NGGOMO WENE 20:22 - Nanduk Ngget Tul Pidnak Wene

²² Meya kwat konpogola-ge, onggo onggo kwarurak pug-o. Nagawan Indo ebem kinndi wat tak puruk wolmer-o. At-nen-e yongga-t kunduwa-o.

NGGOMO WENE 20:22 ပူးပေါင်းရင်းမြစ်များ

2 SEMUEL 16:12

Erep-nen-e Nagawan Indo-nen an-nen andi bandi kasu yu neyaruk, imbiri lamut tak nubusu onggo imbiringgat tak nubuwa nde ma-o” luk yak indij-o.

NDAWI ENGGA 27:14

Kindi-ge Nagawan Indo ebem nak mbung mbung tak puruk wolmin-o. Kindi-ge tugup lak, uwi ya irit wolmin-o. Ye! Nagawan Indo ebem-et kindi mbung mbung tak puruk wolmin-o.

NDAWI ENGGA 37:34

Nagawan Indo ebem nak kindi wat tak puruk woralat, at-nen kebem pidnak nak kwarosolat wolmin-o. Iri kwarosola-ge, o nggweyak iri winde yurak pem mendak kubuwa-o. Nde, meya yugwi nab-e lak tak onposola kagun-o.

NDAWI ENGGA 37:40

Nagawan Indo-nen it yongga ondosolat, inmiri yosolat kwaroso-o. It iri-ge at eram kura woragwi me, meya kwarugwi nap ininggem-nen mengga keya onposo-o.

NGGOMO WENE 20:21

Enarengge nandug-et ndag-et lomboksa wanidnag-et nde, abok nggwe-ge imbiringgat yugwi bug-o.

YESAYA 40:31

Alat nde, ap Nagawan Indo ebem wat tak worali nab-e enmawi ngget irit wok unduwa-o. It iri-ge towe ud isiyamu-nen kudsa mondok teram abu pubu mburusu iri nggal pubu mburuwa-o. Ir-e pong kil mborogolar-e, enpabog-e lak ma bug-o. Ir-e tula mborogolar-e, ndeyak ma bug-o.

TEPAN OMBO-NEN KWARURAK WENE 19:18

Kit kwat kinpidnak pem onggo purak pug-o. Kinsilepma na ap enpem purak pug-o. Kit kondomok kenabuwa kali nggal kit na kit-net nabuwa kabuwa wolmer-o. An-e Nagawan Indo-nen yusu-o.

MATIUS 5:39

Alat nde, an-nen yak kendeyeg-o: Kit meya rak konpogola-ge, kit-nen na onggo it meya rak unpurak pug-o. Are, ap misik-nen nde kerabengan kigit nggwe nde lel kasola-ge, kar-e kerabengen ponok nggwe na min-et nuk kudtag-o.

TUGURUK YIDNAK WENE 32:35

Nagawan Indo-nen onggo posolar-e, mondok angin worak mende enpem puwa-o. It wosa mburak tarem panggo yosolar-e, it yigisa keya unpurak tarem yanem-et wok ma-o.

1 TESALONIKA 5:15

Nde, meya kwarurak pem ap-nen onggo onggo kwaruwa naru, kwara wolmer-o. Kit kennggamtak inmin konak nak wolmomtak pem na irit, ap pidsa inmin konak nak wolmomtak pem na irit, pempa kenmawi kondogolat wolmer-o.

1 PETERUS 2:23

Meya wene yak togola na at-nen na meya wene onggo yak indigit lag-o. Nde, at worogola na at-nen na it onggo kwat unpurak na yak indigit lag-o. Are, at kwat ibili wene iri-ge mot mor-et ap enpem wene mbaroso Mbal Pem Nagawan na ebem keya bij-o.

1 PETERUS 3:9

Mbal Pem Nagawan-nen wene mbo kinpid iri-ge, at-nen idnak imbiringgat mende wok kendeyekluk wene mbo kinpidnak me, ap-nen meya rak konpogola, onggo it meya rak unpurak pug-o. Ap-nen meya wene yak kondogola, onggo meya wene yak undurak pug-o. Are, inmbiringgat tak enper-o.

1 PETERUS 4:19

Iri bem-e, Mbal Pem Nagawan indi-n pidnak pem andi bandi kagwi nap mbi woragolar-e, lud tak nak kwarogolat, it ndak wat inpidnak nap iri na ebem inndi angin tubu yogola-ge, at-nen urul yak indidnak na-ge ndak ndag-et kwarosolat wolma-o.

1 SEMUEL 25:13

Yogolikma, Ndaut-nen ap at imin nugwi nap ereba na yak ondosolar-e: ”Oboksa yalawi lit kil lobok yer-o” yak unduruk, Ndaut min-et yalawi lit karuk ab-e empat ratus (400) irit mbiriga-o. Nde, ap dua ratus-e (200) yi mende ndi mende yik karok towarak keya inpiga-o.