NGGOMO WENE 13:16 - Nanduk Ngget Tul Pidnak Wene

¹⁶ Ap inndi worak nap-nen-e awo kwarigit lak ma-net kwara yebet kagwi-o. Alat nde, ap wid-nen-e at-nen yebet kaso buk iri na-ge we ereba kenangga nak wirik poso-o.

NGGOMO WENE 13:16 ပူးပေါင်းရင်းမြစ်များ

NDAWI ENGGA 112:5

Tuguruk ondolma purak pem enpem nggi yogola, wok undugwi inndi konak woragolat, yi wene ndi wene bem lugud tak kwarigit lak, mondok mot mot nak kwarogolat worali nab-e mondok enalen kagolat wolmag-o.

NGGOMO WENE 15:2

Ap inndi nggat nggat worak nap-nen wene wirik pugwi iri na-nen-e enaru yurak indingen tak poso-o. Alat nde, ap wid-nen wene wirik pugwi iri-ge wid-nen yebet kagwi ebe lak ereba na nak lom worak-nen yusu-o.

YESAYA 52:13

Nagawan Indo-nen yosolar-e: ”An ndegel noboso nap iri na-nen kwaridnak ebe-t kwat marig-e, at nak erembel wanogolat, kek tak ubuwa-o.

MATIUS 10:16

”Yu nde ker-o. An-nen wirik konposolar-e, lomba wam-e ndakngge enggendumu wirik pugwi nggal wirik kunpusu-o. Iri bem-e, kir-e kinndi tenggerak waro nggal woragolat, kinndi yanggonak towe merpati nggal woragolat mer-o.

OROMA 16:19

Kir-e Mbal Pem Nagawan-nen yidnak wene-nen yidnak yidnak nak kwatli wene-ge ap oboksa-nen kuliga-o. Kit-nen iri kwatli iri bem an-e nalen kasu-o. Konak kwarurak pem-e kinndi nggat nggat worak woragolat, nde, meya kwarurak pem-e kenaru buk wid nggal wolmomtak iri-ge nindingen-o.

1 KORINTUS 14:20

Nanggamirak wa-e. Kit-nen yebet kagwi-ge li marik-nen yebet kagwi nggal yebet kudtak pug-o. Meya kwarugwi bem-e li marik nggal kwat yer-o. Alat nde, kit-nen yebet kagwi bem-e kinndi amburu mbarak wolmer-o.

EPESUS 5:17

Iri bem-e tabuksa wolmomtak pug-o. Are, Nagawan Indo indi-n pidnak wene yenggerak pobok-nen kenmawi kondogolat wolmer-o.

1 SEMUEL 25:17

Iri bem wene yu-ge kwara yebet karuk, kat-nen kwarurak iri-ge iri nggal-et kwareyeg-o luk wat tak purag-o. Nde, wene iri bem-e mondok onggo-ge nonmbo Nabal min at ama woragwi nap oboksa nenpem-e mondok angin worak worasu-o. Nde, nonmbo Nabal yu-ge abut meya, wene na koloso buk me, mondok meya-o” yak tij-o.

1 SEMUEL 25:25

Nab-o. Kar-e Nabal mondok abut weyaga iri bem kindi mburuk tenak wolmomtak pug-o. At iri-ge unu iri ndak ndak indi lak-net yusu-o. Alat nde, nab-o. An-e kat-nen inpil lobok yigen nap ereba-ge mondok eneyagit lag-o.