NGGOMO WENE 20:18 - Nanduk Ngget Tul Pidnak Wene

¹⁸ Inndi-net kwara wal karuk-nen kwarogola-ge, kwarurak yemnak pidnak iri na-ge kwat yoso-o. Iri bem-e, ”Iri nggal-et kwaruwog-o” luk, inndi-nen wal kagit lak-nen-e kenmawi kundurak pug-o.

NGGOMO WENE 20:18 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 1:12

Iri ala karuk, an-e kat min kambara Salomo min kenkap ndagobokluk-nen nggomo yak kundusu-o.

2 NAGAWAN NAGAWAN-NEN KWARIDNAK WENE 18:20

Kat kindi-nen perasolar-e san ombo enmawi min inndi nggat nggat pugwi min ondolma-ge we enne nak-nen yurak iri-ge ndak perasu-a? Kat kindi-ge ta ebem wat tak puruk kwiye lag-et Asiut imin wim purak yusu-o?

NGGOMO WENE 15:22

Inndi-nen yebet kagit lak nde kwarogolar-e, kwarurak yidnak iri na-ge ebe kwat yoso bug-o. Alat nde, ap kwarat-nen nggomo ondogola-nen kwarogolar-e, ”Irit kwaruwog-o” luk inndi pidnak iri na-ge ebe kwat yoso-o.

NGGOMO WENE 24:6

Wim nggwigit lak ma-net ”Iri nggal kwarurag-o” luk wene kona mbarogolat, ”Yu nggal, iri nggal” yugwi nap na kwarat ala-ge, ombol nggwe yurak nde ma-o.

NGGOMO WENE 25:8

Wene worala-ge, ndag-et nak lubungsa wene mbarugwi sa waruk lobok yurak pug-o. Kat-nen kwarugun iri na mbenatluk, ”Meya-t kwarigen-o” yak korogola-ge, kar-e no kwarugun-o?

LUKAS 14:31

Ap nagawan misik at nap san winde-ge sepulu ribu worak iri na-nen ap nagawan misik at nap san winde-ge dua pulu ribu worak na imin wim mbareyekluk, kore luk. Ap iri imin-e ndak nde wim mbarimin, lak, ngge-o?” luk nandug-et indi wal kaso-o.