NGGOMO WENE 15:15 - Nanduk Ngget Tul Pidnak Wene

¹⁵ Anggun panggun arem woraso nap-nen-e pempa anggun nak kasolat woraso-o. Nde, yek tak alen pem woraso nap-nen-e pempa yek tak alen pem woraso-o.

NGGOMO WENE 15:15 ပူးပေါင်းရင်းမြစ်များ

NDAK WIRIDNAK WENE 37:35

Iri kwarosola karuk, ilirak kwami-nen ap-nen lobok luk, indi yanggunidnag-et nde, at-nen yosolar-e: ”An-e iniksa-t worasoma, wat yosolat-nen nak keya bimin-o” yurug-e, ambara Yusup na ebem tabun puruk, pem irit woragij-o.

NDAK WIRIDNAK WENE 47:9

Yakup-nen yosolar-e: ”An-e we waring tenak nak woralar-e, olengen-e seratus tiga pulu (130) nak worasu-o. Nde, an-nen nde nomborak-nen waring tenak woraiga olengen min nde ndak worosolar-e, it woraiga olengen-e ombol nggwe-t nde, an-e andi bandi nak woralat, olengen-e poro-t worasu-o” luk yak tij-o.

NGGOMO WENE 15:13

Inndi arem enalen min woragola-ge, entare na yek tag-et woragwi-o. Alat nde, inndi puru rak woragolar-e, enpem nggwirik, enmawi lak woragwi-o.

NGGOMO WENE 15:14

Inndi worak nap-nen-e enaru yugwi mende nak kore yugwi-o. Alat nde, ap wid-nen-e at-nen wid woraso iri na min nak yid mbal tenak woraso-o.

NGGOMO WENE 15:16

Enarengge marig-et parugu woragolat-net nde, Nagawan Indo indi aye worak wolmomtak iri-ge konag-o. Alat nde, silobulo kwarat parugu woragolat-net nde, unmud kundugu nak wolmomtak iri-ge meya-o.

YIDNAK YIDNAK WENE 16:25

Alat nde, nggiringgendumu nggal-e Paulus min Silas min-e tepan yogolat, ndawi bem Mbal Pem Nagawan erembel wanogolat woragola-ge, o kubu me inpil nggwidnak nap erep-nen kologolat worakmu

OROMA 12:12

Kenalin kenalen pem-et kinndi-ge at ebem mbung mbung tak wolmer-o. Anggun panggun kenpem mbosola-t nde, kinndi luruk puruk, tepan nak kundugu yogolat wolmer-o.

OROMA 5:11

Nde, ninmiri yurak iri nag-e lag-o. Are, Nenagawan Indo Yesus Kerisut ebem-nen Mbal Pem Nagawan ebem-e nenalin nenalen kali-o. Yesus ebem-net Mbal Pem Nagawan imin kundik ninpij-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

2 KORINTUS 1:5

Nde, Kerisut ebem anggun panggun kwarat mbid na nggal-et nit nenpem mbusu-o. Nde, iri nggal-et Kerisut ebem-nen ninndi yangonoso mende kwarat tak nunpusu-o.

2 KORINTUS 6:10

Ninndi puru pera yili-t nde, nir-e pempa nenalin nenalen yili-o. Ninsilobulo na lak nab-et nde, nir-e ap kwarat insilobulo worak tak inpili-o. Nit nenarengge lag-et nde, nir-e yi mende ndi mende oboksa winde-nen yili-o.

1 PETERUS 4:13

Are, Kerisut andi bandi kagaid na nggal-et an-e at imin andi bandi kasu-o luk, kenalen ker-o. Iri kwarugup ala-ge, at kek tak woraso nam tak puwa tarem-e kit kenalin kenalen kwarat kagub-o.