NGGOMO WENE 13:17 - Nanduk Ngget Tul Pidnak Wene

¹⁷ Wirik ibil lobok yidnak nap nari wari rak iri na-nen-e enare purak sa mberak onposo-o. Alat nde, wirik ibil lobok yidnak nap enmberam laso buk iri na-nen-e kona lambuksa woragwi rak poso-o.

NGGOMO WENE 13:17 ပူးပေါင်းရင်းမြစ်များ

NGGOMO WENE 13:18

Ap-nen nggomo undurak inmbit yugwi nab-e enlengenma lak no mende nggal nde kwat ma-o. Alat nde, nggomo indidnak wene-t kulugwi nab-e kek tak unpuwa-o.

NGGOMO WENE 25:13

Wirik ibidnak nap-nen yidnak yidnak nak kwaridnak pem-e at wirik oboso nap iri na-ge alen tak oboso iri-ge yapmu yagidnak mende ereba na mbarugwi nap yi kol enpem yamuksa mak indidnak nggal-nen yusu-o.

NGGOMO WENE 25:23

O wija abare abam (utara) nggwe-nen nde lobok yosola-ge, ndemeret talme pil lobok yoso-o. Iri nggal-et onpok pugwi mende iri-nen-e insilepma yugwi mende nam tak poso-o.

YEREMIA 23:28

Nde, an nene lomboksa yoso nap-nen nabi kasolug-e, ’We nabi kagi-o’ luk yurag-o. Nde, an-nen wene enpem pidnak nap-nen-e enpem pidnak ereba na-t ndemeret yak undurag-o. Nggandum mbato-ge ariwak min ndak ndak tak purag-e meya-o.

YESKIEL 3:18

An-nen yosolar-e: ’Meya yoso nap iri na mondok wat ma-o’ yak kirimin-et nde, kat-nen nde at abage iri nden kasola, imiri yuwakluk nggomo wirigit lak irit worasoma, at-nen meya irit kwat tenak worasoma wat ma iri-ge erem-e kat kebem-et pimin-o.

1 KORINTUS 4:2

Nde, ap insilobulo inggem pidnak nab-e mot mot nak kwaroso irit mag-o.

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

2 KORINTUS 5:20

Iri ala-ge, nir-e Kerisut-nen ninpil lobok yidnak nap-nen yili me, nit nenemende nggwe-nen Mbal Pem Nagawan-nen-e kenmengen mbarusu-o. Nde, Kerisut unu bem nit-nen kenmengen mbarogolar-e: kondomok-net Mbal Pem Nagawan imin lambuk tak kunpuwakluk eram lobok yer-o luk yak kindili-o.

1 TIMOTIUS 1:12

An-nen at eyabu yu wanuwakluk amawi wok nirid Nenagawan Indo Kerisut Yesus-nen-e at ndegel uburak pem ar-e ndak-net yusu-o luk neberaidnak pem an-nen wiwa-o yak tusu-o.

2 TIMOTIUS 2:2

Ap kwarat inmbiri bem an-nen nggomo kirigi na-ge kat-nen na iri nggal-et mot mor-et kwarugwi nap enpem posola-ge, it-nen na iri nggal-et nin nap mul unduwaklug-e, yak ondosolat wolmin-o.