NGGOMO WENE 13:25 - Nanduk Ngget Tul Pidnak Wene

²⁵ Konak nab-e nunggwi mende bem-e ndak woragwi-o. Alat nde, meya kwarugwi nab-e pempa nere nak woragwi-o.

NGGOMO WENE 13:25 ပူးပေါင်းရင်းမြစ်များ

NDAWI ENGGA 103:5

Kat-nen woraso-ge at-nen yamuksa ndak tak kobosola-ge, kar-e towe ud nggal ngget tak kuburuk, sujwe rak kubusu-o.

NDAWI ENGGA 132:15

Sion woragwi nap-nen ukwe pidnak mende-ge ndak yaga kwarat wok ondosolat, iri me insilobulo lak wolma nab-e kwarat inmbitsa mak indimin-o.

NDAWI ENGGA 34:10

Singa ndakngge ereba-ge naso mende lak me nere kaso-t nde, Nagawan Indo-nen yidnak yidnak kwatli nab-e yi mende ndi mende ukwe lak, ndak irit worali-o.

NDAWI ENGGA 37:16

Meya yugwi nap-nen insilobulo kwarat wanili-t nde, lud tak kwaroso nap-nen insilobulo marig-et wanusu iri-ge mondok ija-net yusu-o.

NDAWI ENGGA 37:3

Kir-e kinndi-ge Nagawan Indo ebem wat tak puruk, konak nak kwarogolat wolmer-o. Kir-e o nggweyak iri na me woragolat, tugup lak irit wolmer-o.

NGGOMO WENE 13:18

Ap-nen nggomo undurak inmbit yugwi nab-e enlengenma lak no mende nggal nde kwat ma-o. Alat nde, nggomo indidnak wene-t kulugwi nab-e kek tak unpuwa-o.

NGGOMO WENE 6:11

Alat nde, at nene yosolat worala, nde, enlengenma lak woragwi mende min enarengge lak woragwi mende min nde ap nden unpugwi nap-nen san kundugu enpem mbud yugwi nggal ebem mbud ma-o.

LUKAS 15:14

Iri kwarosolar-e, at arengge pidsa lak tak parik pem-e o iri na me nogoro nggok mbud yosolar-e, la iri na arengge abu lak woragaij-o.

TUGURUK YIDNAK WENE 32:24

Iri yosola-ge, it wat yogolar-e, enmbem wuloksa kugi unduruk-nen wat yogolat, nere bem-nen na irit, kugi aye worak pem-nen na irit wat ma-o. Keya unpumu, singa ndakngge-nen nok onposolat, waro eyak worak-nen yilik onposolat makluk, wirik pimin-o.

2 TESALONIKA 3:10

Nir-e kit kinmin woragolat-nen kiri keresa yak kondogolar-e: ”Yabu wanoso buk nab-e nunggwi mende mak turak pug-o” luk yak kindige nar-o.

1 TIMOTIUS 4:8

Ap enpe amawi makluk onowak mulugwi iri-ge ob-et nde, iri-ge te nggal-nen yusu-o. Nde, inndi-ge Mbal Pem Nagawan abage nggal makluk onowak mulugwi iri-ge mondok nggok lombok-nen yusu-o. Iri arem-e yawo nunluk worali min abok nunluk wulmul min worasu-nen yusu-o.

IBERANI 13:5

Uang ukwe ukwe yugwi nap yurak pug-o. Are, kat karengge kinggem worasu iri na-ge ndak-nen yusu-o luk peragolat woragup na-e. Nde, Mbal Pem Nagawan-nen yosolar-e: ”An-e keya konposolat, meme rak konposolat mondok yimin pug-o” luk yij-o.