NGGOMO WENE 13:8 - Nanduk Ngget Tul Pidnak Wene

⁸ Ap enarengge worak nap-nen-e kona yamuksa wolmomtak pem-e ontol-et wirik pugwi-o. Alat nde, insilobulo lak nab-e enpem mbud yugwi bug-o.

NGGOMO WENE 13:8 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 24:14

Iri kwarosolar-e, Nebukatnesat-nen-e Nagawan Yoyakin min ija min ogwerak min at eyabu wanugwi nap min Yewura nap ennggendumu-nen enne kulugwi nap min ap enmawi worak oboksa enpe tuju ribu (7.000) irit kamat unpuruk, mberena Mbabilonia wok unpuruk mbirij-o. Iri-nen ap yabu wanugwi enaru nap min mbesi konugwi enaru nap min enpe-ge seribu irit wok unpuruk mbirij-o. Nde, it ereba na oboksa enmawi worak, san wari nak irit inmin mbirij-o. Iri-nen nagawan-nen wigarak nap min ap unu worak nap min oboksa enpe sepulu ribu (10.000) irit ap mbo inpil mburugwi sa Mbabilonia iri me inpil mbirij-o. Nde, Yerusalem woragwi nab-e oboksa pendega wok unpuruk mborogolat, enpe ap insilobulo lak nap ereba na nak keya inpij-o.

2 NAGAWAN NAGAWAN-NEN KWARIDNAK WENE 25:12

Alat nde, ap mondok enlengenma lak ereba na-ge Yewura iri me keya unpuruk, anggut yabu min yabu erep min wanogolat wolmakluk enpem pij-o.

AYUP 2:4

Alat nde, Sere iri na-nen onggo yosolar-e: ”Indi min enpe ki wolmomtak min iri-ge mondok nggok-nen yusu-o. Alat nde, enarengge mende iri-ge nggog-e lag-o. Nggweyakma nab-e enarengge mende iri lak tak purak iri-ge ndag-et nde, mondok nggog-e enpe unluk wolmomtak iri nak nggog-o.

MBIRIGA WENE 21:30

Alat nde, sapi ombo iri na at ondomok indi imiri yosolar-e, ap inndi imiri yogolat pugwi onggo ndak ndag-et purag-o.

NGGOMO WENE 13:7

Ap erep-nen-e: ”An-e yi mende ndi mende ombo-o” luk inmidwak lel kali-t nde, insilobulo-ge lak-net nde yili-o. Nde, ap erep-nen-e yi mende ndi mende ombo-net nde, ”An-e nisilobulo lag-o” luk yili-o.

NGGOMO WENE 13:9

Lud tak nak kwarugwi nab-e tal pago nggal yaya kererak-nen yusu-o. Meya yugwi nab-e tal nigirik nggal irit worali-o.

NGGOMO WENE 6:35

At iri na-ge tol pem indi yanggunurak na mondok meya ma-o. Silobulo kwarat wok tuwa-t nde, isilepma-ge yanggo yuwa bug-o.

MATIUS 16:26

Nde, ap mbi-nen-e o nggweyak yu oboksa winde yuwa-t nde, at ondomok indi pul marig-e, no nde lesa wanuwa-o? Mondok lag-o. At uruk wolmomtak iri na-ge yi mende ndi mende min onggo onggo rak purag-e ndag-a?

LUKAS 12:23

Unluk wolmomtak iri-ge nggulok-nen yusu-o. Nde, nunggwi mende iri-ge marik-nen yusu-o. Enpe iri-ge nggulok-nen yusu-o. Nde, sum iri-ge marik-nen yusu-o.