kwarusu iri-ge Nagawan Indo nak-nen nenpem wene mbenaruwag-o. An-e kar-e marigit tet andi bandi rak kibimin pug-et nde, kat-nen an kwat nubusu iri-ge Nagawan Indo nak-nen onggo puwag-o.

1 SEMUEL 24:15

Nagawan Indo-ge wene mbenarugwi nap kwat yosolat, wene yu-ge an min nagawan kat min nennggendumu-ge at nak-nen mbenaruwa-o. Iri yosolar-e, kat-nen nereyekluk yusu-t nde, Nagawan Indo-ge an nambigit yosolat, yongga nuruwag-o” luk yij-o.

1 SEMUEL 25:39

Nabal wat yidnak wene iri na kuluruk, Ndaut-nen yosolar-e: ”Nagawan Indo nak kek tak wolmag-o! Nabal-nen an erengenma nggal tak nibid iri na-ge Nagawan Indo-nen nemepnggo posola-ge, ndegel oboso nap an-nen meya kwaruwa naru larok tak nibij-o. Nabal-nen meya kwaroso bem-et Nagawan Indo-nen wirij-o” luk yij-o. Iri luk misik tarem-e Ndaut-nen-e Abigail iri na at wok uburak pem-e ene kulil ab-e Abigail eram wirik inpil mbirij-o.