NGGOMO WENE 13:4 - Nanduk Ngget Tul Pidnak Wene

⁴ Perari worak nab-e at-nen wanurak kwarat ukwe yuwa-t nde, misiget ter-o luk mondok wanuwa bug-o.

NGGOMO WENE 13:4 ပူးပေါင်းရင်းမြစ်များ

NDAK WIRIDNAK WENE 26:32

Mborogola, iri na tarem-et Isak ndegel ubugwi nap ereba na lobok yogolat-nen yak togolar-e: ”Nit-nen yi kenanggurak ondoro nggweyak yalige na-ge yi-ge mondok worasu-o” yak tiga-o.

NGGOMO WENE 13:3

Wene yogolat inndi-net kwaluk yugwi nab-e woragolar-e, kona yamuksa-t wolma-o. Wene kasa ereba nak yugwi nab-e enlengenwak lak ma-o.

NGGOMO WENE 13:5

Mot mot kwarugwi nab-e ennesiget yugwi iri-ge insili-nen yusu-o. Meya yugwi nap-nen-e ap innggiri rak pogolat, unnu mbilaro ngin tak pugwi-nen yusu-o.

NGGOMO WENE 20:4

Perari worak nap-nen-e yabu wanugwi tarem eyabu na-ge wanigit lak worarug-e, ebe mbarugwi tarem-e mbaroso bug-o.

NGGOMO WENE 6:6

Ap perari worak nab-e at kurip-nen woralat-nen kwaroso iri kwara karuk, enaru yuwag-o.

NGGOMO WENE 8:34

An-nen nggomo undusu wene kologolat, pempa an nuwi tumende bem koreyak woragolat, an woraso sa pak tumende bem yik karok worali nab-e enalen kagolat wolmag-o.

YESAYA 58:11

An-nen-e pempa lit kunpuruk nosolat, nggweyak le rak pem-et nde, kinmbitsa mak kondosolat woramin-o. Kenmawi min kenpem mbenag-et worabokluk yik keneyarok woramin-o. Kir-e yi worak ma engen amare worak yagidnak yabu nggal woragolat, yi ulusu eberek yoso buk nggal woragolat yugub-o.

WONARIDNAK WENE 23:10

Yakup-nen wigarag-e mondok o liri nggal wonarurak pug-o. Isarael nap enpe-ge mondok wene yurag-e meya-o. An-e ap mot mot nggal-et mot mot woraruk wat yeg-o. An nuruk woralar-e, it iri worali nggal-et worayeg-o” luk yij-o.

YOANES 6:27

Lak yosolat, emben yosolat yoso nunggwi mende iri-ge ndegel tenak momtak pug-o. Are, emben yoso buk, pem-et unlug-et woralik nalik yaga wok ondoso nunggwi mende irit ndegel tenak wolmer-o. Nde, Ap Ambara an-e Neid Mbal Pem Nagawan-nen lenak nibidnak me, iri yidnak nunggwi mende iri-ge Ap Ambara an-nen wok kindimin-o” luk yij-o.

IBERANI 6:11

Kit kondomok tak-nen kenmawi kondogolat iri worakmu worok tak posolat-nen kit-nen ebem kinndi mbung mbung tak puruk woragwi na mondok wanurak iri-ge mondok nindingen-o.

YOSUA 7:3

mbirigarik, it na lobok yogolar-e, wene-ge Yosua yak til lobok yogolat-nen yogolar-e: ”Nit oboksa-t mbutluk Ai wi narurag-e meya-o. Are, ab-e dua ribu (2.000) nggal, tiga ribu (3.000) nggal nak wirik unpurag-o. Nde, o iri-ge o siri-ge marik me, san ombo oboksa wim ngguwakluk iri me nak wirik unpurag-e lag-o” luk yak tiga-o.