NGGOMO WENE 15:7 - Nanduk Ngget Tul Pidnak Wene

⁷ Indi worak nap-nen wirik pusu wene-ge konak tena wolmomtak wene nak mburusu-o. Alat nde, ap wid-nen yebet kaso iri-ge iri nggal-e mondok lag-o.

NGGOMO WENE 15:7 ပူးပေါင်းရင်းမြစ်များ

NDAWI ENGGA 37:30

Konak nab-e wene-ge indi-nen lid puruk yosolat, wene wirik posolat na pempa mot mor-et yoso-o.

NGGOMO WENE 15:2

Ap inndi nggat nggat worak nap-nen wene wirik pugwi iri na-nen-e enaru yurak indingen tak poso-o. Alat nde, ap wid-nen wene wirik pugwi iri-ge wid-nen yebet kagwi ebe lak ereba na nak lom worak-nen yusu-o.

NGGOMO WENE 15:6

Konak nap ama-ge isilobulo kwarat woraso-o. Alat nde, meya yoso nap iri na arengge mende-ge angin worak mende ebem mbosolat, lak yoso-o.

NGGOMO WENE 15:8

Nagawan Indo-nen-e konak nap-nen tepan yili-ge kulusu-o. Alat nde, meya yugwi nap-nen at amanggim pidnak mende-ge isili rak nde pusu-o.

NGGOMO WENE 5:2

Iri kwarosola-ge, kat kabage mot mor-et worasolat, wene-ge kwara kindi-net yebet karuk yosolat woranog-o.

MATIUS 10:27

An-e mom ki rak ma-nen yak kindigi wene iri-ge kir-e nam mo bem tak purag-o. Nde, kit keneyanggo ma nggumuksa pil nggwidnak wene iri-ge kit-nen-e silmu rak purag-o.

MATIUS 12:34

Waro-nen wigarak kit yu-ge wa-e. Kir-e meya nak kwarugwi-nen-e nggesa-nen konak wene yugub-o? Enne wirik pogolar-e, inndi arem woraso iri na-t wirik pugwi-o.

MARAKUS 16:15

Met unpuruk, Yesus-nen it yak ondosolar-e: ”Kir-e yi wi ndi wi ap pidsa aid wene yak indil mberer-o.

EPESUS 4:29

Kit kenmende nggwe-nen meya wene wirik purak pug-o. Are, it-nen kuluruk, inndi yek tak purak wene nak yogola-ge, kit-nen yidnak wene kuluwa nap iri-ge inmbiringgat tak pugub-o.

2 TIMOTIUS 2:2

Ap kwarat inmbiri bem an-nen nggomo kirigi na-ge kat-nen na iri nggal-et mot mor-et kwarugwi nap enpem posola-ge, it-nen na iri nggal-et nin nap mul unduwaklug-e, yak ondosolat wolmin-o.

YAKOBUS 3:6

Nenma iri-ge nit nenpem meya kwarugwi ondoro nggal yosolar-e, nit nenpem meya wugarak pusu-o. Kan mare arem-nen pago pidnak me, nenma yu-nen nenpe pidsa pak nunpusu-o.